Dood
Furan: Dedaalkii Maryan + Duristii Hadra awi =
Hadraawi Quudhsigii Qiilbuu U Yeelay
Marka
hore waxaan halkan ka salaamayaa Dhammaan Ummadda Islaamka Meel
kasta oo ay Dunida ka joogaanba. Marka Xigta waxaan kaa Codsan lahaa
Dooddan inaad u dhuuxdid, si ay Xaqiiqdu kuugu iftiinto,
Mahadsa nidin.
Sida aynu ogsoonahay Fannaanadda Caanka ah ee Maryan Mursal Ciise X.
Bootaan, Waxa ay Dhawaan timi Dalka. Waxaa loo sameeyey soo dhawayn
Qaran tii ugu heerka saraysay ee Fannaan ama Fannaanad lagu soo
galbiyo. Intii ay Dalka ku sugnayd waxaa loo qabtay Xaflado iyada u
gaara. Waxaana ka mid ahayd Xafladdii Loogu sameeyey Guriga
Madaxtooyada S/Land, oo ay Marwada Koowaad Huda Barkhad Aadem ku
guddoonsiisay Shahaado Sharaf iyo Hadiyado Badan.
Iswaydiintu Waxay tahay Maryan Mursal Maxay ku mutaysatay Hab
Maam uuskaasi heerka sare ah ? Jawaabtu u fududaa, Qalbigii Fayow...Run
ahaa ntii Fannaanaddu waxay ka mid tahay Beelaha la Hayb sooco,
Laakiin waxay ka badheedhay Garabna Siisay Somalilandnimada. Halka
ay ka maageen Fannaaniin Faro badan oo ka tirsan Beelaha wax Hayb
sooca, kuwaasi oo Fankooduna Salka ku hayo Somaliland.
Tusaale
Akhriste Adoo Indho Fayow ku eegaya Bal Is bar-bar dhig
Dhacdadooyinkii ugu dambeeyey ee ay Labadan Fannaan ku muujiyeen
Badheedhahooda.
Maryan Mursal Ciise : Fannaanadani waxay go'aansatay Sannadkan u
damb eeyey inay la dareen noqoto Reer S/land. waxay Dhawr bilood ka
hor sii bilawday Qaban-qaabada iyo ka qayb-qaadashada Maalinta
Qaaliga ah ee 18 May. Waxaanay si niyada ugu sii diyaarisay Hees
Ammaana oo ay ku nuux-nuuxsatay, iyadoo ka qaaday Xafladdii Xuska 18
May ee lagu qabtay Magaalada London ee Carro Ingiriis. Xassan Aadem
Samatar : Markii ay soo dhawaatay Xuska 18 May, ayaa Guddidii
Agaasinka ee Magaalada Stockh olm ee Dalka Sweden, ay la
xidhiidheen Fannaanka Xassan Aadem Samater, Waxaanay ka codsadeen
inuu kala qayb qaato Xafladdaasi oo uu ka heeso. Isagoo ka biyo
diidsan Toosna aan diidin ayuu Baayactan soo qadimay, waxaanu Shardi
kaga dhigay In la bixiyo $ 2000 ( Labo Kun oo Dollar ) oo Carbuun
ahaan. Isla Markiiba Guddidii way u shubeen Lacagtii Carbuunta ahayd.
Laakiin nasiib darro, Fannaankii Xassan Aadem waxa uu ku kacay Fal
aan laga filayn, oo waxa uu Jaray kasoo qayb galkii xafladda,
issagoo la goostay Lacagtii loo qadimay. waxaana la sheegay inuu u
baxsaday ilaa iyo Magaalada Dubai.
Intaa aan kaga gudbo Badheedhahii Labada Fannaan, Oo aan hollado
Bar-tilmaameedkayga oo ah, Dedaalkii Maryan Mursal iyo Duristii
Abwaan Hadr aawi. Maryan Mursal Mawqifkeeda ku aaddan
Somaliland kasakow, waxay Geed dheer iyo mid Gaabanba u fuushay,
sidii Beelaha ay ka midka tahay isu dhex gali lahaayeen Beelaha kale
ee Soomaalida, si looga baxo Quudhsiga, oo inta badan Looga badsado
Reer Somaliland.
