Gud Guurtida Somaliland Md Saleeban M. Adan Oo Si Wayn Loogu soo dhaeeyay Magaalada Caardhif

Cardiff, UK (Timacade News) - Guddoomiyaha Golaha Guurtida Somaliland oo la kulmay  Jaali yadda reer Somaliland ee ku dhaqan magaalada Cardiff. Kulan aan hore loo arag oo ay soo qabanqaabisay Jaaliyadda Somaliland ee Cardiff isuguna dhafnaa soo  dho weyn iyo iswaraysi laguna marti geliyey Guddoomiyaha Aqalka Odayada Somaliland ayaa ku qabsoomay xarunta lagu magcaabo Cardiff County Hall oo ka mid ah  dhisma yaasha la majeerto ee ku yaalla magaalo madaxda carriga Wales ee Cardiff.


Haddii aynnu wax yar ka dulxaadinno taariikhda magaalada Cardiff, waxa ay ka mid  tahay magaalooyinka ugu faca weyn waddanka UK. Sida dad badani la socdaan, Car diff waxa ay hormood u ahaan jirtey baayacmushterkii reer Europe, siiba dhoofintii  dhux ul dhagaxda oo ahayd shidaalka dhaqaajiya gaadiidkii u kala gooshi jirey badaha  caal amka, wershedihii wax-soo-saarka iyo weliba gaadiidka ku dul sullaaca biraha xadiidka ah (trains). Balse waxa shidaalkani suuqa ka baxay markii la helay ceelasha saliidda ah ee ceegaaga dhulweynaha Khaliijka iyo weliba goobo kale oo caalamka ah sida Iiraan iyo weliba waddamada lagu magcaabo Qooqaas (caucasus) ee ka mid ahaa bahdii Ruushka.

Sababta kor ku xusan ayaa ka mid ahayd arrimihii keenay in xoogsato badan oo reer Somaliland ahi u soo shaqo tagaan waddanka UK marka laga soo bilaabo qarnigii  19 aad. Ilaa maanta Cardiff waxa ay ka mid tahay buddhigga ruugcaddaagii  badmaree nnada ahaa ee reer Somaliland kuwaas oo inta badan ahaan jirey halbawlaha  maraak iibtii walwaali jirey badeecadaha kala geddisan ee u kala safri jirtey carro-edeg.

Dashii iyo qaraabadii badmareenada iyo Soomaali kaleba waxa ay iyana sida daadka ugu soo qulquleen gobolka Wales siiba Cardiff laga soo bilaabo 80naadkii ina  weyda artey,  mar kii masiibadu ku habsatay Jamhuuriyaddii Soomaalidu lahaan jirtey. Soom aalida reer Cardiff waa kuwa ugu dhow ee weli sii haya dhaqankii marka la  barbard higo qurbe oo dhan. Arrinta dhaqanku kama madhnayn sababaha keenay in lagu soo qamaamo  xafl addan lagu soo dhoweynayey Guddoomiyihii Aqalka Odayada ee  Som aliland.

Marka aynnu u soo laabanno xafladdii Cardiff iyo soo dhoweynta odayga qaaliga ah ee reer Somaliland Mudane Maxamuud Saleebaan Aadan (Saleebaan Nuur), waxa ay u dhacday si hufan iyadoo aan loo kala hadhin rag, dumar, dhallaan iyo cirrooleba.

Weliba waxaa laga yimi magaalooyin durugsan oo ay ka mid tahay Birmingham oo ah caasimadda labaad ee UK. Waxaa reer Somaliland ku weheliyey soo dhoweynta Ku-x igeenka Duqa Cardiff (Deputy Mayor Keith Hyde) iyo afadiisa (Deputy Mayoress Ann Hyde). Inkasta oo ay ahayd xilli lagu jiro fasaxii Sannadka Cusub misana taasi kama joojin duqa reer Cardiff in uu salaan sharafeed ku soo dhoweeyo mudanaha ka  socd ey Somaliland oo ah oday miisaankiisa leh.

Daadihiyaha xafladda oo ahaa Ibraahim Carab kana socdey Xafiiska Jaaliyadda ee  Ca rdiff waxa uu tilmaamay in xafladdu ka koobnaandoonto laba qaybood –qayb hore iyo qayb dambe. Furitaankiinka kulanka waxa lagu bilaabay aayado quraan ah oo uu  akh riyey Cabdirraxmaan Dooddi. Dabadeed waxaa loo galay bilowgii qaybta hore ee  xafl adda taas oo Guddoomiyaha Xafiiska Jaalliyadda Cardiff, Mr. Cabdirraxmaan Cawed, ku soo dhoweeyey odayga ku xiga duqa magaalada Cardiff (Deputy Mayor Keith  Hy de) si uu ereyo soo dhoweyn iyo warbixin isugu jirta uga yidhaahdo madasha.

