U.S.A. John F.
Kennedy, Robert F. Kennedy iyo Ed ward F.
Kennedy, wehel iyo walaal ayay u
ahaayeen dadka madaw ee Maraykanka
Wax colaad, macaluul, iyo cudur
uga huleelaa degelkii iyo digadii Eebo ku uumay Somalida ka sokow,
kuma yara aduunyadan hagardaamada iyo hingoowga badan leh-e, waxay
ka soo jeedaan '' Reer Kennedey-adu '' dalka la yidhaa Ireland, oo
ab-kood gaajo uga qaxay oo waxay ka mid ahaayeen dad ka daaduumay
abaar ba' an oo daba-dheer, saamo-cuna, iyo hawaaradii aan naqaanay
ka daran oo badhadho ay beeran jireen, oo noloshoodu aad ugu
xidhnayd ka bi' isay, waxa kale oo hayaan-daaduunkaasi ay nafta ku
badbaadinayeen dadka Ayrishka ahi iyana ku weheliyay, dadyoow kale
oo badan oo reer Yurub ah oo iyana dal doo rsi ama
nolol-fiican raadsi ahaa. Sahanbaa ay ku geedi galeene waxay
heeryadii ku fureen ooy naq iyo dalsan-ba ka heleen dhul dihin oon
qaladu ku badnayn, waa dalka la yidhaa haatan Maraykane ( U.S.A ),
Hugunka iyo is-dalandalsiga dadka cadaanka ahi sameeyeen waxa uu soo
jiitay indhahii dunida, waxana ka daba-rar noqday dadyoow kale oo
badan oo meelo kale duwan oo qaaradaha aduunka ah ka soo kala jeeda,
oo Ninba dhan iyo si uu ku yimidba soo cosob (naq) raacay oo yimid
guryasamadan lagu doogsaday, waxan aakhirkii uu noqd ay dalkii
cusbaa da' da yaraa, mid ka mid ah kuwa ugu hodansan, uguna awooda
badan leh, dhankii laga eegoba.
Waase habar iyo habeenkeede, isla dalkan Maraykanka waxa jiray oo
dadyaw gaa iskugu qayshaday barwaaqadan weheliyay, dad cagaha lagu
soo jiitay oo iyaga lagu keenay dhulkaa xoog iyo san-dule oo hanti
la leeyahay oo sida xoola ha loo kala iibsado ahaa, Waa dadkii
madoobaa ee la adoonsan jiray ee qaarad an aan ka soo jeedno
ee Afrika ee cawada daran leh ka yimid, dadkaasi waxa laga dhigtay
oo loo qorsheeyay inay u noqdaan ninka cad maciinka iyo muruqa uu
hawshiisa u adeegsado, waxana aanay haba yaraatee shaqo ku lahaan
jirin dadkaa madoobi oo laga ilaaliyay, wax lahaansho iyo ahaansho,
Rag se lama maleeyee, inay taa qaayibaan iyagu waa diideen oo intaa
hoosta waa ay ka halgamayeen ooy maalinba taab iyo tis dhigayeen,
ogolaan waayeena in hadii muqooda ( body ) la adoonsaday ruuxooduna
( spirit ) la taabo.
Ninba waxbaa ku dheere, halka ninka madaw ay arintiisu taagnayd,
toloow mar uun maad xoroobi ood la mid noqon qayrkaa ( ninka cad )
oo sidiisa maad u nool aan, maad u hami-i, maad u arinsani,
maad u yeelan hanti, maad la wadaagi sharciga dalkan ninkan cad
I.W.M, xasuuso qudbadii qiimaha lahayd ee, '' I have a dream, Dr
Marthin Luther King " , ayaa waxa ay rag kale, waa cadaanka e ay
tiisu taagnayd, maruun maad xukumi dalka Maraykanka iyo weliba
aduunyada inteeda kale, waxa ka mid ahaa dadkii hankoodu heerkaa
taagnaa, Ilma Kenne dy, kuwaasoo 50-kii sanadood ee ugu
danbaysay dalka Maraykanka siyaasadiisa Saamayn wayn ku lahaa!
hadaba labadaa himilo ee sida aad-ka ah u kala tagsan una kala fog,
ayaa sal u ahaa saaxiibtinimo aad u qotodheer, oo ka dhex
unkan tay dadka madaw ee Maraykanka ku nool iyo qoyskan
siyaasiyiinta ah ee reer Kennedy qarnigii tagay, sanadihii
kontomaadka dhamaadkoodii.
