Doorshooyinku dhib iyo
dheefba waa u leeyihiin Shacabka Somaliland
Qaybtii 5aad
(shuruudaha laga doonayo shaqsiga
isu sharaxaya Madaxtooyada waxaa si cad u qeexaya Xeerarka Xisbiyada
iyo Dastuurka Qaranka Somaliland,mana aha wax muran geli kara)
Mar kasta waxaad ogaataan in
howlaha Doorashooyinku ay yihiin howlo aad iyo aad u dhib
badan,marka laga hadlayo qarasha ku baxaya iyo howsha la qabanayo
lafteeda,waxaad markasta maskaxda ku haysaa Doorashooyin ka dhacay
wadan yar oo aan AQOONSANSI dhaqaale iyo mid siyaasadeedba helin ,kuna
yaala Qaarada Afrika sida ay ugu dhib badan tahay howshaasi.Waxaa
iyana muhiim ah in aad ogaato in Doorashooyinkii Somaliland hore u
soo maray,aan wax dhibaato ahi ka dhicin.
Fadlan akhriso Xeerka Xisbiga aad
ka tirsan tahay,waxaana muhiim ah in aad fahanto bal wixii kaa
reeban iyo wixii kugu haboon,inta aadan ku dhawaaqin
Musharaxnimadaada.Waa dhici kartaa in aad ka gudubto Xeerka Xisbiga
aad ka tirsan tahay,balse aad ka gudbi kari weydo Axdiga Qaranka.
Is sharaxida hore(Xisbigaaga
dhexdiisa).
Mar la qabto shirweynaha Xisbiga ee la doorto ama la dhiso Golaha
dhexe ee Xisbiga,ayaa waxaa loo gudbayaa Musharaxiinta.Musharaxiintu
waa in ay iska soo dhex sharaxaan Golaha dhexe ee Xisbiga ay ka
tirsan yihiin,sida ku cad dhamaan Xeer hoosaadyada Xisbiya.Marka aad
ka soo gudubto is reer reebka Golaha dhexe ee Xisbiga aad ka tirsan
tahay,ayaa waxaa si rasmi ah loogu dhawaaqayaa cida sida rasmiga ah
ugu guulaysatay Musharaxnimada jagada Madaxweynaha iyo Madaxweyne ku
xigeenka,ee Xisbiga.
Marka aad ka soo gudubto is reeb reebka Xisbiga aad ka tirsan tahay
dhexdiisa ,waxaa iyana muhiim ah in aad buuxiso shuuradaha ku qeexan
Dastuurka Qaranka Somaliland,kuwaas oo ay tahay in aad iyana
buuxiso.Waa wax dhici kara,waana suurto gal in aad buuxiso
shuruudaha Xeerka Xisbiga aad ka tirsan tahay,(Musharaxa ka tahay)
balse aad buuxin kari weydo shuruudaha Axdiga Qarameedka.
Hubinta amase ilaalinta shuruudahan ku qeexan Dastuurka Qaranka
waxaa u xil saaran oo hubinaya hayadaha sharciga ,sida Maxkamadaha.
Q.82 aad ee Dastuurka Somaliland
ayaa si cad u qeexaya shuruudaha laga rabo shaqsiga isu sharaxa
jagada Madaxweynaha ee Somaliland ,wuxuuna u qoran yahay sida.
QODOBKA 82AAD
SHURUUDAHA QOFKA LOO DOORANAYO
MADAXWEYNE
AMA MADAXAWEYNE-KU-XIGEEN
Waxa Madaxweyne ama Ku-xigeen Madaxweyne loo dooran karaa qofka
buuxiya shuruudaha soo socda:¬
1. Waa in uu yahay muwaadin u dhashay Somaliland oo muwaadinimo
dawlad kale haysan, balse wuu noqon karaa qoxooti dal kale deggan.
2. Waa inuu Muslim yahay, kuna dhaqmaa Diinta lslaamka.
3. Waa inaanay da'diisu ka yaraan afartan sano {40}.
4. Waa inuu jidh ahaan iyo maskax ahaanba gudan karaa xilkiisa
5. Waa inuu aqoon iyo waayo-aragnimo u leeyahay arrimaha maamulka
{mid dawliya iyo mid kaleba}.
6. Waa inuusan dembi maxkamadi ku xukuntay ka gelin Qaranka
Somaliland.
7. Waa inuu xaaskiisu yahay Muslim.
8. Waa inuu xog-ogaal u ahaado xaqaa'iqa dalka ka jira, isaga oo
joogay ugu yaraan laba sano ka hor taariikhda doorashada loo cayimay
inay qabsoonto.
9. Waa inuu hantidiisa diiwaan geliyo.
Hadal iyo dhamaan qof kasta oo reer Somaliland ah Siyaasi iyo
shicib-ba waxaa ina saaran masuuliyad aad u weyn ,oo ah in aynu
ilaalino xilna iska saarno sidii ay inoogu qabsoomi lahaayeen
Doorashooyin xaq – xalaal iyo nabad gelyo ah.
Waar hooy nabada iyo horumarku aynu maanta haysanaa waa wax aad iyo
aad u qaali ah ,howl badanina inaga soo martay ee yaan lagu ciyaarin.
mahadsanidin
--La soco qaybtahaba dambe---
Abdi M.Saleiman(Mingiste)
abdi_saleiman@hotmail.com
|