Doorashadii
Somaliland weli waa gacan uur ku jirta,bal aan dhawro oo ka
dhursugno
Faaqidaad ku saabsan doorashada
Somaliland ayaa idaacada VOA ay soo bandhigtay todobaadkan.
Faaqidaadan oo ay ka qaybgaleen Xusbiga Kulmiye oo uga qaybgalao,
Kayse Xasan Cige iyo Xusbiga UDUB oo uu uga qaybgalay Cisman C/llahi
Cigaal), waxay u dhacday si aan turxaan iyo ismaandhaaf lahayn.
Labada xusbiba waxay muujinayeen in ay hogaansan yihiin heshiiska ay
wadagaleen, islamark aana labaduba diyaar u yihiin doorashada
maalinta Komishamnka qaranku cayimo.
Heshiiskan ku sabsaana anshaxa doorashada lagu galayo, waa muhiin.
In wax la isku ogaado oo la isla meel dhigaa arrin xun ma ah.
Dhaliisha doodu lahayd waxaa ka mid ahayd in labada nin midna af
xusbi oo dhawrsan ku hadlayey oo aan marna dhankaa iyo dhankaa toona
ugu leexan, oo aad moodey xusbinimada iyo xubnaha xusbig iisa
in uu tixgelinta ugu weyn siinayey. Saaxiibkay Cusmaan C/llaahi
Cigaal waxaa doodiisa aad ugu dhandhameysey in uu af-hayeen u ahaa
Golaha Dawladda, ee adeegeeda la leeyahay axsaabt ha u sinnaato.
Taasi waxay muujinaysaa in durba Mudane Cismaan uu ka sii siqayo
heshiiska la wadagalay, islamarkaana aanu aamin ku qabin xusbiga uu
ka soo jeedo iyo UDUBnimadiisa, waana gartiiyoo Xusbi gii
keligii ayaa ka soo hadhay amma (May be the big eye was watching
him).
Nuxurka kale ee doodu wuxuu ahaa in labaduba isla qireen in
heshiiska ku jiro qodob sheegaya in loo hogaansamo wixii serfarka ka
soo baxa ee khubaradu soo bandhigto. Ilaa hadda la mayaqaan wax ka
soo yeedhi doona. Laakiin haddii uu ku soo yeedho waxaan ka wada
qoslineyn dhinacyada tartanka doorashada u diyaargroobea, cid diidi
kartaa ma jirto oo waxaa qodobkan lagaga nasan doonaa mura
nadii ismaandhaafyadii hore loo soo maray ee gudaha iyo qurbahaba
gilgili jirey.
Mar haddii aan la garaneyn maalin cayiman iyo natiijadii khubarada
ka soo bixi doonta serfarka ku ha wlan, doorashada Somaliland
waa gacan uur ku jirta oo maalintay dhacayso mugdi bay ku jirtaa.
Haddaba haddii uu markana dib u dhac ku yimaado, waa hubaal in wax
xeer ku salaysan oo Somaliland ka dhisani aanu jirin. Sida la wada
ogyahay Golaha baarlamaanku wuu shin dhaafay oo maanta xeer iyo cod
dadweyne kuma joogo, Golaha guurtidu waa shin dhaafay oo axdi
qarameedkii iyo cod dadwe yne kuma taliyo, Madxweynaha iyo
Golihiisa Dawladu wuu shandhaafay oo cudud mooyee cod dadwe
yne kuma joogo. Axsaabtu mucaarid iyo muxaafidba way shin dhaafeen
oo xeer hoosad iyo xeer qara meed midna kuma dhisna, beri hore
ayaa laga tallaabsaday oo distoorkii ansaxiyey waa la laalay waana
lagu dhaqmi waayey.
Intaas oo wada shin dhaaftay oo doorasho ka carar ah oo kursi doon
ah, oo mididii daabka haya, ayaa isbarkan oo marna isku hiilinaya,
marna tartamaya. Xubnaha labada Gole intooda badani quus ayay ka
joogaan in dib loo soo doorto, qaar badan dib iskuma soo sharaxayaan
oo lacagtii ay ku geli lahaayeen ma haystaan, haddii markii hore ay
tolaay ku soo gudbeena maanta tii ma joogto oo waayihii xilligaa mid
ka duwan ayaa manta loo gudbey.
Bal aan dhawro oo sannadkana ka dhursugo, gacanta uurka ku jirta,
siday aniga ila egtahay wiil iyo gabadh midna ma soo sido oo
doorashadu ka fursmayso ha fadhido faraw.
|