SOOMAALIDA IYO DHOOFKA
Xasan C. Madar
Isdhiib…isdhiib…isdhiib.. waa
kaa ereygu, waa ereyga koowaad ee dhegahaagu maqlayaan markaad
dhegaysato sheekada dhoofka ee dhallinyarada beryahan… ereyga
labaad waa ‘qaxooti’… kuye haddii dacwaddaadu wanaagsanaato
waxa laguu aqoonsanayaa qaxooti oo hore ayaad sharciga ka helaysaa…Goormay
qaxootinimadu noqotay wax lagu faano?
Ereyga ‘isdhiib’ wuxu ahaan jiray welina dunida ka yahay mid
aayo daran. Laba macno ayuu leeyahay iyo laba sababood oo la isku
dhiibo. Mid waa in Ilaahay la isku dhiibo oo la micno ah islaamnimo,
iyo Alle u hoggaansan. Midna waa in cadow ku har eereeyey oo
aanad ka baxsan karin la isku dhiibo oo markaad gacantiisa gasho
siduu doono kaa yeeli karo.
Labadaa midkee buu yahay isdhiibkan casriga ah ee innagu soo biiray
markii qurbaha la tegay? Waxay ila tahay inaanu macno saddexaad
qaadan karin balse uu labadaa mid uun hoos imanayo.
Qoramadani maaha cilmi baadhis durugsan oo la sameeyey balse
ujeeddadeedu waa is-xasuusin iyo in lagu baraarugo, waxna la iska
weydiiyo sidii looga gudbi lahaa waa yaha adage ee inna
horyaal.
Weligeedba soomaali way socdaali jirtay, way tacabbiri jirtay, way
dhoofi jirtay. Dhoofku wuxu ahaa mid ujeeddo cad leh. Waxa loo
dhoofi jiray xoogsi dhaqaale tara nsi iyo aqoon raadis.
Soomaalidii u horraysay ee dhooftay waxay ahaayeen raggii
maraakiibta raaci jiray ee la odhan jiray seaman. Mar kale waxa loo
dhoofi jiray Afrikada bari. Dad badan oo halkaa tegay kamay soo
noqon oo way degeen. Waxay ku roonaayeen kamay fogayn halkay ka
dhoofeen, xidhiidh joogto ahna way la lahaayeen dadkoodii. Waxa
xigay dh oofkii xoogsiga ahaa ee loo tegay dalalka khaliijka
Carabta. Halkaasna waa laga soo shaqaysan jiray oo ninku, ragga ayaa
u dhoofi jiree, xoolo buuran oo uu guri ka dhis to, kana
guursado, ganacsina ka sameeyo ayuu kala iman jiray.
Hadduu qofku helo wuxu doonayey dib buu u soo noqonayey isagoo wixii
uu soo hel ay dalkiisa gashan jiray. Hadduu ku hungoobo
doonistiisa oo filashadiisii waayo mee sha iskama fadhiyi
jirine dib buu u soo noqon jiray.
Maxamed Kaahin Fedhoole oo nin gabyaa ah ayaa cabbiraya sababtuu u
dhoofay, wu xuu kala kulmay, iyo wuxuu yeelay markuu filashadiisii
waayey.
Markii hore isagoo nolol wanaagsan haysta uun baa taar u baxay,
filashadiisu waxay ahayd inuu lacag tuulan soo heli doono. Wuxu
gabaygan kaga warramayaa siduu u noolaa, kaalintuu nolosha bulshada
kaga jiray iyo sida maruun taar ugu baxay ee uu habeen u go’aansaday
inuu xoogsi tago.
Taalloolayaal
iyo anoo taaggi Siraw jooga
Toomaha Walwaaleed anoo Torog ku maalaaya
Anigoo tusmada reerkayaga talada goynaaya
Taajkiyo garoomaha anoo laygu wada tiirshay
Ayuun baa la ii tumay durbaan taarna ii yimide
Dabadeed tallaabo iyo orod taw ku soo idhiye
|
Wuxu ka warramayaa filashadiisii ahayd inuu lacag tuulan heli doono.