Labadu ( dadka madaw iyo reer Kennedy ) waxay wada galeen halgan
adag oo qadhaadh, oo kacaa kuf iyo silbasho badan leh, oo
ujeedadiisu ahayd inay dalka Maraykanka iyo dhaqan-siyaasadiisii
fooshaxumaa ee dadku ku kala takoornaa yeen badelaan, oo
dhaqan xalaal ah oo cusub oo hor leh oo loo siman yahay la yagleelo,
inkasta oo ay taasi galaafatay nafahii rag badan oo ay ka mid
ahaayeen, John F. kennedy, Robert F. Kennedy, Marthin Luther King,
Malcolm X, iyo rag kale oo badan oon la tirin karin, hadana
hadafkoodii waa rumoobay, inkasta oo aanay iyagu soo gaadhin oonay
arag, waase kaa dhaxalkii ay ka tageen maanta keenay in mudo ka yar
qarni-badhkii, maalintii uu qudbada qiirada leh ee aadka loo wada
yaqaan ee la wada maqlay ee la yidhaa,'' I have a dream today " uu
jeediyay Dr Martin Luther King, uu Aqalka cad ee looga arimi
yo Maraykan nin madoobi fadhiyo ee uu waliba ka taliyo!.
Inkasta oo xisbiga Dimuqraadi-ga la yidhaa yahay mid ka furfuran
kana dabacs an kan Jamhuuriga ah (Republican ) marka loo eego
xaga dadyawga laga tirada badan yahay, ee dadka madawbina ka mid
yahay, hadana hadaan rag badan oo ay u horeeyaan Ilmo-kennedy (
siiba John, Robert iyo Edward ) u guntan u dagaalanka xaquuqda
dadkaa laga tirada badan yahay, sida xaalku maanta yahay marna
Maraykan ma ahaadeen, taasina waa ta keentay, in Geeriyaha ku
yimaadaa Qoyska reer Kennedy ay taabtaan quluubta dad badan oo
dunida ku nool, oo aan Maraykanba caaro ku lahayn, Waata keentay in
dadka madoobi dareemaan in garab ku banaanaaday, waxa u danbeeyay
geerida hada ku timid Sen, Edward kennedy, oo aad looga wada naxay
guud ahaan, gaar ahaana dadka madaw iyo dan-yarta dadka maraykanku
ka tiiraanyoodeen, geeridan sen, Edward waata madaxweyne Barack
Obama caloolyawga ku keentay, waayo sen, Edward waxa uu ahaa
gaashaanka ugu adag ee uu madaxweynuhu ku leeyahay golayaasha,
taasuun maahee waxa uu sen, Edward gacan libaax ka agaystay
dooraqshadii iyo soo bixidii madaxweyne Barack Obama.
Geeridii 1963-dii ee John F. Kennedy, iyo tan hada oo ah 2009 ee
walaalkii Edw ard F. Kennedy, oo ay u dhaxayso mudo ka badan
45 gu', waxay labadu si isku mid ah u saameeyeen, dadka madaw oo aad
uga naxay, taasi waxay kuu cadaynaysaa, abaalka qoyskan reer Kennedy
iyo dadka madaw ee Maraykanka ku nooli isku leeyihiin een
dhamaanshaha lahayn, waa sidaa sida loo leeyahay '' waari mayside
war hakaa hadho, oo weliba ku wanaagsan hakaa hadho !
Nimankii madoobaa ee soo maray
qarnigii tagay dalka Maraykanka ee xaq u di rirka ahaa, ee
kala ahaa, Malcolm X. iyo Martin Luther King, oo ku kala duwanaa
aragtiyaha halgankoodu waxay isku raacsanaayeen, soo dhawaysiga reer
Kennedy, iyaga oo arkayay awooda iyo mabda' a qoyskaa, oo Martin
Luther King ayaa laga hayaa, mar uu ka sheekaynayay saaxiibada ay ku
leeyihiin dawlada Maraykanka, John F. Kennedy, isagu waa nin inaga
ah.
Somaliland ha
jirto oo ha joogto
|