Waxaanay Maryan, Hadraawi iyo dad kale oo badani ku dedaaleen sidii
loo tir-tiri lahaa Hab dhaqankaa Xun ee Hayb sooca iyo Quudhsiga.
Waxaanay Fannaanaddu qaaday Tallaabooyin wax ku Ool ah, waxay ku
dhawaaqday inay Iskuulo u dhisayso Beelaha La Hayb Sooco, Waxaanay
Dhagax dhigtay kii ugu horeeyey oo laga bilaabay Xaafadda DAAMI ee
Magaalada Hargey sa. Waxaanay intaa raacisay inay Iskuulkan
ugu horreeya ay ugu Magac darayso Abwaan Hadraawi.
Halkaasi markay marayso, ayuu Abwaan Hadraawi laftarkiisuna Jawaab
celin ka sameeyey Magaciisaa ay Maryan la jeclaatay Iskuulkaasi.
Waxaanu Abwaanku ka Cudur daartay in Iskuulkaasi Laga dhisayo
Xaafadda Daami loogu Magac daro, isagoo sheegay inay jiraan Rag
Halyey'yo ah oo ka tirsan Beelahaasi la haybsooco, sidoo kalena waxa
uu yidhi, Waxay ku haboontahay Qofku Markuu dhinto in Loogu Magac
daro Meel si loogu xasuusto. Aduu isku soo xoorioo si Cad ayuu
Hadraawi u duray Maamuuskaasi Maryan.
Duristaa Hadraawi, waxay keentay inay Maryan Mursal Habeen badh ka
gu ddo oo ay Cadho kaga baxdo Dalka. iyadoo ka horreysay wakhtigii u
qorsha ysnaa inay dhoofto, Sidoo kalena waxay gabi ahaanba joojisay
qorshay aasheedii ahaa, Bandhig Faneedyo ay ka dhigto Dalka. Waxaa
la sheegay in xubno Cul-culus oo Dawladda ka tirsani ay sasabaad ugu
tageen Maryan, Laakiin ay ganafka kuso dhufatay, sidiibaanay kaga
baxday dalka.
Haddaba Wacdaruhu waxay ka joogaan Labadan
Su'aalood oo kala ah:
Ma Maryan Mursal baa Sal Fududaatay ?
Mise Abwaan Hadraawaa La Seegay ?
Waxaan Anigu Fikraddayda Gaarka ah aan odhan lahaa, Abwaan
Hadraaw aa la Seegay, Waayo Inantu waxay Shaaca ka qaaday Waxyaalaha
ay Hadr aawi ku dooratay, waxaana ka mid ahaa waxyaabaha ay sheegtay
kuwan:
Hadraawi waxa uu u muuqan jiray Nin aad ugu Ololeeya, had iyo goorna
u dooda Beelaha La Hayb sooco. Waxa uu Abwaanku si gaara, Abaal wayn
ugu galay, Fannaanadda Maryan Mursal, isagoo marar dhawra kala
dabb aashay Xaalado ku Cakirmay iyo Duruufo adag oo lasoo dersay
Fannaan adda. Hadraawi Waa Abwaan Macruufa oo ay Maryan Mursal ka
haysatay Kalsooni Buuxda oo ay isu hallayn karaysay. Sidaasi
daraadeed ayey Inantu ugu Maamuustay Hadraawi. Waxaanay intaasi
raacisay inay sidan u samaysay sidii Is dhex gal u iman lahaa,
iyadoo qorshaysay Iskuulkaasi ugu horreeya Hadraawi, kuwo kale oo ay
sheegtay inay ka bilaabayso Burcana ay u qoondaysay inay ugu magac
darto Raggii Caanka ahaa ee Beesheeda ka tirsanaa sida Abwaan Xuseen
Aw Faarax iyo Cumar-dhuule.
