Allaylehe Mujaahid
Gurey wuu Dhicisoobay
Asalaamu calaykum dhamaan
saxaafada madaxbanaan ee Somaliland noocyadeeda kala duwan iyo inta
ka hawlgashaba.
Sidoo kale waxaan salaamaya inta akhristayaasha firfircoon
raygoogana cabira waa salaamantihiin.
Maqaalkani maaha deelqaaf loolamana jeedo in uu noqdo mid sharafta
iyo karaamada shaqsinimo meel uga dhacaaya Mujaahidka, se waa maqaal
sawir ka bixinaaya mujaahidka dhinaca siyaasadeed ee uu qaatay.
Ceebna maaha dabina maaha in uu mujaahid Gurey ka wareegay
asxaabtiisi ay soo wada mareen waayaha adag iyo xisbigi Kulmiye una
diga rogtay xisbiga UDUB.
Laakin waxa shacabi weynaha Somaliland amakaag iyo filowaa ku
noqotay in mujaahid Gurey ka baxay xisbiga KULMIYE una wareegay UDUB
wakhtigan kala wareega ah.
Waxa kale oo shacabku aad uga xumaadeen hadaladii uu ka jeediyeey
maadaashi xafladi UDUB ay ku qabsadeen Hotel Maansoor bishan aynu ku
jirno gudaheed.
Mujaahidku wuxu yidhi "Meeshi aan ka imid (KULMIYE) may oolin fikrad
dalka anfacaysa se waxa taalaay fikrad dalka duminaysa"
Wax badan kasheegi maayo Mujaahidka oo isagaaba shacabka isku
tilmaamay hankiisa siyaasadeed iyo danaha shacabka Somaliland-ba
halka uu ka taaganyahay.
Shacabka xalaasha ee Somaliland mujaahid Gurey waxay saareen
calaamad madaw mustaqbalkiisa siyaasadeed iyo dadnimaba, sharaftii
iyo karaamadii uu bulshada ku dhex lahaana wuu iska meedhay "heebad
uu alle ku siiyay habeen la iskama qaado"
Muj: Gurey wuxu noqday odaygii inta u soomana maalintii oo dhan
laakin se aakhirki ku afuray BASAL
Bal aynu dib u jaleecno xisbiga uu ka soo baxay muj gurey iyo ka uu
ku biiray halka ay ka kala taaganyihiin danaha dalka iyo shacabka
aynu ku horeyno xisbiga uu ka soo baxay mujahaidku.
KULMIYE:
Xsbiga KULMIYE waa xisbiga mucaaridka ka ugu weyn amba hadaynu si
kale u dhigno waa xisbiga kaliya ee somaliland ka jira ee leh
calaamadihi lagu garanjiray xisbi qaran.
Xsibiga waxa ku jira haldooradii siyaasada Somaliland miisaanka
culusna ku laha shacabka dhexdiisa iyo geeska Afrikaba.
Xisbiga KULMIYE waa xisbigii ogolaaday doorashadii madaxtinimada ee
dhacday sanadii 2004 taas oo dadku ogyihiin in uu yahay xisbigii ku
guulaystay hogaaminta dalka doorashadaas laakin laga hor istaagay oo
si badheedha xuquuqdiisa loogu diiday, xisbigu waagaas wuxu kala
doortay Somaliland ama Kursi taladiina waxay noqotay Somaliland
jiritaankeed in uu doorto sidaasna UDUB ay ku fadhiisatay kursigii.
Xisbiga Kulmiye waa xisbiga kaliya ee si cadaalada ka baxsan loola
dhaqamay waxaas oo dhana waxay ugu dulqaadanayeen danaha dalka
sababto ah wa ragi u soo halgamay Mgaca Somaliland ee UDUB maanta
madaxda ku tahay.
Raga hormoodka u ah KULMIYE waa ragi hogaaminaayay ururkii xaq
udirirka ahaa ee SNM hadayna waagaas soo dhicin Somaliland maanta
inta dalka hogaamisa waxaytaagnaan lahaayeen darajadoodi hore ee
aheed basaasnimo ay dhagaystaan daaqadaha xaafadaha.
warqad iyo qalinku soo koobi kari maayo wanaaga iyo taliska wacan ee
KULMIYE.
UDUB:
Xisbigan waa xisbiga dalkeyne hogaamiya mudo 7 sano ah oo ay ahayd
uun in hogaamiyaan 5 sano sida uu qoraayo dastuurka dalkeynu.
Xisbigan UDUB qof la odhan karo waa siyaasi ruugcadaa ah oo ku jira
ma jiro inta ana ka ahayn basaasiinti ugu ruugcadaasana wixii loogu
yeedhi jiray NSS.
Xisbigani waa xisbiga suuqi xorta ahaa koonto ugu xidhay dhowr qof,
Xoolihii,shidaalki,Dakadi, madaarki
iyo meelo kale oo badan IWM.
xukumada dalka hagta ee udub waa xukumadii ugu horeysay ee doorasho
ay wakhtigeedi dhaafto dhowr jeer taasna waxaynu ku macnaysan karna
masuuliyad daro oo ay aheed in lagu sameeyo xil ka xayuubin
Xisbigani waa ka kaliya ee ku tuntay xeerarkii iyo dastuurki dalka
iyo dadka kala hagaayay, dano shaqsi ayaa laga doortay.
Kaw maaha laba maaha inta xeer ee la jabiyay waxaynu tusaale u soo
qaadan doona xeeka ugu dambeeyay ay baal mareen awaamiirta uu
faraayay.
1: qodobka 83 farqadiisa 5 oo o dhanaysa madaxweynaha iyo ku
xigeenkiisa waxa loogu kaordhin kara xilka marka ay timaado daruufo
nabadgalyo xumo ama aafo qaran.
taasina maba taalo maanta kamana jirto dalkeena waxa uu qodobkaasi
tilmaamaayo.
2: qodobka 22 oo tilmaamaaya xaqa muwaadinka eray dhiibashada
cabiraada dareenkiisa oo uu ku muujin karo
qoraal,muuqaal,suugaan,mudaharaad iyo qaab saxaafada ahba. taasna
waa ogtahay wixi ay sameeyeen xisbigan dalka wada ee udub waati
hogaanki dhamaa ee xibiga KULMIYE rasaas ooda kaga qaadeen xili ay
mudaharaad salmi ah ku raadsanaayeen xuquuqdooda xisbinimo.
lama soo koobi karo inta qodob ee ay ku tunteen xisbigan UDUB
labadaas qodobna waxay ahaayeen uun labada qodob ee ay jabiyeen
shalay ama daraad.
Hadaba mujaahid Gurey meesha u saalo dhigtay waa meesha sidaas
ah.meesha uu ku sheegay in ay taalo danta umada iyo dalkaba waa
meesha sidaas ah.
Hadaba mujaahidka ma waxba loo laabay ileyn waati la yidhi "calool
wax cuntay waa xishootaaye).
Tallo: ku socota Mujaahid Gurey:
Mujahaid waxaad ahayd dadka sharafta iyo karaamada dalkooda ku dhex
lahaa ee dariiqa aad hada qaaday waa kii dalka duminaayay iyo taada
shaqsinimoba ee hadaad ku sii socotid waxaad ku dambeyn sida Muj:
Talaabo ee inta goori goor tahay ka soo noqo.
Qormadii: Abdifatah O. Abdi (Abdi kling king)
kling_king@hotmail.com
Hargeisa Somaliland
|