Doorashooyinka Golaha Deegaanka Somaliland Oo Si Nabad-gelyo Ah Ugu
Bilaabmay Dalka Iyo Madaxweyne Siilaanyo Oo Codkiisa Dhiibtay
Doorashadan ayaa ku bilaabantay si habsami ah, iyada oo madaxweynaha
Somaliland Axmed.............
Hargeysa (TNN) - Guud ahaan gobolada iyo degmooyinka Somaliland ayaa
waxa saaka ka bilaab may cod bixinta doorashada goleyaasha Deegaanka,
taasi oo ay ku tartamayaan 7 urur/xisbi oo sadex ka mid ah la
doonayo inay u gudbaan xisbiyo qaran.
Magaalada Hargeysa oo ah halka ugu muhiimsan ayaa cod bixintu ka
bilaabmatay 7:40 am, wa xaana goobaha cod bixinta taagan dadweyne
safaf dhaadheer u taagan,kuwaas oo qaarkood saqdii dhexe ee xalay
yimaadeen goobahaasi.
Doorashadan ayaa ku bilaabantay si habsami ah, iyada oo madaxweynaha
Somaliland Axmed Maxamed Maxamuud (Siilaanyo) uu codkiisa ka
dhiibtay xarunta hay’adda shaqaalaha, waxana hadalkiisii ka mid ahaa
“Codkii aan xaqa u lahaa ayaan ka dhiibtay halkan, INSHA ALLAH
waxaan rajaynayaa in aynu noqono kuwii ku guulaysta Doorashadaas
ayaan ILAAHAY Ka rajaynayaa”
Sidoo kale ay ka codeeyeen marwada koowaad, xubno ka mid ah golaha
wasiirada, guddoomiye yaasha Ururada ku tartamaya doorashadan iyo
Taliyeyaasha Ciidamada Booliska, Laanta Socd aalka.
Madaxweyne Siilaanyo ayaa markii uu codka dhiibtay ka dib waxa uu u
lugeeyey xarunta madax tooyada, isaga oo ay hareero socdaan
wasiirada madaxtooyada, arrimaha gudaha iyo masuuliy iin ka mid ah
xisbiga Kulmiye.
Wararka laga helayo gobolada dalka ayaan sheegayn wax dhibaato ah.
Timacade News Desk
Hargeysa,Somaliland
|