Su'aasha kale ee Meesha taalla ayaa ah, Maxaadaama Hadraawi leeyahay
Waan noolahay, Maxay Cid kale oo Macruufa oo Mootan oo Xusid mudan
oo waliba aan ahayn Beelaha la Hayb sooco ay ugu magac dari wayday
Iskuulka ay Daami ka dhisayso ? Jawaabta su'aashani waa Jaran jartii
uu ka siibtay Hadraawi, waxaanan odhan lahaa anoo ka jawaabaya sidan
" Horta inantu ( Waa Maryane ) waxay doonaysay Dedaalkii Afka ahaa
ee ay Muddada soo wadeen, Iyada, Hadraawi iyo Dad kaloo badanba, ay
ka midho dhaliso, oo ay Addin ama wax la taaban karo u bedesho.
Sidaasi Hawshan oo ka gedisan tii Afka, ahna Bar bilaw, wax ay door
biday inay hormood ama Tusaale lagu dayan karo ka dhigto, Shakhsi
Magac, Maamuus, iyo Sharafba ku leh Bulshada dhexdeeda, kaasi oo
waliba noqon kara Shakhsiyad nool si ay ugu dhiirato markay Kalsooni
Buuxda ka hesho. Waxaanan Filayaa, inay Shakhsigaasi dhanna u
dhaafin wayday Abwaan Hadraawi oo ay Aad iyo Aad ugu kalsoonayd.
Eray Filanwaa iyo Waxaan loo fadhiyin ayaa kasoo yeedhay Odaygii
Hadraawi, kaasi oo uu kaga biyo diiday, Maamuuskii Inantu u garatay.
Waxaana halkaasi ka caddaatay in Qawlka iyo Ficilka Abwaan Hadraawi
aanay islahayn. Waxaana Abwaanka horey loogu Taag waayey inuu ka
dhabeeyo Qawlkiisa oo uu Baalaleeyo kana guursado Beelahaasi La Hayb
sooco, Sheekadaasuu kusoo baxday Mar uu Dood ka dhiiban jiray
Barnaamijkii QUUDHSIGU QIIL MA LEEYAHAY ee ka bixi jiray Idaacadda
BBCda Laanteeda Afka Soomaaliga. Taasi waxaa u raacday Dhacdadan
Maanta oo iyaduna sii xoojisay siduu Hadraawi u jidh diidanyahay
Qoladaasi la Hayb sooco. Inkasta oo uu Afka ugu hiiliyo, Laakiin
Quruxdu sidaasi maahee Waa inay Islahaadaan Ficilkaaga iyo
Qawlkaaguba.
Siday Maryan doonaysay, may noqon laakiin waxay noqotay Bedelkeeda
oo ah, Inuu Hadraawi Hoggaanka u hayo Quudhsigii iyo Takoorkii lagu
hayey Beelahaasi lagu Xad gudbay. Waayo Waxay ku xisaabtamaysay
Qawlkii Hadraawi, iyadoon Ficilkiisiiba ka jibo keenin. Taasina
waxaa ka dhashay inay Inantii Maryan Macaankii ku kaco Cadho
daraadeed, hawshiina faraha ka qaado iskagana Cararto Dalka, ileen
ninkii Kaliyaata ee ay Garabsanaysayna waa kan ku laagtee Jir
jirroolaha ku noqdee.
Haddaba Hadal iyo dhammaan waxaan odhan karaa oo aan kusoo gabo
gabaynayaa Odhaahdaa Hadraawi iyo Arrinkaa Maryan waxay noqdeen
Dhul-gariir. Waxaana soo baxday sidan:
Dedaalkii Maryan + Duristii Hadraawi =
Hadraawi Quudhsigii Qiilbuu u yeelay.
Sidaa iyo Kulan damboo Xiiso leh, iyo
Tawfiiqda oo Ilaahay Inna Waafajiyo.
Qalinkii: C/salaam Cusmaan Cumar-jeex (
Abu Hurayra )
E-mail: Salaanmuctasim@hotamil.com
Hargeysa, Somaliland.
|