Afar Xildhibaan Oo Laga Xayuubiyey Xubinimaddii Golaha Wakiiladda
Guddoomiye ku xigeenka koowaad ee Golaha Wakiiladda Baashe Maxamed
Faarax ayaa fad higii maanta ee Golaha........
Hargeysa (TNN) – Golaha Wakiiladda Somaliland ayaa maanta
xubinimaddii Golaha Wakiiladd a ka qaaday afar Xildhibaan oo ka
tirsanaa Golaha.
Guddoomiye ku xigeenka koowaad ee Golaha Wakiiladda Baashe Maxamed
Faarax ayaa fad higii maanta ee Golaha Wakiiladda ka sheegay
magacyadda afar Xildhibaan ee Xubinimaddii waayay, ka dib markii
sida uu dhigayo Xeer-hoosaadka Goluhu ay maqnaadeen labaatan
kal-fadhi oo isku xiga.
Afartan Mudane oo magacyadoodu kala yihiin sidan:-
1-Xildhibaan Ikraan X. Daa’uud Warsame oo laga soo doortay Xisbiga
talada haya ee Kulmiye.
2-Xildhibaan Axmed Maxamed Cali (Beegsi) laga soo doortay UCID
3- Xildhibaan Mahdi Xaaji Xasan Sugaal laga soo dootya UCID
4- Xildhibaan Maxamed Cali Jibriil laga soo doortay UDUB.
Guddoomiye Ku xigeenka koowaad Baashe Maxamed Faarax waxa uu sheegay
in iyadoo laga duulayo qodobka afar iyo tobnaad farqadiisa labaad ee
xeerka doorashooyinka golaha wakiilada Xeer No 20/2005 waxaa Goluhu
u gudbinayaa gudida Doorashooyinka qaranka si ay u soo buuxiyaan
boosaskaa banaanaaday laga bilaabo maanta oo ay taariikhdu tahay 29
September.
Si kastab ha ahaatee waa markii u horeysay ee Golaha Wakiilada
Somaliland ay talaabo noocan oo kale ah qaadaan tan iyo markii la
soo doortay dabayaaqadii Sanadkii 2005-tii.
Timacade News Desk
Hargeysa,Somaliland
|