Dad Waynaha Hargaysa
oo Walaac Xoogan ka muujiyey Falal Amni Daro oo ku Soo Noq-noqday
Magaaladaasi.
Hargeysa (TNN)-Welwel iyo cabsi
weyn ayaa soo food-saartay badi dadweynaha ku dhaqan Caasimad
da Somaliland ee Hargeysa, gaar ahaan dadka hub-la'aanta socda
xilliyada habeenkii, ka dib markii hab een hore goobo kala
duwan oo Hargeysa ka mid ah lagu dilay laba
Marxuum oo aan midna waxba geys an, isla markaana ay
weerareen Tuugta dadka Baadhata inta
badan wakhtiyada habeenkii.
Mid ka mid ah labada nin ee habeen-hore la dilay ayaa Toorri lagu
dhuftay u geeriyooday, kaasoo Allah ha u naxariistee xilliga la
dilay oo ahayd abbaaro 9:00-kii habeennimo ee habeen-hore marayey
Agaga arka Istaanka Basaska Xaafadaha Calaamadda iyo Maxamed Mooge
ka baxaan ee Suuqa ama Makhaay ada Tayuub horteeda,
marxuumkaas ayaa magiciisa la odhan jiray Cabdi Maxamed Cabdillaahi,
waxaana Maydkiisa la dhigay qolka Maydka Cusbitaalka guud ee
magaalada Hargeysa. Marxuumka labaad Allah ha naxariistee, waxa la
sheegay in isagana nabarro halis ah la gaadhsiiyey Saq-badhkii
habeen-hore isaga oo marayey agagaarka Dugsiga Gurya-samo ee
magaalada Hargeysa, kaasoo wax yar ka diba la sheegay inuu
nabarradaas u dhintay, kuwaasoo Niman Tuug loo malaynayaa ku
dhufteen. Ciidammada Booliska aannu la xidhiidhnay ayaa ka gaabsaday
inay dilalkaas wax faahfaahin ah ka bixiyaan.
Oday Cabdi Qodax Cabdillaahi oo Adeer u ah Marxuum Cabdi Maxamed
Cabdilaahi, ayaa Wargayska Har gaisaStar, shalay u sheegay in
aanay haynin ciddii dishay Wiilkooda, isla markaanna wuxuu sheegay
in Marxuumka la dilay uu muddo badan ku maqnaa dalka Kenya oo aanu
halkan (Somaliland), ku bar-baa rin. Cabdi Qodax Cabdillaahi waxa
Xukuumadda ka dalbaday inay gacanta ku soo dhigto gacan-ku-dhiig
laha dilka u geystay Wiilka uu adeerka u ahaa oo uu sheegay inaannu
waxba galabsan, isla marka anna soo qabashada Ninka falkaas geystay
ay tahay Masuuliyadda dawladda. "Addeer geerida naloo sheeg ay
oo ay illaa Xalay (Habbeen-hore), warka Ninka dhintay marba cidi noo
sheegaysey, waxa kale oo jiray isla habeenkaa Nin labaad oo la dilay,
markaa Marxuumkaa kalena imika waa la gartay, laakiin ma caddayn
karo in la helay ciddii dishay, balse waxaannu ka codsanaynaa
Xukuumadda inay soo hesho oo ay Masuuliyaddeeda gudato cidda dishay
Wiilka Walaalkaay dhalay ee aan waxba galabsan. Wiilka aann adeerka
u ahay waxa lagu dhuftay Mindi oo uu u geeriyooday." Sidaa ayuu
yidhi Adeerka Wiilka Suuqa Hargeysa lagu dilay mar uu shalay u
warramayey Wariye HargeisaStar ka tirsan oo kula kulmay Cusbitaalka
guud ee Hargeysa.
Dhinaca kale, Warar aannu ka
helnay Dad xog-ogaal ah oo la socday dhaq-dhaqaaqa dhacdadaas, ayaa
sheegaya in Ciidanka Booliska oo markii hore ku guul-darraystay
qabashada ninka lagu dilay Suuqa dhe xdiisa, ayaa la sheegay
inay xalay Cawayskii gacanta ku soo dhigeen Ninkii falkaas dilka ah
geystay, isla markaanna lagu hayo Saldhigyada Booliska Caasimadda
mid ka mid ah.
Si kastaba ha ahaatee, tan iyo markii ay Xukuumadda talada haysa ee
Madaxweyne Siilaanyo gacanta ku qabatay hoggaaminta dalka
Somaliland, waxa soo badanaya dilalka noocan oo kale ah ee ay Tuugtu
dadka shicibka ah ku ugaadhsanayaan, iyaga oo u adeegsanaya inay
Soodhadh, Middiyo iyo Baangay aal dhaadheer la dhacaan qofka
ay baadhanayaan, kuwaasoo dad fara badan qudha kaga jiray ama ku
khaarajiyey Faashashka ay ku dhufunayaan, halka in badan oo kalena
ay ku dileen ama nafta kaga jareen. Dhacdooyinka noocaas ah ayaa ah
kuwo maalinba maalinta ka dambaysa ku soo badanaya Caasimadda
Hargeysa, waxaanay sababtay naxdin joogto ah iyo cabsi aan la
qiyaasi karin oo soo food-saartay dadweynaha ku dhaqan magaalada
guud ahaanba.
Source
HargeisaStar
|