“Waxaan Ogahay In Maamulka Puntland Taleefan Kula Soo Xid hiidhay
Madaxtooyada Somaliland Oo Ay Diyaaradda Kala Hadleen…”Faysal Cali
Waraabe
“Xukuumadda Somaliland waxaannu ugu baaqaynaa In dhakhso loola
wareego diyaaradda iyo qalabka saaranba…..” “Annagu Xisbiga UDUB
kuma raacsanin in la laalo diiwaangelintii doorashada aynu ku so o
galnay…” Faysal Cali Waraabe: Waraysi Khaasa.
Hargeysa – 12 December 2010 (TNN)- Guddoomiyaha Xisbiga Mucaaridka
ah ee UCID Eng Faysal Cali W araabe, ayaa markii ugu horreysay
shaaca ka qaaday in Maamul-goboleedka Puntland ee Soomaaliya khadka
Taleefanka kula soo xidhiidhay Madaxtooyada Xukuumadda Somaliland,
isla markaana ay ka w ada hadleen diyaarad shalay Subaxnimadii
soo fadhiisatay madaarka Caasimadda Hargeysa, halkaas oo ay
Ciidammada ammaanku ku ilaalinayaan, ka dib markii baadhitaan ay ku
sameeyeen ku ogaadeen inay qalab Millatari u siddo Puntland.
Eng. Faysal Cali Waraabe, waxa uu Xukuumadda Somaliland ugu baaqay
inay sida ugu dhakhsaha bad an tallaabo uga qaaddo
diyaaraddaas iyo cidda wadatay, qalabka ay siddana si toos ah
Ciidammada Qaranka loogu wareejiyo. Guddoomiyaha Xisbiga UCID, waxa
uu soo jeediyey inaanay u dabcin Beer-laxawsiga uu sheegay inay
Puntland ku maslaxayso siiddeynta diyaaraddaas. Faysal Cali Waraabe,
wa xa uu sidaa ku sheegay Waraysi khaasa oo uu Wargeyska
HargeisaStar xalay khadka Taleefanka kula yeeshay isaga oo jooga
Hargeysa. Waraysigaas oo uu sidoo kale, kaga hadlay inaanay UCID
ahaan Xisbiga UDUB ku raacsanayn in la laalo diiwaangelintii
codbixiyayaasha ee doorashadii Madaxtooyada lagu galay.
Waraysigaasina waxa uu u dhacay sidan:-
S: Dhawaan waxaad kulanteen Xisbiga mucaaridka ah ee UDUB arrimaha
aad ka wada hadasheen wa xa ku jirtay Diwaan-gelintii
codbixiyeyaasha doorashooyinka, taasoo aad idinka (UCID) iyo UDUB
kala aragti ka ahaydeen, maxaa iska bedelay mawqifkiinnii
diwaan-gelinta?
J: Horta baryahanba kulanka Xisbiyadu wuu socday Saddexda Xisbiba
way kulmeen oo anagu laba Xi sbi ee kale waannu la
kulanay.Shirkani ilaa bishii September-ba wuu noo socday, mar hadday
dhamm aatay doorashadii Madaxtooyadu oo la gelayo doorashadii
Goleyaasha, markaa waa in Saddexda Xisb iba ay isku mawqif
noqdaan, haddii ay dhici waydo inay Saddexdu is raacaanna ay labba
isku mawqif ku noqdaan, horenna waannu u soo saarnay Saddexda Xisbi
iyo Komishanka doorashooyinku in hore loo soo dhigo Doorashada
Golayaasha oo aanay jirin wax innagu qasbaya in dib loo dhigo,
labada doo rashada la is dul saaro (Mar la wada qabto), wakhti
deg-deganna la qabto ilaa 2011, waannu ku hesh iinay oo
Saddexda Xisbiba way saxeexeen, imikanna Salaasadii waxaannu wada
shirnay Xisbiga UDUB oo aannu is tusaalaynay iyagu waxay ka qabbaana
way noo soo bandhigeen, annagu waxaannu ka qabnana waanu u soo
bandhignay.Diwaan-gelintu in aannay boqolkiibba boqolka fiicnayn cid
kastaa bba way ogtahay, markii uu dhammaaday Dis-play-gii way noo
muuqatay in aannay waxba iska beddelin tii hore ee la yidhi
halla beddelo, hase ha ahaatee, waxaannu doonaynay in la adkeeyo
mark a codka la bixinayo tiina may dhicin. Markaa, mar haddii aannu
iska ogolaanay in doorashada lagu galo in aannu Diwaan-gelinta ka
daba hadalnaa oo aannu nidhaahno halla laalo meesha ma taalo, waannu
ka xunnahay in Madaxweyne ku xigeenkii hore naga hor dhaco, markaa
berito (Maanta), ayaa la fadhiisanayaa oo Guddi dhinac walba Saddex
Xubnood ah ayaannu saarnay, saddex qodobna waannu isla qaadanay oo
aannu doonayno in aannu berito soo saarno, markaa arrintaasi way noo
socotaa. Haddii, aannu UCID nahay marna ku talin mayno in dalka
doorasho bilaa Diwaan-gelin ahi ka dhacdo.
