Dildilaaca KULMIYE Wuxuu
Ummadda Geliyay Werwer Iyo Walaac
Dilaacaa waxa aan anigu u arkaa
nasiib daro iyo masuuliyad oo ay ka soo bixi kari waayeen kuwii loo
igmaday oo marin qalada loo higsaday.
Inkasta oo uu mawd uun ka xigo in ay xukunkii wadankan Cod kula
wareegi doonaan umadiina ula diyaar tahay in ay kuwan meesha ka
tuuraan.
Hadaba Kulmiye waa in uu ogaadaa in aan isla wayni hoosteedu madhan
tahay iyo anaa idhi aan ummada lagu xukumi karin .
Haddaba waxa aan leeyahay kulmiye masuuliyad Qaran mar-way ku hagtaa
marna way ku hodaa, markay ku hagayso waxay ku tusta oo aan waran
lagaaga furfuri karin wixii loo igmaday iyo wixii wanaagsan ee kale
ay ku sii darayso.
Markay ku hodaysana waxay is kaa siisaa aduunyadoo idil sida ay
maamulkeenan isu siiyay dad iyo xoolo wixii dalka jooga, maantana ay
isugu keentay 50-kii wasiir ee Daahir Riyaale iyo isaga ruuxiisa si
xoogle ugu dhaqsanaadaan iyaga oo labada gacmoodba ku haya wan wayn
macaashii.
Abudkay ma aanan arag sheekana kuma aanan maqal intaas oo wasiir oo
sidii xiniinyaha laga sari baqo daradeed loogu sunsumiyey meel qudha
oo aanay sowt ka lahayn sina u diidi karin sidii Amar saatirku yidhi
oo ka indha saabtay badiba waxaa aynu nidhi oo idil.
Waxa aanu shaki igaga jirin ina wixii dhacay afartii sanadood ee ina
soo dhaafay ee ka salaliyey qaarkeen hurdadii habeenimo uu
maamulkani ka masuul yahay ay taariikhdu ka sheekayn doonto sanno
badan.
Waxaan ku soo goynayaa oo aan kulmiyana leeyahay xukun aad ummadan u
qabataa mawd baa idinka xiga iyo afar masalo ee hoosta ku adkuran oo
aydaan kala masuugin umadan in aad maanta u sheegtaan.
Ta ugu horay waxay tahay in aad balan ku qaataan cadowgan lagu soo
daayey badaheenii ee aan ka tagayn xabad kaluun ah beedkeed oo
meesha ka caydhin doontaan.
Ta labaadna waxay tahay ina citiraafkan aduunyadu inoola diyaar
tahay dagdag inoogu doontaan.
Ta saddaxaad-na waxay tahay ina cadaaladan halowday ee jaan iyo
cidhib meel ay dhigtay la garanayn, idinkoo isku duuban aad ummadan
u doontaan.
Ta afraadna waxay tahay in aydaan hantidii ummadan ee hadh keedii la
laayahay in aydaan ka hadhi doonin ilaa aad heshaan halkay ku
danbaysay.
By: Xasan Aw
Libaax
|