Xisbiga Udub Oo Xaflad Soo Dhaweyn ah U Qabtey XubnoKasoo Baxey Xisbiga Ucid

Gabiley (longlivesomliland)-Xaflad balaadhan oo lagu soo dhawaynayo xubno ka mida ahaa maamulkii iyo taageerayaashii xisbiga ucid ee Gob olka Gabiley oo ka soo baxay Xisbigaasi kuna biirey Xisbiga Udub ayaa lagu qabtey xaley Huteel Asker ee Magaalada Gabiley.

Xafladan oo ay soo agaasimeen Garabka Haweenka Xisbiga Udub ee Gobolka Gabiley waxa kasoo qeyb galey Xoghayaha Guud ee Xisbiga Udub Jaamac Yaasiin Faarax,Wasiiru Dowlaha Howlaha Guud Mr Maxam ed Aw Cabdi (xirsi),Wasiir kuxigeenka Boosaha iyo Isgaadhsiinta ,Maayarka Degmada Gabiley,Aadan Muxumed Bade, Gudoomiyaha Xisbiga Udub ee Gobolka Gabiley Saleebaan Maxamed Sheekh Saleebaan ,Gudoomiyaha Ururka Now Marwo Kaltuun, Gudoomiyaha Garabka Haweenka Xisbiga Udub ee Gabiley,Maryan Xadi Axmed iyo marti sharaf kale.

Waxa ugu horeyn xafladaasi hadal ka jeediyey Xoghayaha Guud ee Xisbiga Udub Jaamac Yaasiin Faarax oo sheegay in Xisbigooda Udub yahey Xisbi qaran oo umada reer Somaliland usiman tahey islamrkaana ay soo dhaweynayaan cid kasta oo kusoo biireysa kana soo baxeysa Xisbiyada Mucaaridka ah ,waxanu Xoghayuhu ku dheeraadey xogwarnka taariihkda Gobolka Gabiley iyo kaalintii aykulaheyd Halgankii SNM oo Gabiley laga aasaasey dhib badana ay kusoo muteen Dadweynaha Gobolka Gabiley wxanu Xoghayha guud ee Xisbiga Udub xafldaasi soodhaweynta xubnaha kasoo baxey Xisbiga Ucid ugu magacaabey Gudoomiyaha Xisbiga Udub ee Gobolada Galbeedka.

Waxa kale oo isaguna halkaa hadalo kooban ka jeediyey Wasiiru Dowlaha Howlaha Guud Mr Maxamed Aw Cabdi(xirsi) ,Wasiirkuxigeenka Boosaha iyoIsgaadhsiinta, maayarka Degmada Gabiley Aadan Muxumed Bade oo sheegay in Xisbiga Udub yahey xisbigii dhalinyarada.

Waxa kale oo iayguna xafladaasi ka hdley Maxamed Muuse Qowdhan oo sheegay in uu Xisbiga Ucid uga baxey ka dib markii ay afgaran waa yeen Gudoomiyaha Xisbiga Ucid Feysal Cali Waraabe.

Waa Xafladii labaad ee Xisbiga Udub ku qabto Gabiley ee lagu soo dhaw eynayo taageerayaal kasoo baxey Xisbiyada mucaaridka ah iyadoo kan kii ka horeeyeyna loo qabtey xubno kasoo baxey Xisbiga Kulmiye.


 

Weriye Nimcaan Dheeg Ibraahim
Longlivesomaliland News Media
Gabiley Office