Isagoo taa ma skaxda ku haya ayuu ka soo degay magaalada Cadan
ee dalka Yaman oo berigaa so omaalida woqooyigu tegi jirtay.
Durbadiiba waxa kala duwanaaday wuxuu filanayey iyo wuxuu la kulmay.
Tammuunkii ku imid meel jinnoo lays tamadinayne
Tawaahida waxaan lahaa fuluus tuulan baad heliye
Tabtaan ku arkay iyo caynkan ay tahay ma moodeyne
|
Wuxu talo u jeedinayaa inta ka dambaysa ee uu dalkii kaga yimid ee
uu filayo in sidi isa oo kale ay halkan ku soo hammiyeyso.
Wuxu u sheegayaa jaadka ay yihiin dadkii uu meesha ugu tegay. Wuxu
ka warramayaa rag soddon gu’ joogay oo weli nolo sha ka fara
madhan, raggaas oon halkanna waxba ka taransanayn, halkii ay ka
yima addeen iyo baylahdiina dib ugu noqon waayey.
Waxa tuban kun tamar laawe aan tacabna eegayne
Talaatiin gu’ qaar joogay baan toob u xaasiline
Tanna xoogsi kama soo taraan taasna laga waaye
|
Mar kale wuxu ka warramayaa dhibaatada haysataa waxay tahay iyo
halka uu ka tallaabsan la’ayahay. Wuxu eedda saarayaa aqoondarrada
ka haysata noloshan magaalo ee uu ku soo biiray. Wuxu ka warramayaa
sida aqoontii xoolo dhaqasho ee uu lahaa aanay halkan waxba uga
tarayn. Markuu dhulkiisa joogay wuxu ahaa nin aqoon badan u leh
nolosha uu ku nool yahay oon waxba ku seegganayn. Halkan uu yimidse
aqoontaasi ka shaqayn wayday.
Mar haddaanan Teeb iyo waraaq Teybal dhiganaynin
Turjubaan afkiisii haddaanan ugu tiraabaynin
Mar haddaanan faaltuu tegiyo turugsi raacaynin
Kol haddanan Tilifoonka iyo taarka qabanaynin
Marse hadduu tabtaa yahay kuwii teedhi seben joogey
Way tala xumaan xoogsigaan tan uga jeedaaye
Tacliin aabahay wuxu i baray tooyad soo godole
Tiska oodda iyo baan iqiin tirada xoolaaye
Intii aan tuldaha baas wad wadey rag iga tooreeye
|
Wuxu istusayaa in sii joogistiisu nacasnimo iyo dadnimo la’aan
tahay. Wuxu ku fikirayaa siduu u heli lahaa nooligii uu dib ugu
dhoofi lahaa si aanu dhan walba seeg u noqon. Tolkiis iyo dadkii uu
yaqaannay buu ka codsanayaa inay taban taabiyaan oo dib u dhoofiyaan:
Waxba gabaygu yuu ila tafine waxaan ku taalleeyey
Mugga waan tegaayaa haddaan taabo nooliga e
Tabantaabo gacal baan rabaa tolow ha lay dhoofsho
|
Haddaba waxa weydiintu tahay maxaa iska beddelay habkii loo dhoofi
jiray?. Maxaa soo kordhay ee wanaag ah, maxaase la waayey?
Maanta markii la dhoofay ee Yurub iyo Ameerika la tegay waa laga
yaabaa qofku in ta uu meesha ku cusub yahay inuu woxogaa hanti
ah dhaqdo oo dalkiisa dib u soo d histo. Hammigiisa hore waa
xoogsi iyo dib u soo noqosho, marka dambese way la sii fogaataa oo
siduu xubnaha qoyska kolba mid si tuugo iyo khiyaamo ah ugu sii
kaxay nayo ayaa hawadu jiidataa. Hantidii uu soo dhistay waxba uguma
taallo. Kharash dh eeraad ah buu ku bixiyaa ilaalinteeda.
