Todobaadka iyo Somaliland: "Safarkii Itoobiya iyo UK"
Guuleed: "Geyigaan ilaashaa, Dalka gebi
ahaantii guulbaan la jecelahay, Danahayga gaarka ah, ta guudbaan ka
doorbiday, Geesiyada dalkeennaan garabkooda taagnahay,
Goldalooladaan arko, farahaan ku gudayaa, geedbaan u gooyaa, kii
gufeeya baan ahay, Dadkoo gama'sanbaan, gaadh aan u taagnahay,
Qalinkaygu godob ma leh, Xaajadii gurracanbaan, Hadba gaar u sheegaa".
Geeddi: " Reer guuraa ayaan ahay, nin
guurguurayaan ahay. Reer Geediyaan, hadba gees u rarayaa, Guushaad
ka hadashay iyo geyigaad tilmaantay, nin u heellan baan ahay,
Arrimaha dalkeenna, geesta aad ka joogto, geesta kalaan ka taagnahay.
Guddoonkii la doortaan garabkiisa taagnahay, waxse aanaan garanayn,
labadeenan geeljire, kay gartiisu saxantahay, dadweynoow gartaa naqa,
idinkaa garsoore ah."
Guuleed: Waaryaahe Geeddi, oo shalay
adigoo xafiiska Badhasaabka sii gelaya ayaan arkayey;e, maxaa jirey.?
Geeddi: Dee badhasaabka ayaan soo
salaamayey---sidii loogu magacaabay badhasaabka gobolka Maroodijeex
miyaan indho saarayba.
Guuleed: Oo hore miyaad u taqaannay---
mise beeshoo dhan baa ku xaadiraysa xafiiskiisa---maxaad ka doontay?
Miyaad u shaxaad tagtay.
Geeddi: Waar dee aqoon la'aan baa ku
haysa, beeshaydana garanmaysid, tiisana garanmayside, miyaad taqaan
mujaahid Xamarji?
Guuleed: Waar beeshiisu mid la
garanwaayo ma ahe---ma waxa aad iga doonaysaa Cadduur baa adeer u ah
iyo garyaqaanadii Somaliland.
Geeddi: Adigaaba u abtirinaya'e, anigu
waxa aan ugu tegey, arrin ka weyn waxa aad ka hadlayso. Axmed Cumar
Cabdilaahi (Xamarji) isagoo 12 jir ah ayuu ku biirey Ururkii
dhaqdhaqaaqa waddaniga Soomaaliyeed ee SNM. Isagoo 15 jir ah ayuu
soo raacay ciidankii soomajeestayaasha ahaa ee SNM, ee weerarka
xooggan ku soo qaaday magaaladan Hargeysa. Dagaalkaasi markii uu
waxyar socday ayuu ku dhaawacmay. Anigu halka aan ku bartay
dhaawacaasuu ahaa, intii ka danbaysay aqoon fiican baa naga
dhaxaysay. Waa nin u qalma in loo hambalyeeyo--- sidaasaan ugu tegey.
Waxa la ii sheegay in uu buug qorayo oo uu kaga warramayo
taariikhnololeedkiisii ilaa maanta. Adigu miyaanaad u hambalyeynayn.
Guuleed: Maxaad iigu qasbaysaa, qof
aanaan garanayn. Iga gaadhsii oo waxaad ku tidhaahdaa nin aanu
makhaayaddaa hawada sare ku kulanno ayaa kuu soo hambalyeynayey.
Haddii uu waxoogaa kuu soo dhiibo dee ha ila gees marin ee i ogow.
Waxa aanse ku weydiiyey. Dagaalkii ka dhacay Buuhoodle agtiisa muxuu
ku dhammaaday?
Geeddi: Dagaalkaasi mid ku salaysan
siyaasad ma uu ahayn ee waa dhacdo naxdin leh oo ku soo beegantay
maalintii ciidda. Ilaahay baynu uga baryeynaa sida ugu fiican in
hawshaasi ku dhammaato.
Guuleed: Dee aamiinta uun badi.
Waxa aadse ka warrantaa Madaxweynihii miyuu iloobay in uu yahay
ma daxwene, waa maxay qaabkan jilicsan ee is dhexyaaca ah ee uu ku
tegey LONDON.?
