Danjire Cawil Oo Ka Hadlay Xilka Loo Magacaabay, Kana Ja waabay
Su’aalo Ay Bulshadu Iska Waydiisay Xafiilatankii Siyaasadeed Ee Ka
Dhaxayn Jiray Siilaanyo
Hargeysa (TNN):-Danjire Xuseen Cali Ducaale (Cawil), ayaa ka hadlay
sida uu u arko xilka uu M adaxweyne Siilaanyo u magacaabay oo ah la
taliyaha madaxweynaha ee ictiraaf raadinta iyo wada hadalada
Somaliland iyo Somaliya.
Danjire Cawil, oo isagoo Hargeysa jooga u waramay Wargeyska Geeska
Afrika, wuxuu sheegay inuu soo dhawaynayo xilka loo magacaabay oo uu
tilmaamay inuu u leeyahay khibrad iyo waayo aragnimo, waxaanu xusay
in ictiraaf raadinta iyo ka midho dhalinta wada hadalada Somaliland
iyo Somaliya tahay waajib saaran qof kasta oo reer Somaliland ah,
“Marka hore waan soo dha waynayaa magacaabista uu madaxweynuhu I
magacaabay, waxaanan u arkaa kalsooni oo wax aan ahay nin kaalin
kaqaadan kara wada hadalada iyo ictiraaf raadintaba, marka la eego
xidh iidhkaan la leeyahay dalalka jaarka iyo dunida kaleba. Markaas
waan soo dhawaynayaa, waxaa nan madaxweynaha la kulmayaa maalmaha
soo socda oo aan kala hadlayaa sidii hawsha loo bila abi lahaa,
waanu ku mahadsanyahay madaxweynuhu.”
Danjire Cawil, wuxuu sheegay in hawsha loo magacaabay tahay qadiyad
uu weligiiba jeclaa, is agoo da’ yarna uu u sameeyay inqilaab,
“Qadiyadani waa qadiyad inoo wada taala, wada hadal ada Somaliland
iyo Somaliyana waa inaan ku qancino nimankaas walaalaheen ah inaanay
dawla dnimada Somaliland wanaag mooyee dhibaato u keenayn,
isirnimada Somali ayaynu wada nahay ka Djibouti, Hargeysa iyo
Muqdisho kuwa jooga, sida ay Carabtuba u wada tahay Carab balse ay
kala dawlado u yihiin ayaynu inaguna u noqonaynaa laba dawladood oo
walaalo ah, waa inaan walaalaheen ku qancinaa oo aan ka dhaadhicinaa
in dawladnimada Somaliland aanay wanaag mooyee dhibaato u keenayn.
Markaas qadiyadani waa qadiyad aan weligayba jeclaa inaan maruun ku
guulaysto oo anigoo labaatan jir ah ayaan u galay inqilaab, waana
hawl aan aaminsanahay inaan doorkayga inta uu doonaba ha leekaadee
ka qaadan karo, ictiraaf raadintuna maaha hawl dawladda uun u taalee
qof kasta oo reer Somaliland ah way u taalaa.”
Danjire Cawil, wuxuu wargeyska Geeska Afrika, weydiiyay sida uu u
arko xilka uu madaxweyne Siilaanyo u magacaabay, maadaama oo ay
wakhtigii uu Daahir Rayaale Kaahin talada hayay aad ugu kala
fogaayeen siyaasada, wuxuu yidhi Cawil, “Siyaasadu marxalado ayay
soo martaa, markaas siyaasaduna cadaawad ma leh wakhtiga markaas
taagan weeye, haddii aad istidhaahdo siyaaadu cadaawad ayay leedahay
waad ku hodmaysaa. Markaas wixii aanu soo marnay waa marxalad laga
soo gudbay oo waxaanu ahayn dawlad iyo xisbi mucaarad ah, maanta
waxa muhiim maxay danta Somaliland ku jirtaa, yaa umadda wax la
qaban kara.? Marka siyaasadda laga hadlayana madaxweynuhu ma eego
kala duwanaanshaha aragtida siyaasadeed ee wuxuu eegaa in qofkaas uu
ku tuhmayo khibrad iyo aqoon oo uu qaranka wax u qaban karo. Markaas
marxaladaasi waa kuwo laga soo gudbay oo taariikhda galay, danta
guud ayaana loo shaqaynayaa. Marka labaad, aniga iyo madaxweyne
Siilaanyo khilaafkaas KULMIYE iyo UDUB ee dhawrka sannadood ahaa,
waxa ka horeysay soddon sannadood oo aanu ahayn saaxiibo, cid
walbana iskaga dhawayn.”
Source: Wargeyska
Geeska Afrika
|