* Weedhahaygii sinnaa
* Matirin waayahaa sakariyowe
* Waa baynu saaxiibo nahay
* Ilaa iyo saakadane
* Saaxiib xulashadiisuna
* Waa shay aad u saran
* Samankan aynu joognaaye
* Waano saaxiibaan
* Inta aan ku siiyo
* Kuu kala saarilaa
* Hadaada saaxi tahaye
* Saaxiib micnihiisuna
* Waa kalgacayl sareeyoo
* Sambabada agtoodiyo
* Wadnahaaga saaranoo
* Sahal lagu helayne

********

* Dadkanaad sawireysee
* Susumaaya aduunkuna
* Waykala soocanyihiinoo
* Isku wada sifo maaha
* Aadmiga se laba sibaan
* Kuugu kala saaroon
* Sadar kuugu muujiyee
* Weedhayda la soco

********

* Mid aad socodkiisiyo
* Sawirkiisa layaabtid
* Oo saancadaalihii gaal
* Siduu u dabaqaayay
* Surwaalku ka dhacayoo
* Timaha seeb xiiray
* Marka uu suuqa maraayona
* Dhexda sararaha jidhkiisa
* Shan jeer kala siiboo
* Sanka uun kor u taaga
* Foolxumo tii u saraysaa
* Korkiisa saaranoo
* Isaguna sidaasuu
* Qurux soo jireen ahiyo
* Saxdii u haystaa
* Hadalkiisa siraatana
* Heblaayaa xagan socotiyo
* Sakadaasay ka laabtay
* Aanay ka suulayn
* Diintuu sarjarayaayoo
* Sixunbuu udhaqmayaaye
* Hala saaxiibin kaa
* Waano aan simaybaa
* Sidaa ku faraysee
* Bal kawarn saaxiib

********

* Allahaaga sareeyaa
* Mu’miniintiisa ku soocday
* Aayaduu soo dajiyee
* Mid aad sabirkiisiyo
* Balanta sugi yaqaano
* Oonad salfudaydiyo
* Saxarkaa ku arkayn
* Sunnihii rasuuliyo
* Salaadoo oogaa
* Saldhigiisa tahayoo
* Waalidka suubiyoo
* Saacaday dhibtimaado
* Ku saacidi yaqaanoo
* Sinaba aan kaa tagayn
* Xumaantii ka sahdiyoo
* Samaha aad uyaqaana
* Sumcadiisa layaaboo
* Tacliintiisa saraysana
* Loogu wada sarakacabaan
* dadka kaaga soo saaree
* balkawaran saaxiib

********

* saaxiib anuunbaaba
* kuu dhuuxaya sirtoo
* oon marnaba sogordohayne
* ha saluugin waanada
* adoon si kale uqaadan
* hagaaji saaxiibka

********

* saaxiibkay adoo ah
* adigoo sida nuurka
* samadaa iiga iftiima
* anigoo samirkaagiyo
* kugu sifeeyey wanaag
* wanaada aan ku siiyo
* xubnahay ka socotaa
* oo si fudud kuma keenine

********

* looma seexdo aduunka
* waa loo sarakacaye
* saddex cisho uun weeyi
* oo la seeto dheereeyee
* camalkaad waxsiisane
* aakhiro sideedaba
* haka saarin qalbigoo
* yay ka siiban abidkee

********

* qofkii kaa sannad wayna
* waxba yuu ku saloolinoo
* qalbigaaga sawaabina
* da’daada uun la soco

********

* dumarkii aan sirtoodio
* aan aqaanay safkooduna
* way wada socdeenoo
* saddexdii hadhaybaaa
* toban saamood loo
* maryaha dirqi ku sitee
* yuu ku taaban sixirkoodu
* way ku sal guurinayaayne

********

* waalidkaagii sida adag
* kuugu soo tacbay
* hooyadii sagalka bilood
* calool kugu siday
* aabahagii sannadaha
* cunto kuu siinayaa
* inaad suubiso mudane
* xilkaa isa saar

********

* cilmiguna waa siraadaha
* dunidan saaka joogtee
* danta kuma seejiyee
* waligaa sida oo
* ha ka sallimin abidkaa


 

Yaxye Cabdi Cali Yeebaash
yeebaash@hotmail.com
yaxye.yeebaash@gmail.com
252-2-4136181