Dood Furaan Somaliland Ma Qaraan Baa Mise Waa Qabiil’’Qormadii Manta
Iyo MrGaboye’’
Gabooyoow Wax badan baan gogoshayda :
Ciilkoodii gam'i waayaye: Ilaahay baa ku gargaariye:
Gurboodka haatan kacaayiyo: Nasriga Guulle ka sug!
ASC/Marka hore waxan salamaya dhamaan saxaafada horta ee reer
Somaliland iyo akhrist aha sharafta badaan iyo dhamaan shacaabka reer
Somaliland.
Akhriste bal intaanan u daadagiin ujeedada qormadaan balaan dib u
yara xasuusano Hana qaadkii Qaranimada Somaliland Tan iyo Intii ay
burburtay dowladdii dhaxe ee laysku oraan jirey jamhuuriyada
soomaaliya ee ay ka mid ahayd Somaliland 1991 ka dib Somaliland
waxa y ku dhawaaqday gooni isku taaga dowladda Somaliland
1991-waxaana lagu ansaxiyeey shirkii ugu horeyey ee lagaga wada
hadlaayay aayo ka taliinta Somaliland waxana lagaga dhawaaqay
magaalo madaxda gobolka Togdheer ee Burco 18kii May 1991kii. Waxa
Burco iskugu yimi oo go’aankanna wada qaatay dhamaan beelaha
Somaliland oo ay ku jiraan kuwii aan ka qayb qaadan halgankii dib
loogu soo xoreeyay Somaliland. Shirweynahan Somaliland lagu
guddoonsaday wuxuu sidoo kale noqday kii ay beelaha Somaliland si
rasmi iskugu saamaxeen isla markaana iskula qaateen in loo wada
midoobo sidii Somaliland looga midha dhalin lahaa.Waxaana
madaxweynihi ugu horeyey loo doortay maddaxweyne ku meel gaara
AHUN‘’Cabdiraxmaan Axmed Cali’’
Sanadkii 1993 Waxa shirkii labaad lagu qabtay magaalada boorame
shirkaas oo ahaa kii si rasmiya dhidibada u sii aasay dowlada
Somaliland iyo gooni isku taageeda laguna doortay madaxweynii ‘AHUN’’Maxamed
Xaaji Ibraahim Cigaal ‘’oo aan oraan karo wuxuu ahaa madaxweyne
Cigaal ‘’The Father of Somaliland ‘’
Sanadkii 2002 markii uu geeriyooday AHUN Maddaxweyen Cigaal waxaa si
dastuuriya oo loo magacaabay madaxweynihii sadexaad ee xukuumada
Somaliland qabsaday Madaxweyne si ku meel gaadha ‘’ Daahir Riyaale
Kaahiin’’ markii ay doorashii gaadhayna ku guulaystay si rasmi ah
madaxweynaha jsomaliland oo shansano oo kale hogaanka dalka
hayay,waxa kale oo si dimuqraadiya doorashoonyinkii madaxtinimada
jsomaliland ku guulaystay tartaankii sadexda xisbi qaraan xisbigii
mucaaradka wakhtigaas oo ahaa xisbiga Kulmiye si cadaalada ugu
guulaystay doorashadaa madaxtinimo madaxweynaha hada talada haya ee
xisbiga kul miye 2010-Madaxweyene Axmed Maxamed Maxamuud ‘Siiraanyo’’noqdayna
madaxweynihii afraad ee jsomaliland .