S: UCID ahaan ma waxaad leedihiin Doorashooyinka Deegaanka iyo
Wakiillada Diwaan-gelintii hore hal lagu galo, mise
Diwaan-gelin cusub ayaad doonaysaan in lagu galo?
J:Mar haddaanay jirin qalqaale socota oo ah diwaan-gelin cusub la
bilaabo oo adduunku labba jeer Lacag badan ina siiyey, labadii
jeerna aynu innagu qasaarinay dantunna tahay in dalkan doorasho ka
dhacdo, waxaannu jecelnahay in aannu Berrito (maanta), go’aan ka soo
gaadhi doono,go’aankaas haddii ay UDUB nala qaadatanna wuxuu
noqonayaa mid Saddexda Xisbi u dhan yihiin, haddii kale annaga ayaa
soo saari doonna oo KULMIYE wuu nala qabaa, laakiin ka hor dhici
maayo Guddida labada Xisbi ee Barrito (maanta), wada fadhisanaya.
S: Go’aanka aad idinka (UCID), iyo KULMIYE isku raacsan tihiin waa
mid nooceeya?
J: Annagu waxaannu daafacaynaa kaannu markii hore saxeexnay ee aannu
Komishanka iyo Madaxweynaha u dhiibnay in kaa lagu galo
doorashooyinka soo socda, haddii wax laga hagaajin karo way bannaan
tahay, laakiin marna mawqifkayagu maaha halla laalo oo Sannado ka
hor halkii la taagnaa hallagu noqdo.
S: Maalin dhawayd waxaad ka hadashay Ciidammo Puntland loo
tababarayo, maantana (shalay) waxa Madaarka Hargaysa soo fadhiisatay
Diyaarad la sheegay inay Qalab Millateri u siddo Puntland, bal
arrintaas ka waran, maxaad kala socotaan?
J: Arrintaas beryahaaba waannu ka hadlaynay UCID ahaan sida uu
dhaqmaayo Maamul-goboleedka Garoowe (Puntland), waxaana hubaal ah
illaa iyo intii doorashadu innoo dhacday ee ay ku dhammaatay
nabad-gelyada, Xisbigii talada hayey ee UDUB-na si fiican ka yeellay
ee si bilaa Rabshad ah Xilka loola kala wareegay ee bilaa Muranka
noqotay Indhaha caalamka innoo soo jiiday ee maanta aynu Samcad
wanaagsan ku helnay oo innoo taala hadii aynu ka faa’iidaysanayno
Cadowgeenu dagaal badan ayuu innagu soo qaaday oo arrintaas ka galay
isagoo doonaya inuu arrintaas ka hor tago.
Shirarbaa lagu qabanayaa Waddammo jeerkeenna ah oo la doonayo in
Somaliland lagu beer laxawsado oo la leeyahay Madaxweynaha Somaliya
qaata oo Caasimada qaata iyo Sheekooyin noocaas ah oo dhawaan ka
dhici doonna Waddan aynu jaar nahay. Xaggan kale, waxa ka socda
Ciidammo hubaysan oo ay samaysanayso Puntland, xaggaa kale waxa ka
socota Jabhad hubaysan oo fadhida Buuhoodle oo sabab u ahayd iskunna
dirtay Dadka deegaankaas oo riday dagaalkii Kalshaalle,shirkii
Maygaagle in lagu kala kacanna way ka dambeeyeen, markaa waynu
hareeraysan –nahay.laakiin, waa Illaahay mahaddii wixii aannu UCID
ahaan sheegaynay ay soo baxday Dad iska nasiib-badan ayeynu nahayoo
waa taa Diyaarad iska socota oo South Africaan iyo Hubba sidata soo
fadhiisatay, innagu cid maynaan dulmin, laakiin innaga ayaa hore la
innoo dulmay Soomaali waxba umaynu geysan cidkastoo wax innoo
geysatayna waynu saamaxnay, haddana wali waa la inna daba socdaa oo
waa kuwaa diyaaradaha hubka sidaa imikaba soo cago dhigtay. Imikanna
waxaannu ognahay in aanay wali ka hadal Garoowe (Maamulka Puntland),
Diyaaraddaa, laakiin waxaan ogahay inay Puntland la soo hadashay
Madaxtooyada Somaliland.sidaa awgeed, Xukuumadda Somaliland waxaan
leeyahay waa in tallaabo adag laga qaadaa, mar hadaanay is lahayn
Warqada rarka saaran iyo waxay siddaa, dhammaan qalabkay siddo waa
in lala wareegaa.
