Mujaahid Aadan Ruush
Talo Maroorsi Iyo Kaliigii Talisnimo wuxuu ka Aqbaliwaaye taliskii
Siyaad Barre Mise waa Riyaale Iyo Qabaanadiisa
Nidaamka dumuqraadiyada ee dalkeena ka curtay waxa durba biqilka ku
qaadhinaya gudoomiyayaasha saddexda xisbi oo ka dhigay xisbiyadii
waxay iyagu shakhsiyan u leeyihiin oo ay siday doonaan ugu tagri
falaan, waxayna noqdeen sidii xisbigii hantiwadaaga kacaan ee ay
taladu Siyaad Barre uun ay gacanta ugu jirtay dadka kalena sacabka u
tumayeen.
Gudoomiyaasha saddexda xisbi
waxay gacantooda ku soo xulaan masuul iyyiinta xisbiyada ee heer
degmo mana ogola inay dadka siiyaan
fursad ay ku soo doortaan madaxda xisbiyada ee laamaha heer degmo
ama gobalba.
Waxa tusaale inoo ah shirweynihii
xisbiga udub ee mar labaad lagu doortay Riyaale iyo ku xigeenkiisa,
shirweynahani wuxuu u muuqday bandhig Riyaale leeyahay, wuxuu
magaacabay koox dabaqoodhiyaa oo shirka qabanqaabisa kooxdani waxay
gacantooda ku soo xusheen xubnihii shirweynaha ka qeyb galayey ilaa
heer degmo, dadkana looma ogolaan inay iskood u soo xushaan dadka
shirka uga qeyb galaya.
Waxa la diiday musharxiintii kula loolamaysay jagada madaxweynimada
Riyaale in ay shirka ka qeyb galaan, xitaa Aadan Ruush oo kaadhkii
shirka heystay baa loo ogolaanwaayey in uu shirka galo.
Hadaba waa lawada ogyahay Riyaale iyo guulwdayaashiisu xagay joogeen,
markuu Mujaahid Aadan Ruush u halgamayey sidii uu dalka uga xoreyn
lahaa taliskii Siyaad Barre. MUjaahid Aadan maxamed Diiriye wuxuu
ahaa siyaasiyiintii S.N.M kuwii ugu hor talaabay, Mujaahad Aadan
wuxuu ahaa hawl fulihii guud ee xafiiski JigJigaad markii markii
dagaalkii buuraha 1984.
Markii gudaha lasoo galay 1988kii
wuxuu ka mid ahaa siyaasiyiintii faro ku tiriska ahaa ee goor walba
furinta joogay ee hawsha dagaalka safka ka waday, halka siyaasiyinta
S.N.M badankoodu aanay soo dhaafi jirin Diridhaba.
Hadaba Mujaahid Aadan Ruush oo taliskii Siyaad Barre dalka ka
xoreeyey marna xukun maroorsi ka yeelimaayo Riyaale iyo qabaanadiisa
iyo inay shaasheen dumuqraadiya ugubkaa ee dalka ka dhalayay
|