Hadaba waxaa soo taariikh iyo xusuusi waa astaanta iyo hanaanka
dowlad nimo iyo hanas hada qaraan lagu tilmaami karo shakina kuma
jiro marka Somaliland sheeda guud laga eego in wax badaan oo lagu
aqoonsan karo jiritaanka dowladnimo in ay mudaan taay jsomaliland
indhaha caalamkana ku soo jiidatay kuna yeelatay wadamo badaan oo
saaxiib dhowdhow la leh jsomaliland ,
Hadaba marka aad hoos ugu daadagto maamuulka xukuumada Somaliland ee
lagu tilmaami karo dal iyo dowlad jirta waxaad dareemaysa inay
hadana hoos ahaan jiraan dibaatooyin farabadan oo hanka dowladnimo
waxbadan u dhimaaya sumcad xumana ku ah sharafta iyo karaamadana wax
weyn u dhimaya xeererka caalamiga ee xaquuqda bini aadamkana ku ah
xaad gudub ba,an oo dhaawacaaya shuruucda iyo xeerarka xaquuqda
aasasiga ee muwaa diin leehyahay sida xaquuqda muwaadiniinta beelaha
gabooye ee reer somaliland markasta ka maqaan waana mid si caad logu
tuunto xaquuqdooda waxa taas u sii dheer tixgaliin la aanta iyo
tacadiyada kale ee saanyaday muwadiniintan waana ujeedada aan
qaliinka ugu qaatay su aasha ciwaanka maqaalkan waayo qaraan waxaa
lagu noqdaa marka umada wa danka ku nool ay si sinaan iyo cadaalada
ay u helaan xaquuqdooda aasasiga iyo tan siyaas adedba waxa wadamada
caalamku ka wada simaan yihiin dadka lagu tilmamo in lagaba tiro
badan yahay in la siiyo mudnaanta koowaad
Xaga Somaliland lagu tuunto xaquuqdooda aasasiga hadaba reer
Somaliland miyay ka mar meen muwaadiniinta beelaha gabooye mise
loobaba aqoonsana inay yihiin muwaadiniin dal ka jsomaliland u
dhashay mise beelaha kale ee shanta ah ee iska xiga ahna beelo xidid
iyo xigaal iyo xigto ayuunba dalka xaquuq ku leh sida hada ka
muuqata maamulka dowlada js omaliland ee ay shanta beelood uga wada
muuqdan siyaasada xukuumada dalka sidaaase reerku dhanbuu u dheeli
yahay ee meel ma gaaraya mase lagu helaya inta dulmigaasi jiro in la
helo hanashada ictiraafka dowlad madaxbanan oo la yiraahdo
jsomaliland intaaso wa xyaaboodba marnaba kuma noqon karno qaraan iyo
dowlad madax banan hadaba waxaan ku soo gaba gabaynaya maqaalkayga
anigoo ah muwaadiin u dhashay jsomaliland xaquu qda muwaadina ii
fasaxayso inan si nabad galyo ku soo bandhigo dhaliilaha jira iyo
wixii tabaso muwadiin leehyahay waxaa iga su aal ah’’
Somaliland Ma Qaran Ba Mise Waa Qabiil ?
Waxaan intaas ku darayaa Gabaygii Abwaankii AHUN Cali Xuseen Xirsi
‘’Cali Makaadshe’’ee reer Somaliland ayaa markii xurnimada
Somaliland heshay ee ay xamar la geeyay mudo yar ka dib ayuu gabay
ka tiriyey isagoo ku sifeeyey in xamar wado cadaalad xumaan ay ku
hay so reer Somaliland ,,waxan hadaba gabayga manta sifeeheedii leh
xukuumada Somaliland waxanan halkan idiinjku ssoo gudbinaya gabaygaa
tududyadiisa qaar ka mida wuxuuna ab waanku yiri..
Nimanyow Xornimadii La Heley
Lagu Xanjeerowye
Xayskii Onkaday Wuxuu Na Taray
Xayaawaanimo’e
Xanaf Baaba Noo Kordhiyo
Xaafad Kala Sooce
Xaajadaa Qaloocaan Inteey
Xamar(Maanta Hargaysa) Ka Qiiqayso
Intay Beentu Xoog Leehday
Xaasidnimo Joogto
Adaa ii Xigee Qaad iyo Inteey
Xodh Ugu Laabayso
Ninba intuu Xeel Qabiilnimo
Xadhig Maleegayo
Way Ku Xaad Gudbaysaa Inta
Xeer Qawaaniinta
Xaquuq Kii Lahaan Jirey Inta
Laga Xaseeynayo
Xarbigii Dadkaan Galiin Inta
Kor U Xambaareyso
Xaq Waa Dhumaaye Jeer Eebay
Xaalada Hagaagsho
Gabooyow Xeeyraanku Adiguu
Ku Xakaar Yahaye……..
Wabilahi towfiiq .
Gudoomiyaha Qurba Joogta Beelaha Gabooyaha Somaliland Ee Waqooyiga
America.
Xoghayaha Xisbiga Kulmiye Ee Magaaladda Toranto .
.By-Barkhad Xaaji Cabdi’’MrGaboye’’
Email:abokoriye1@hotmail.com
Kicthener Ontario Canada.
|