Cabdiraxman
aw cali Oo Beeniyay In Uu La Kulmay Madaxweyne Rayaale

Nuqul qoraal oo gaaban oo uu afkayeenka gaar ah ee Mujaahid
Cabdiraxman Aw Cali uu soo gaadhsiiyey shabakada
saylac.com, ayaa waxa uu si rasmi u
beeniyey warar aan sal iyo raad toona lahayn oo sheegayey in
Cabdiraxman Aw Cali kulan qarsoodi ah la sameeyey Madaxweynaha
Jamuuriyada Somaliland.
Warkan oo sida muuqata ay qoreen dad aan inta badan u fiirsan
wararka ay umada u baahinayaan, ayaa waxa lagu daabacay shabakad la
yidhaa hadhwanaag. "Waxa nasoo gaadhay
copy laga soo saaray shabakadaas cid lehna manu garanayno, waxaanse
kula talin lahayn in cidii lihiba ay anshixii saxaafadeed ay ka Meel
Kaga dhaceen" ayuu yidhi Afhayeeenku.
Waxa kale oo intaa uu ku daray in Madaxweyne ku-xigeenkii hore ee
Jamuuriyada Somaliland Mujaahid Cabdiraxman Aw Cali, uu mudan yahay
tixgalin iyo mamuus, lagana dhawro been abuur iyo warar aan sal iyo
raad toona lahayn, oo ku salaysan fikir gaaban iyo tuhun abuur micno
hoose weheliya.
Afhayeenka, ayaa nuqulka uu soo gaadhsiiyey shabakada Saylac.com
waxa kale oo uu sheegay in Mujahid Cabdiraxman Aw Cali ayna cidina
ka horjoogsan karin in Madaxweynaha Jamuuriyada Somaliland uu la
kulmo, lakiinse hada baahi taala ama hawl uu ula kulmaayi ayna jirin.
Gagabagadii qoraalka, ayaa waxa uu afkayeenku ku buurinayaa "in
saxaafada loo xidho hu cawradeeda astura", waayo ayuu yidhi "waa
madasha kaliya ee umadu ay wararka ka helaan. Waxana haboon in
tixgalin la siiyo kumanaanka akhriste ee wararka dhulkooda hooyo u
ooman, oo jecel wararka xaqiiqda ku salaysan ee ka madhan rayi qof
iyo haloosi tuhun abuur aan loo baahnayn".
Hadal si kaftan ah u dhignaa oo qoraalka soo gaadhay Saylac.com ee
lagu beeninayo warkaa laga been abuuray Mujaahidka, ayaa u qornaa
sidan:
Baryihii hore qofka gaf kaa gala geedkiisa, ayaa xaal loogu doonan
jiray ee bal adiguba hawada xaal weydiiso! iyagoo erayga hawada ula
jeeda Internetka cid walba u sahlay inay afka gacanta iska gashaan.
Saxafadu maaha waxaad jeceshay inaad qorto ee waa wixi jira!
Source: Saylac.com
|