S: Guddoomiye, waxaad sheegtay in aanay Puntland si cad uga hadal,
laakiin ay Madaxtooyada la soo xidhiidhay, arrintaasi wax fudud
maaha, ee maxaad ku xaqiijinaysaa?
J: Annigu Xisbi mucaarid ah ayaan Madax ka ahay oo meelo badan ayaan
Warka ka helaa, markaa waan ogahay in Madaxtooyada Somaliland iyo
Puntland Taleefan ku soo wada xidhiidheen.
S: Guddoomiye, Markaa mawaxaad leedahay Puntland waxay Madaxtooyada
Somaliland kala hadashay in Diyaaradda loo siiddaayo?
J: Si hoose ayey taleefan ugu wadahadlayaan wali oo si cad umay soo
wada bixin, laakiin Xukuumadda Somaliland waxaannu leenahay waa in
ay waajibkeeda gudataa, mar hore ayeynu tallaabo qaadi waynay oo tii
Oog ka dhacday ayeynu ku fashilanay oo Ciidankeenna la iska
afduubtay, waxaannay ka mid tahay waxyaabaha Cadowga innagu soo
dhiiriyey, markaa waxaan leeyahay dalka waa in difaaciisa la
adkeeyaa. Waxaan intaa ku darayaa, waxaynu ognahay in Puntland oo
dhul ballaadhsi waddaa ku mar-marsoodo argagixiso ayaan la
dagaalamayaa oo imikana uu soo Bara-kiciyey Dad reer Somaliland ah
oo daga Bariga Sanaag oo ay waajib tahay in Xukuumadda Somaliland ay
Naftooda iyo Maalkoodaba difaacdo, manaha wax la aqbali karo in
Taako dalkeenna ka mid ah Maamul kale soo faro geliyo oo yidhaahdo
argagixiso ayaannu ka baadi goobaynaa, taasina waxay noqonaysaa
marka Dadkeenna argagixiso lagu sheego in aynu argagixiso nahay,
laakiin Xukuumadda waxaan mar labaad u soo jeedinayaa inay Maamulka
gaadhsiiso Sanaag-Bari, dalkana difaacdo, kana hor tagto dhul
ballaadhsiga uu wado Maamulka Puntland, mana aha innagoo 20 sano
jirney inaynu ka baqanno Maamul-beeleed aan dawlad ahayn, waa in
aynu yeelannaa Ciidan Qaran oo dalka wada hanta, intoo imikaba
Ciidankeenna Qaranku ku ammaanan yahay hawsha baaxadda leh ee uu
dalka u hayo.
S: Musharrixii Madaxweyne Ku-xigeenka Xisbiga UCID ahaa ee aad
doorashadii Madaxtooyada u wada tartan-teen, waxa Madaxweyne
Siilaanyo u magacaabay jagada la-taliya xidhiidhka caalamka iyo
arrimaha ictiraaf-raadinta, markaa UCID ahaan miyaad isla qaadateen
in Xukuumadda Xisbiga KUKLMIYE ka mid noqotaan?
J: Maya, ee annagu go’aanka aannu qaadannay wuxu ahaa inaannaan wax
xubno ah ka noqonnin Xukuumadda KULMIYE, laakiin hawshaasi waa mid u
gaar ah Maxamed-rashiid, Xisbi ahaan-se nagama dhaxayso inaannu ka
mid noqonno ama xubno ku yeelanno Xukuumadda Xisbiga KULMIYE
Wargayska Hargeisastar
|