Geeddi: Weligaa baad indhaha ka lalin jirtay, wanaagga iyo horumarka
dalka. Maxaa kuu diidey in aad aragto soo dhoweyntii Itoobiya ee
baanboydii sidii ay u taagnaayeen madaarkii Booli/Addisabeba ay
diidi (Dhici) gaadheen. Bal kaarbadkii casaa eeg, hadalkii wasiirka
arrimaha dibedda eeg. Maxaa waxaasoo dhan aad indhaha uga lalinaysaa.
Guuleed: Waar wixii wanaagsan ee muuqda
indhaha kama lalin karo'e waan ku diirsadaaye,
waxa aan tilm aamaa ama aan farta ku godaa wixii qaldan.
Waxaa buu u egaaday
hoggaamiyhii KULMIYE. Maxaa u diidey in ugu yaraan ay ka
horyimaaddaan xubno ka socda Wasaaradda
Arrimaha Dibedda ee UK. Xataa Wasiir ka Qaxootigana alla ha
ka dhigee ama dee cid uun saancaddale ah. Isagii
oo iska lugaynaya oo dhex socda dadkii
rakaabka caadiga ah , ayuu iska soo baxay baa la yidhi.
Dabadeed na dad is dhex yaacaya oo qama amaya oo
sidii xero-jaadda qaylinaya ayaa
kadinkii is tubay. Waxa la yidhi fool xumo ka
weynaydba lama
arag.
Geeddi:
Mar haddii hadalkaaga uu u bato waxa la yidhi, maba sii dhegaystoe.
Waxa aad ka warrantaa aqoonsigan foodda soo saarmay miyaanaad ogayn?
Guuleed: Waa baad i xasuusisay. Waxa
aan maqlay odhaah tidhaahda "Belaayo hurudda lama toosiyo".
Siilaanyo ma laga yaabaa in uu belaayo innaga jiiftay innagu kiciyo?
Geeddi: Waa maxay belaayada uu
kicinayaa, miyaanaad maqal in maanta ay Jaamac M Qaalib iyo Cismaan
Kalluun ba ka shaqaynayaa raadinta aqoonsiga, oo hawshu meel fiican
marayso. Labadii Shariif ee Xamar fadhiyey, waxa ay yidhaahdeen "Unuka
waxba kama khabno akhoonsiga soomaalilaynta".
Guuleed: Alloow nimaan wax ogayn ha
cadaabin. Waa laba kooxood oo isu dhuumanaya kooxi malaa waxa ay is
yidhaahdeen halkanaa aqoonsigu ka dhowyahay ee tijaabiya. Qolo hore
looga adkaaday oo Jaamac-yare ka mid ahaana waxa ay is leeyihiin
maantaa jaanis idiin soo baxay. Beesha Direed ee koonfurtuna hawshii
berigii qabyowday bay bilaabeen. Dhaqdhaqaaqyada socda waanu la
soconnaa, oo dadkani kor iyo kal waa wada indho. Yaan lagu dagmin ee
xaajada ha laga fiirsado. Ilaa Cumar Geellaha Madaarka kaga horyimi
ee gurigiisiina kaga yimi Cismaan Kalluun----ayaad iiga warramaysaa.
Warku sida uu nagu soo gaadhaa waa basiiiiiiiiiid. Ee waxa aan ku
odhan lahaa saaxiibadaa u sheeg, in aanay ku degdegin hawshaas ee ay
gunta ka soo bilaabaan.
Geeddi: Waa maxay gunta ay ka soo
bilaabayaan.?
Guuleed: Madaxweyne, Siilaanyo, marka
hore talada ha u gudbiyo xisbigiisa KULMIYE, marka xigtana labada
xisbi qaran ee kale UDUB iyo UCID ha u soo bandhigo, dabadeedna
labada gole,Wakiilada iyo Guurtida. sidaasaa dadkuna ,ku difaaci
karaa go'aanka xukuumada. Laakiin meeraysi maafii. Mise, sidii
Daahir Rayaale buu odhandoonaa "Cid kale ila talin mayso, aniga ayaa
madaxweyne ah". Arki doonnee.
Tu danbaynu lahaan.
Sayid-Axmed M.
Yuusuf Dhegey
Sweden |
|