Deeqbixiyayaasha
Oo Dib Ula Noqonaya Dha qa alihii Ay U Hayeen
Doorashada Madaxtooyada, Ka dib Markii Ay Ka
Quusteen In Wax Laga Bedelo Xubnaha Komishanka
Hargeysa (Longlivesomaliland
News)-Deeq bixiyeyaasha Somaliland ka taageera ge edi socodka
dimuqraadiyada iyo doorashooyinka Ayaa sheegay inay joojiyeen
dham aan hawlihii ay Somaliland ka taakulaynayn jireen ka dib markii
sida ay sheegeen wa xba laga qaban waayey in wax laga bedel
xubnaha Komishanka Badhkood, kuwa as oo ay aaminsan yihiin
inay ku lug leeyihiin Musuqmaasuq iyo Karti daro dhinaca hog
aaminta hawlaha Komishanka.
Sida ay tibaaxeen ilo ku dhaw-dhaw Komishanka, Deeqbixiyeyaasha ayaa
waxa ay u sheegeen saddexda xisbi iyo Komishanka inaanay sii deynayn
lacagta ay u hayaan doorashada Madaxtooyada ilaa inta wax laga
bedelayo xubnaha Komishanka, kuwaas oo ilaa laba bilood ka hor ay
deeqbixiyeyaashu ay u sheegeen Axsaabta iyo Madaxweyne Rayaale-ba in
loo baahan yahay in wax laga bedelo komishanka gaar ahaan xubnaha
hogaanka Komishanka, iyada oo ay hore Asxaabta iyo Madaxweyne
Rayaale-ba ay ugu gubiyeen deeqbixiyeyaasha in aanay ku kalsoonayn
komishanka doorashooyinka, sidaa darteedna loo baahan yahay in wax
laga bedelo.
Gu’aankan ay deeqbixiyeyaashu ku xidheen sii deynta kharashka
doorashada Mada xtooyada ayaa saddexda xisbi ay u arkaan
siyaabo kala duwan, waxaana wararku sheegeen in xisbiga UDUB iyo
KULMIYE aanay u guuxin go’aanka deeqbixiyeyaasha, iyaga oo ku
sababeeyey inaanay waxba ka hadhin wakhtigii doorashada, halka
Xisbiga UCID-na uu la soo taaganyahay in gebi ahaanba la bedelo
xubnaha Komishanka, taas oo muujinaysa in deeqbixiyeyaashu ay gebi
ahaanba faraha kala baxaan, isla markaana ay la noqdaan taageeradii
ay Somaliland ka siin jireen dhinaca doorashooyinka, ilaa inta la
bedelayo xubnaha ay sheegeen in la bedelo.
Arintan ayaa waxa ay caqabad ku noqonaysaa geedi socodka doorashada
madaxtooyada oo la filayo inay qabsoonto 27 September, taas oo
haddii aan la helin taageerada Deeqbixiyeyaasha aanay suurto gal
ahayn inay qabsoonto doorashadu xiligeeda, maadaama oo 75%
boqolkiiba kharshka ku baxaya doorashada Madaxtooyada laga sugayo
inay bixiyaan, inkasta oo masuuliyiin ka tirsan xisbiga UDUB iyo
Komishankuba ay sheegaan in haddii ay deeqbixiyeyaashu bixin waayaan
lacagtaasi ay xukuumaddu deberi doonto kharashka ku baxaya
doorashada, basle taasi aan looga baran xukuumadda, iyaga oo qadarka
saami ahaan ay ka bixiso kharashka ku baxay diiwaangelintii cod
bixiyeyaasha ilaa hadda laga soo saari layahay inay komishanka
xisaab celinteedii keenaan.
Hadaba waxa ay dad badani isweydiinayaan sababta ay xukuumaddu u hor
taagan tahay in wax laga bedelo Komishanka, maadaama aanay
Somaliland ka maarmi Karin taageerada deeqbixiyeyaasha waxa waajib
ku ah in talo soo jeedintooda ay raacaan xukuumadda iyo Xisbiyada
mucaaridku si looga midho dhaliyo qabashada doorashada Madaxtooyada,
mana aha in dhawr qof oo komishanka ka mid ah bedelkoodu uu sababo
in wada shaqayntii Somaliland iyo deeqbixiyeyaashu ay burburto, isla
markaana uu dib u dhac kale ku yimaado xiligii doorashada, wax ka
bedelka komishankuna waxa uu ku iman karaa laba arimood miduun inay
iscasilaan xubnaha komishanku oo la magacaabo xubno cusub oo hanan
kara kalsoonida deeqbixiyeyaasha iyo Asxaabta laguna aamini karo
qaadhaanka, doorashada iyo in hanti dhawr baadha la geliyo
komishanka, kaas oo musuqmaasuq deeqbixiyeyaashu ay ku eedaynayaan
komishanka la cadeeyo, isla markaana cidii lagu helo inay
musuqmaasuq ama wax isdaba marin ku kacday la horgeeyo hay’addaha
Sharciga, taana waxa samayn kara xukuumadda Madaxweyne Rayaale oo
iyada ay masuuliyada ugu weyni ka saaran tahay inay dalka ka
qabsoonto doorasho.
Dhinaca kale waxa maalmahan u dambeeyey soo baxayey in xukuumadda
iyo xisbig eedu ay dhaleecayn u soo jeedinayeen hay’adda
Interpeace ooo wakiil uga ah deeqbixiyeyaasha Somaliland, taas oo ay
ku eedaynayaan inay caqabad ku tahay hawlaha doorashooyinka.
Inkasta oo ay asxaabta iyo komishanku ay dhawaan heshiis ka gaadheen
caqabadii ugu weynayd ee hor taagnayd dhamaystirka hawlaha
doorashada oo ahaa xeerka Anshaxa ayaa hadana waxa soo baxday in aan
weli la dhamaystirin shuruudihii ay deeqbixiyeyaashu ku xidheen sii
deynta kharashka ay u hayanaan doorashada madaxtooyada, taas oo ah
in la bedelo komishanka oo ay ku dhaliilayaan karti daro iyo
Musuqmaasuq.
Si kastaba ha ahaatee xukuumadda Rayaale, Axsaabta iyo komishankaba
waxa la gudboon inaanay wakhti dambe ku luminin wax ka bedelka
xubnaha komishanka ee ay deeqbixiyeyaashu ay ku dhegan yihiin in la
bedelo iyada oo wakhti yari uuni inaga xigo wakhtigii loo cayimay
inay dhacdo doorashada Madaxtooyadu waxa lagama maarmaan ah in
sidooda loo buuxiyo shuruudaha ay deeqbixiyeyaashu ay ku xidhayaan
siideynta kharashka ay u hayaan doorashada si aanu mar kale u iman
dib u dhac ku yimaada doorashada oo khalkhal siyaasadeed u horseeda
dalka.
Source:Haatuf
|