WAR-SAXAAFADEED
.
Xisbiga Cadaalada iyo Daryeelka Ucid Waxaa uu Warsaxaafadeedkan Ku
Canbaareynayaa laba arimood oo aad u fool xun oo shaley ka kala
dhacey deegaanka Abdaal ee ka tirsan Gobolka.Saaxil iyo dhibaato
lagu hayo dadka ku ganacsada suuqa weyn ee Waaheen, Arinta koobaad,
Xadhiga iyo Jidh dilka Loo geystey shaley dadka ku nool Abdaal
kuwaas oo fikirkooda si Salmiya u sheegayeey ama u cabirayey iyagoo
ku taageerayey Golaha Wada Tashiga iyo Toosinta Qaranka,iyaga oo ka
soo horjeedey dad la soo abaabuley oo hore u dhaleeceeyey Golaha
wada tashiga iyo Toosinta Qaranka Dadkaas oo u badnaa dumar ay ku
jiraan hooyooyin dhawaan umuley iyo qaar uur lehba,ayaa ilaa imika
ku xidhan sif sharci daro ah, waxaanan xukuumada ugu baaqaynaa inay
dadkaas xoriyadooda u soo celiso.
Iyada oo lagu jiro maalmihii u danbeeyey bisha barakaysan ee
Ramadaan oo sida la og ya hey ay suuqa waaheen ku ganacsadaan
ganacsato yar yar oo u badan hooyooyin ayaa sh aley iyada oo aan
waxba la ogeysiin Tacadiyo, jidh dilka,Awood sheegasho Bur burin (Hantid
oodii) iyo xadhig loogu geestey Suuq Weynaha Waaheen.
Hadaba xisbiga ucid waxaa uu si adeg u Canbaareynayaa falalkaa
foosha xun ee ka baxsan bila,aadanimada ee lagula dhaqmey dadka
masaakiinta ah ee u baahan gacan qabashada, falalkaas foosha xun oo
ina xasuusinaya dawladii kaligii taliyihii maxamed siyaad bare ee
sha cbigani ka gil gishey.
Sidaa daraadeed Xukuumada Maanta Talada Haysa waxaanu ugu baaqeynaa
iney si deg deg ah xoriyadoodii ugu soo celiso dadka ay sida sharci
darada ah u xidh xidhey ee u badan ma atida,Waxaa kale oo aanu ugu
baaqeynaa iney ganacsatada yar yar ee suuqa Waaheen in ey
Alaabtoodii u soo celiso isla markaana Mag dhawna siiso
Ugu danbeyntii waxaanu xukuumada kula talineynaa isla markaana aanu
ku waanineynaa in ey ka waantowdo Xadhiga,jidh
dilka,Cabudhinta,Tacadiga,Xadgudubka iyo Awood sheegasha da ay ku
hayso shacbi weynaha wanaagsan ee reer Somaliland
Allaa Mahad Leh
Xoghayaha Warfaafinta Xisbiga Ucid
Md Yusuf Keyse A/laahi
|