Abwaan Hadraawi oo
lagu daray
liis caalami ah
Abwaanka
caanka ah Maxamed Ibrahim Warsame (Hadraawi), ay aa lagu daray
liiska dadka magaca iyo karaamada ku leh dunida.
Abwaan Hadraawi, oo ah hal abuur caan ah, waxa lagu daray bogga
dadka dunida magaca iyo saamaynta ku leh ee wakhtigooda u huray
arrimaha bulshada sida nabadgelyada, xuquuqal insaanka iyo
bini-aadminimada. Sida lagu muujiyay bogga My Hero, Abwaan Hadraawi,
waxa lagu maamuusay oo lagu sharfay badweynta suugaantiisa iyo
kaalinta uu ka qaato nabadgelyada iyo xoojint eeda. Waxa tusaale uu
boggani u soo qaatay safarkii nabadaynta ee uu Hadraawi sannadkii
2003 ku maray dalka Somaliya, isagoo ugu baaqayay inay colaadda
joojiyaan oo ay nabadgelyo u hub qaataan. Boggu waxa uu xusay in
Abwaan Hadraawi, oo ah nin cod ku dhex bulshada Somalidu, uu safaro
ku saabsan nabadaynta ku tagay qaarado kala duwan oo dunida ah sida
Yurub iyo Maraykanka. Waxa kale oo uu My Hero, muujiyay sida ay
Somalidu u qadariso ee ay u ixtiraamto maansooyinka iyo gabayada iyo
weliba heesaha ka soo maaxday maskaxda Abwaankan, oo ay sheegeen
inuu sannadkii 1999-kii ka soo guuray qaaradda Yurub, ka dib markii
ay nabadgelyo buuxdaa ka tisqaaday wadankiisa Somaliland oo uu hadda
degenyahay.
Boggan dadka ku jira waxa ka mid ah Mr. Koffi Anan oo ahaa
xoghayihii guud ee hore ee Qaramada Midoobay oo lagu xushay kaalinta
uu ka qaatay xoojinta nabadgelyada adduunka iyo weliba xorriyatal
qawlka. Waxa kale oo shakhsiyaadka boggan ku jira ka mid ah Mr.
Jimmy Carter oo ahaan jiray Madaxweyne soo maray dalka Maraykanka,
oo isna lagu xushay sida uu wakhtigiisa ugu huro arrimaha
bini-aadminimada. Dadka magaca iyo karaamada ku leh dunida ee boggan
Abwaan Hadrawi kula jira waxa ka mid ah Mr. Martin Luther King, oo
ahaa halgamaagaadii iyo geesigii u kacay dadka Madow ee Maraykanka
ku nool. Madaxweynihii hore ee Masar Anwar Saadaat, ayaa isna ka mid
ah dadka ku jira boggan my Hero. Sidoo kale waxa ka mid ah Maxamed
Al-Baraadici oo ah Agaasimaha guud ee hay’adda Nukliyeerka Adduunka.
Mohandas K. Gandhi, oo isna ahaa halgamaa halgan salmi ah dalkiisa
Hindiya ugaga xoreeyay gumaystihii Ingiriiska ayaa sidoo kale boggan
ku jira. Gabadha barnaamijyada caanka ah samaysa ee Oprah, oo u
dhalatay dalka Maraykanka, ayaa iyaduna ku jirta bartan internetka,
waxaana la sheegaa inay tahay gabadha ugu mushaharka badan leh
dunida.
www.geeska.net
|