Ka la qabsan waayaa dib uma soo noqdo. Dabayl raac buu noqdaa,
noloshiisuna wax ay noqotaa mid guul darro ku dhammaata. Waa
ta in badan soomaalida haysata. Dhibaatadu in badan waa aqoon darro.
Aqoondarradaas ayaa keenaysa in dhaldhala a lka Yurub la moodo
wax la leeyahay oo khayaali lagu noolaado. Dhaldhalaalkaa aqo
ondarradu keentay wuxu qofka aaminsiiyaa inuu hunguri ku nool noqdo,
inuu illaawo xaqiiqada dhabta ah ee uu u yimid. Wuxu garan waayaa in
ujeeddo hunguriga dhaaf siisan oo loo nool yahay jirto.
Intooda aqoonta lihi iyagu way dhaamaan balse laftooda wuu ka baaba’aa
ham miga inay aqoontooda dalkooda iyo dadkooda wax ugu taraan. In ka
mid ahi dalkii bay ku laabtaan halkaasna waxay la kulmaan
aqoon darro iyo bulsho aqoonta la col ah oo aanay waxba ka beddeli
karin. Dib bay halhaleel diyaaradda ugu soo noqdaan. Markaasna waxay
ka mid noqdaan bulsho aqooneed ka taariikh duwan oo ay ku milm
aan. Waxay ka xuubsiibtaan dhaqankii iyo mararka qaar diintii. Waxay
qaarkood ful iye u noqdaan ujeeddooyin shisheeye. Iyaga
laftoodu qaar nolosha ku xiiqsan bay noqdaan. Hunguri ku nooshii oo
jaadka kale ah bay noqdaan. Dano shisheeye inay fuliyaan ayey u
taagan yihiin. In badan oo ka badbaaddaa way jiraan, waxase ay ka
badin waayaan culayska waayaha ku xeeran.
Kuwii nolosha ku hungoobay waxa qaar ka mid ahi hunguri ka galaa
arrimaha siyaas adda. Hadday woxogaa shilimaad ah healaan dib
bay u soo noqdaan oo waxay gaca nta ku dhigaan odayaal hawl
aan toodi ahayn gacanta ku haya. Halkaas bay siyaasa ddii
hoggaankii ummadda gacanta ku dhigaan. Dhanna way u wadi waayaan
ummad dii. Iska daba wareeg baa xaalku ahaadaa oo halkii shalay laga
dhaqaaqay baa maan ta lagu soo noqdaa.
Abwaanku goor kasta iyo goob kasta wuxu u taagan yahay dareenka
dadka. Abwaan Ismaaciil Aw Aadan oo ka
warramaya sida soomaalidu xilligan ugu jabtay dh oofka wuxu
gabaygiisa ‘Dib U dhoofa’ ku leeyahay:
Dul ahaanba Soomaalidii debedda soo aadday
Duqaydiyo barbaartuba ku lume degello shaydaane
Dayow iyo wareer baa ku dhacay duulashii tegaye
|
Wuxu si xanuun leh
innoo taabsiinayaa xaalka dhabta ah iyo waayaha ay ku sugan yihiin
dad badan oo soomaalidii u dhooftay inay wax soo taransato:
Kuman doorsan
kumanyaal dibjiray kuman dugaagoobay
Kuman qaad daliigoo
sidii adhiga daaqaaya
Iyo kuman khamrigu daashadoo daasad wada haysta
Iyo kuman
xashiishadi dishoo wada daroogaysan
*******
In markii lagu wareeray noloshii qurbaha xayndaabkii la
weydaartay oo jar laga daatay iyo sida loo dhaqan
doorsoomay buu abwaanku dareenkeenna mar kale
taabsiinayaa:
Iyo kuman dalooshaday dhegtoo dahab ka laadlaadshay.
