Caleema saarka Ugaaska Ciise

Seylac (TNN)-Magaalada qadiimiga ah ee saylac waxaa maanta lagu caleemo saaray, Ugaa ska beesha Ciise ee 19aad Mustafa Maxamed Ibraahin.

Waxaa ka soo qayb galay caleemo saarkan dadweyn tiro badan oo ka kala yimid jabuuti, Gobolka Soomalida ee Itoobiyaiyo Somaliland

Madal weyn oo sidii teendho guri Soomali loo dhisay oo qaadda in ka badan saddex kun oo

Madaxda joogtay waxaa ka mid a Raiisal wasaaraha Djibouti Delleta maxamed Delleyta iyo wasiiro badan, wafdi ka socday dawladda Ethiopia oo uu hogaaminaayay wasiirka  dhaqan ka iyo dalxiiska maxamuud Dirir Guuleed, iyadoo dhinaca somalilandna ay joogeen wasiiro iyo masuulyiiin kale.

Xafladda caleemo saarka ayaa rasmi ahaan ay lix oday oo ka soo kala jeeda lixda aqal ee beesha Ciise, ay cumaamadda u xidheen ugaaska cusub ugaas Mustafa Maxamed Ibraahim.

Ka dib sida weriyaha BBC Axmed Saciid Cige oo joogay, uu ku soo waramay waxaa  duceey ay odayaasha gendaha loo yaqaanno oo 44 oday ka kooban oo iyagu soo helay ugaaska sida caadada ah.

Munaasabadda ayaa laga tirinaayay heeso, gabayo iyo buraanbur lagu ammaanayo, lagu soo dhaweynaayo ama loogu duceynaayo ugaaska .

Magaalada saylac oo ah magaalo qaddiimi ah, laakiin laga guuray oo burburtay ayaa  maal mahan danbe aad iyo aad kumanaan dad ah la ciirciirtay oo xafladda u yimid.Meelo la kala seexdo ama laga cunteeyo ayaa la kala waayay.

Gaadiid taariko kala duwan sida Dabuuti, Ethiopia, iyo Somaliland ayaa buuxiyay magaalada.
Waxaa soo qabtay ramadaantii dhoweyd 44 oday oo beesha ciise soo xushay oo gendaha la yidhaahdo, deegaan u dhow diridhaba.

Wuxuu soo maray ugaasku ka hor saylac deegaanada beesha Ciise ee Ethiopia iyo Djibouti.

Ugaaskii kan ka horreeyay ugaas Xasan Xirsi Rooble waxaa lagu caleemo saaray sayalac 1932kii, wuxuuna geeriyooday 1995kii.

Ugaaska Ciise dhaxal ma aha ee waa loo gartaa.

Waa in Ugaasku aanu hore u guursan oo hooyadii iyo aabihiiba beesha Ciise ka soo  jeeda an.


Source:BBC