Ciidanka Booliska Oo
Xabad Ku Kala Kaxeeyay Dad weyne Xamili Waayay Surmiga Biyo La'aanta
Ee Taabatay Caasimada Hargeysa
"Luuqada
Xukuumadu ay wax ku fahantaa waa Mudaharaadyada ee waxaanu hilfaha u
laabi doonaa xafiisyada ay fadhiyaan Wax Ma Tarayaasha Rayaale,"
Fadxiya Axmed Ciise
Haween,
Carruur, iyo dhalinyaro aad u badan oo ka mid ah dadweynaha degm ada
Axmed Dhagax, ayaa caawa gadooday, ka dib markii habeenkii
siddeedaad ay Biyo u soo dhici waayeen, waxaanay mudaharaad aad u
balaadhan ay ka sa meeyeen Jidka laamida ah ee u dhaxaysa
Cisbitaalka gaarka ah ee Edna
Mate rnity Hospital illaa Garoonka weyn ee
kubadda cagta ee Hargeysa
Stadium. wax aanay jidkaasi kala xidheen muddo laba saacadood ku
dhow.
Dadweynahaasi oo ay Ciidanka Boolisku ay ku rideen xabado aad u
badan si ay u kala kaxeeyaan ayaa waxay wadadaasi ku gubeen taayiro
iyagoo Gaadiidka Dawlada ee watay astaanka Lambarka gaadiidka
dawlada ee (GT) shiidayay.
"Dawladu dhagaha ayay ka furaysatay
inay ummadan reer Hargeysa ay Biyaha u soo furto waxaan halkan ka
caddaynaynaa in aanu mudaharaadyo balaadhan maalmaha soo socda
bilaabi doono haddii aanu nahay dadweynaha ku dhaqan shanta degmo ee
caasimada Hargeysa, waxaanu galaynaa xataa
Madaxtooya da haddii maalintii
sagaalaad aanu ku biyo beelay caasimadii Somaliland"
sidaas waxa yidhi Nuur Cismaan,
oo ka mid ahaa dhalinyaradii hor kacaysay mudahara adkaasi oo aad u
cadhaysnaa.
"Luuqada Xukuumadu ay wax ku fahantaa waa
Mudaharaadyada ee waxaanu hilfaha u laabi doonaa xafiisyada ay
fadhiyaan Wax Ma Tarayaasha Rayaale U Shaqeeyaa,"ayay Tidhi
Fadxiya Axmed Ciise, oo ah Hooyo ka mid
ah dadkii muda haarkaasi ka qeyb qaatay.
Ciidamo boolis ah oo aad u badan
ayaa la geeyay jidkaasi, kuwaasi oo illaa imika ku sugan, waxaana
goobta yimid Taliyaha Hoggaanka Hawl gelinta ciidanka Booliska
Somaliland Cabdilaahi Fadal Iimaan, hase ahaatee warar aan la
xaqiijin ayaa sheegay in ciidanku goor dhawayd ay Saldhiga Iftin ee
degmada Axmed Dhagax ku xidheen dhawr dhalinyaro ah, oo ka mid ahaa
dhalinyaradii ka qeyb qaadatay mudaharaadka.
Mid ka mid ah dadweynihii mudaharaadkan soo qaban qaabiyay oo
codsaday inaan magaciisa la shaacin ayaa sheegay in ay shanta degmo
ee magaalada Hargeysa ay si wada jir ah maalmaha soo socda isugu soo
baxayaan mudaharaad weyn oo lagaga soo horjeedo wax uu ku tilmaamay
surmiga biyo la'aanta ee maamul xumadu keentay.
Muddo todoba cisho ah waa mudaharaadkii saddexaad ee dadweynaha reer
Hargeysa ay kaga cabanayaan biyo la'aan, hase ahaatee xukuumada
Somaliland ayaan cabashadan wax jawaab ah ka bixin.
Ramaasnews
|