Iyo kuman timaha loo daboo dumar la moodaayo
Iyo kuman naftoodana dayacay ehelna doonaynin
Iyo kuman dafiray aabbe iyo hooyadii dihatay
Iyo kuman durriyadday dhaleen dub u xanuuneynin
Wuxu haddana abwaanku inna tusayaa inaan dhibaatadu ku
ekayn uun qofka balse ay si aan ka soo kabasho lahayn u
taabatay qoyskii oo u kala daadisay iyo mugdiaga
aqoondarrada ah ee meelna looga bixi waayey:
*******
Iyo kuman dalaaqoo ka tagay Dahabadii xaaska
Iyo kuman damiinoon
fahmayn deriska loo meersho
Iyo kuman aqoon kale
ka dama diina garanaynin.
Iyo kuman sidii awr
da`furay dacayda laallaadin
*******
In badani
inay dhaqankii iyo diintii ka tageen oo ku dayasho
shisheeye dan moodeen baa murtida abwaanku innoo soo
tebinaysaa:
*******
Iyo kuman ibleys duufsadoo gaal ku dayanaaya
Iyo kuman dalkoodiyo
afkiyo diida dhaqankooda
Iyo kuman xil iyo
dawlad iyo qaran danayneynin
*******
In badan oo dadkii dhoofay ahi waxay ku mashquuleen ka
sheekayn siyaasad aanay waxba ku soo kordhinayn, isku
dir, baas abuur iyo qabyaalad:
*******
Iyo kuman siyaasad ku dawakhay dabin u qoolkeeda
Iyo kuman dorraatiyo
wax tegay dumin ka sheekeeya
Iyo kuman degaankiyo
bulshada deyr u kala ooda
Iyo kuman belaayada
dab iyo digo ku nooleeya
*******
Halkaa
abwaanku kagama hadhine wuxu talo ku soo jeedinayaa oo
murtidiisu ku biyo shubmaysaa in la is daba qabto oo dib
loogu dhoofo dalkii:
*******
Intaasaa dadkiinnii ku jira debedda dhoobnaaye
Doog raaca geeddiga
rarmay oo meella degi waayey
Dib baa looga
sheekayn haddaan laga digtoonaanne
Dulli aan Ilaah idinku qaban yaan la daa`imine
Dalkeenniyo dadkeennii qabtoo dib ugu soo dhoofa.
|
Haaa..bal hadda ogow dadka qurbaha tegay ma wada xuma, mana wada
xumaan ka raan. In badani waa qoysas si wanaagsan u nool, in
badani waa aqoonyahanno, in b adanina way shaqaystaan. Dadka
dalka jooga ee colaadaha, dhaqaale burburka iyo shaqa la’aantu ku
habsadeen waxay ku badbaadeen xoolaha ehelladooda qurba joogga ahi
soo diraan. Waa lagu liibaanay xilli baahi badan loo qabay. Walaacu
maaha kuwaasi, walaacu waa waxa aayaha soomaalida qurbaha tagtay ku
dambayn doono. Ma noqon doonaan kuwo dalkoodii dib ugu soo noqda oo
dhaqankii iyo jiritaankii soo maalinimo badbaadiya mise haba
wanaagsanaadeene waxay noqon doonaan kuwo la falgala ummado kale oo
nolol iyo duni aan toodii ahayn ku milma?
Sida muuqata kii qurbaha tegay dib u soo noqon maayo, kii ku dhashay
hadalkiisa daa, kii joogayna wuu sii socdaa, dhulka Eebbena ma
cidloobo oo haddii qolo ka baxdo, qolo cammirta ayaa loo keenaa.
Xasan C. Madar
nabaadiino@yahoo.com |
|