Weedhaha soo dhoweynta Guddoomiyaha Guurtida la xidhiidha ka sokow, wuxuu  Maa yarku  tilmaamay doorka Jaaliyadda Somaliland kaga jirto arrimaha kobcinta  dhaqaal aha iyo  isdh exgalka labada bulsho ee Weleshka iyo mujtamaca ka soo jeeda   Somali land ee ku  dh aqan carriga Weleshka taariikhda fogna ka mid noqday hal bawlaha  ho rumarineed ee gobolka. Waxaa kale oo uu kula dardaarmay dadka soomaalida ah in ay ku dedaalaan waxbarashada si aanay marnaba u noqon kuwo aan ka dhexmuuqan mujtamaca ay la noolyihiin. Waxaa isna hadalkii qaatay Guddoomiyaha Guurtida  Soma liland isagoo ka mahadnaqay soo dhowynta iyo sida loo sharfay.Guddoomiye  Saleeb aan waxa uu runtii si xikmadi ku jirto ula hadlay bulshada reer Somaliland isaga oo ku waaniyey in ay ku dedaalaan waxbarshada kuna biiraan siyaasadda waddanka ay ku dhaqan yihiin si ay mustaqbal fiican ugu yeeshaan go’aan-qaadashada arrimaha  muh iimka ah ee khuseeya bulshada iyo horumarkeeda.

Qaybta labaad oo bilaabantay ka dib markii ubaxyo cuddoon lagu sagootiyey duqi  re er Cardiff iyo afadiisa, waxa codbaahiyaha loo dhiibay Xaaji Ciise oo ka mid ah  oda yada reer Cardiff ee sida weyn loo qaddariyo. Xaaji Ciise wuxuu soo dhoweyn iyo  dardaar anba u jeediyey oday Saleebaan isaga oo tilmaamay in reer Somaliland, gudo iyo  dib adba, ay maanta guntiga dhiisha iskaga dhigaan sidii ay u noqon lahaayeen ul iyo diirkeed iyaga oo midaysanna u qabsan lahaayeen doorasho xor ah oo xalaal ah.

Waxaa isna ku xigey oday ka mid ah ruugcaddaagii badmareennada ahaa magac iyo maamuusna ku leh bulshada dhexdeeda, Maxamed Aadan, oo isna ereyo soo  dhowe yn, talo iyo dhiirigelin ah ka dhawaajiyey. Axmed Carwo oo ka mid ah aqoonyahanka reer Cardiff ayaa isna hambalyeeyey Guddoomiye Saleebaan iyo doorkii suubbanaa ee uu ka galay masaalixda ummadda. Wuxuu kaloo carrabbaabay doorka weyn ee  loo ga baahanyahay in guurtidu ka ciyaarto arrimaha siyaasadda maadaama ay qayb ka  yih iin. Wuxuu kaloo codsaday in shirguddoonka guurtidu joogteeyo wacyigelinta  od ayada guurtida isaga oo ku sii daray sababta guurtidu u xakamayn weydey suldaan-bararka ku habsadey waddankii.

Intaas dabadeed, waxaa loo gudbey mucdii iyo ereyadii loo dhegtaagayey ee  Guddo omiye Saleebaan. Mahadnaqa reer Cardiff dabadii, waxa odaygu taabtay arrimo  ba dan oo muhiim ah lana xidhiidha taabba-qaadka Somaliland ee dhinaca nabadgelyada iyo isxilqaanka ku salaysan. Wuxuu ku adkeeyey bulshada reer Somaliland in ay  gacm aha is qabsadaan gudo iyo dibadba si aynnu uga midha dhalinno hammigeenna. “Waa in aynnu isku duubnaannaa si aynnu u gaadhno ictiraafka aynnu ku daba jirno.” Wuxuu kaloo sheegay in Jaaliyadda Cardiff ee reer Somaliland ay yihiin kuwo isku  duu ban oo si weyn uga muuqda magaalooyinka kale. Waxa odaygu mar labaad ka  codsa day bulshada in ay joogteeyaan taageerada ay la garabtaaganyhiin dadkooda   wad da nkii ku dhaqan iyo in ay ku dedaalaan waxbarista da’yarta si ay mustaqbal fiican u yeeshaan. Waxa guddoomiyhu ku kaftamay, “Waar carruurtana iskuulada ku haya annagana xaggaa iyo wadankii nagu haya.” Si weyn ayaa runtii loogu riyaaqay  xogw arranka guddoomiyaha. Waxaa dabadeed loo gudbey su’aalahii ka soo  qayb  galay aasha kuwaas oo taabanayey guurtida iyo doorkooda, sidii wax looga qaban lahaa arrimaha muranku ka jiro ee ka taagan gobollada qaarkood iyo qaar kale oo badan. “Qof waliba dantii hadal dabuubtiina loo dhiib.”

Markii la gaadhey dabayaaqadii xafladda ayaa la isu taagey sidii Guddoomiyaha  Guur tida loo guddoonsiin lahaa shahaado iyo billad sharaf ay soo diyaareen dhallinyarada reer Cardiff. Goobtaas waxa reer Cardiff ku muujiyeen maqaamka oday Saleebaan ku leeyahay quluubta Somalilanderska ku dhaqan carriga Wales iyo weliba sida ay ugu heellan yihiin horumarka waddankoodii hooyo. Sidaas ayaa reer Cardiff dhaqan u ah oo ay u soo dhoweeyaan mas’uul kasta oo reer Somaliland ah. Dheeho sawiradda.
 

Shahaado sharaf iyo billad la guddoonsiinayo Guddoomiyaha Golaha Guurtida  Somalil and mudane Saleebaan Maxamuud Aadan (Saleebaan Nuur)

Source:Kulmiye.org