“Reer Berbera waxaan leeyahay ragii hore haddii ay wax dhisi kari waayeen kan soo dhaweeya”

 

Hargeysa (TNN)- Suldaanka Guud ee beelaha Somaliland Suldaan Maxamed Suldaan C/Qaad ir, ayaa markii u horeysay ka hadlay khilaaf ka taagan dhismaha warshada cusub ee sibidh ka oo xiisad iyo khilaaf ka abuuray magaaladda Berbera ka dib markii ay odayaal reer saaxil ahi mixnad geliyeen dhismaha warshadaasi.

Suldaan Maxamed C/Qaadir oo galabta shir jaraa’id ku qabtay xafiiskiisa wuxuu tallooyin u soo jeediyay waxgaradka bulshada reer Saaxil.

Suldaan Maxamed Suldaan C/qaadir oo ka hadlayay muranka ka taagan dhismaha warshad a sibidhka wuxuu yidhi “Waxaan jeclahay inaan waxyar ka yidhaahdo Warshadda Sibidhka Berbera oo aan u arko Warshadda reer Somaliland oo dhami wada leeyihiin, isla markaana haddii la saluugsan yahay Saamiga ay Dawladdu bixisayna waa arrin laga hadli karo, laakiin waxaan ku talin lahaa inaynu soo dhawayno cid kasta oo dalkeena Maalgashanaysa xataa haddii ay Ajanabi yihiin, waana inaynu soo dhawaynaa Muwaadiniinta damacsan inay hanti dooda u huraan dalka, had iyo jeer cida dhaqaale haysa ayuun baa Saamiga ugu badan qaadanaysa.”

Suldaan Maxamed oo hadalkiisa sii watay wuxuu yidhi “Xukuumadda waxa la gudboon in m arka ay arimaha Maalgashiga ay qabanayso inay Wargalin samayso oo Jaraa’idada ku soo qorto baahintooda oo la yidhaahdo Warshadii Qandaraaskaas ayaa lagu qabanayaa ee cidii ka bixi kartaa dhaqaale intaas leeg ha keento, hadii aanay taasi dhicin laakiin khalad ayey dadku qaadan karaan ee ha la ogaado, mida kaleanigu waxaan odhan lahaa Maadaama oo aynu xukuumadda Doorashada ku timid aynu haysano waa in Tixgalinta koowaad ay ka hes ho dadkii doortay ilayn iyagaa keenaye, reer Saaxil-na waxaan leeyahay Wixii nalagu dila y waxa uu ahaa Madaarka dhiiba iyo haye laakiin Saami iyo waxaas kumaanu qaadan, ilaa imikana shaqaalaha Madaarka jooga laba qof ayaa kaga jira beesha kamana xumin waayo dhibtii hore ee na gaadhay ma jeclin inay maanta cid kale oo reer Somaliland ah gaadho.”
.
“Waxaan taageersan nahay iWarshadda Sibidhka shaqaalaheeda in Mihiimadda koowaad la siiyo dadka u dhashay deegaan waayo waa mid ay xaq u leeyihiin in dadka gobolka Saaxil uu shaqaalaha u badsado, isla markaana ay Somaliland inteeda kale ay ka muuqdaan. Hadii aan waxyar ka yidhaahdo dekadda Berbera ninbaa naga jooga beel ahaan, haday booliska tahayna nin kaliyaa ka jooga manaanaan odhanin maxaa Dekadda Berbera naloo gayn waayey waxaanu u aragnaa in cidkasta oo shaqaysaa ay tahay reer Somaliland,”ayuu Suldaan Maxamed.

Suldaan Maxamed waxa uu ku dooday in shirkada DAHABSHIIL ay tahay ugu dhaqaale ba dan dalka ee warshadaasi hirgelin karta waxaanu yidhi “Waxaana la inooga baahan yahay inaynu Koonfur sidii aynu waxeena uga ilaashan lahayn ee aynu Midnimadeena u tusi laha yn aynu falawgeed galno ee maanta bawdada ha inaga jabinina khalad waa dhacaa waana la saxaaye. Mana qabo ayniga Maxamed Siciid inuu isku koobi doono Warshada laakiin inuu Shares bixin doono ayaan qabaa, xukuumaduna sida ay wax u qaybinaysay waxa ay ahayd in cidii dhaqaale haysa ee Warshada kicin karta ee lacag haysa in ay ka dhexmuuqato, ru nta hadii aynu isku sheegnana Dahabshiil dalka maanta shirkada ugu dhaqaalaha badan weeye, haddii maanta la yidhaahdo Tabarucaad ha bixiyo waa ninka ugu horeeya ee laca gta ugu badan bixinaya ee aan waliba reernimo ku bixinayn ee danta Somaliland ku bixiya”.

Suldaan Maxamed oo ka hadlayay baahida loo qabo hirgelinta dhismaha warshadda sibidhk a wuxuu yidhi “Dad badan oo Hantiilayaal ah oo lacag haystana waynu leenahay laakiin wa xay u badan yihiin Ganacsato in tidhaahda wax ururso, laakiin kordhi oo kobci ganacsigaaga wax hakuu kordhaane ma yaqaanaan, kuwaasna waxa loo baahan yahay inay Xukuumadu u furto Siminaaro xaga ganacsiga iyo dhaqaalaha ku taxaluqa. Warshaddan Sibidhka ee lagu muransan yahayna waxa ay fadhiday 21 sanadood oo maalintii Berbera la galay anigu ragii badhadaha goostay hebel iyo hebel ayaan u garanayaa, meelkasta ayaa loo maray oo ilaa Faransiis ayaa loo maray oo lagama hadal, qolooyin kale oo ganacsato ah ayaa la siiyey oo ilaa imika waraaqihii haysta lagama hadal.”

“Reer Berbera waxaan leeyahay waar ragii Waraaqaha hore loo siiyey hadii ay wax dhisi kari waayeen waar kan soo dhaweeya oo waxa aad eegtaan faa’idada gobolka iyo guud ahaanba Somaliland ka soo gali karta hadii ay shaqayso Warshadaasi. Waxaan reer Berbe ra leeyahay taageera in 20,000 aad u badan tihiin ay shaqo helaan,”ayuu yidhi Suldaanku.

Waxa kale oo iyaguna halkaas ka hadlay Jiif Caaqil C/wali Jaamac Cabdi, Caaqil Axmed Cismaan Cade Gude iyo Caaqil Aabi Xasan Cabdi.

source:so