Xidhiidh Dhex Mara
Somaliland Iyo Jabuuti Uu Yahay Lagama Maarmaan
“Xidhiidh Dhex Mara Somaliland Iyo
Jabuuti Uu Yahay Lagama Maarmaan” Muj. Muuse Biixi
Muj. Muuse Biixi Oo Shaaca Ka Qaadayin Xidhiidh Dhex Mara Somaliland
Iyo Jabuuti Uu Ya hay Lagama Maarmaan, Kuna Tilmaamay Laba
Shacab Oo Dhiig Iyo Dhalasho Ka Dhaxayso
“Kuwo Maan-Gaab Ah Oo Aan Dimuqraadiyada Waxba Ka Aqoonin Oo Iyaga
Gudahooda Aan Wadatashi Oolin Ayaa Doodahayga Khilaaf Ka Dhiga,
Waxaanad Moodaa In Xisbiyada Qaarkood Ay Rajo U Arkaan Kulmiyaa Is
Khilaafay Oo Qudha, Hadaynu Jabuuti Is Fahmi Weyno Ma Chine Iyo
Galbeedka Africa.. ”
Guddoomiye Ku Xigeenka 1aad Ee Kulmiye Muj
Muuse Biixi Cabdi
Hargeysa, April 11 2010-(TNN)- Guddoomiye ku xigeenka koowaad ee
xisbiga KULMIYE, Mujaahid Muuse Biixi Cabdi, isla markaana ka mid ah
hogaamiyayaasha reer Hargeysa ee hormuudka ka ah axsaabta mucaaridka,
ayaa sheegay in xidhiidh dhex mara Somaliland iyo Djibouti uu yahay
lagama maarmaan, tilmaamayna in xisbigooda Kulmiye uu yahay xisbi
himilo fog leh oo dimuqraadi ah, islamarkaana tibaaxay in doodaha
wadatashi ee dhexdoodana ay xisbiyada qaarkood iyo warbaahinta
dawladu ka dhigaan khilaaf ka dhex jira xisbiga Kulmiye.
Muj.Muuse Biixi Cabdi waxa kale oo uu si kulul u deedefeeyay wararka
sheegaya hogaami yayaashoodii ururkii SNM ay u kala
qaybsanaayeen garabo siyaasadeed iyo ,mid milatari, balse uu
tilmaamay in uu ahaa mid isku duuban oo siyaasiyiintu hogaaminaysay
milatar iguna fuliyeen taladii hogaanka siyaasadeed ee dalka lagu
soo galay.
Muj.Muuse Biixi Cabdi oo xalay aanu khadka tilifoonka kula
xidhiidhnay waxna kaga weyd iinay siyaasada xisbigooda ee ku
wajahan, xidhiidh Somaliland iyo Djibouti dhex mara iyo socdaalkii
uu dhowaan dalkaasi kaga soo laabtay, ayaa ugu horeyn isagoo ka
hadlaya arrinkaasina waxa uu yidhi, “xidhiidhka Somaliland iyo
Djibouti waa mid wada dhalasho, waa mid dhuleed, waa mid dhiig, waa
laba dal oo meel ku wada dhaqan oo xadkii isticmaa rku Afrika
uu kala xidhay, Djibouti iyo Hargeysa, Berbera iyo Burco waa isku
mid, inay D jibouti iyo Somaliland isku soo dhowaadaan waa
lagama maarmaan, wixii turxaan ah waa in laga ilaaliyaa haday hore
wax u yara qaloocdeen waa in la saxaa, mustaqbalkana xidh iidh
Somaliland iyo Djibouti dhex maraa waa mid waajib ah, in labada
shacab iyo labada dalba ay sii horumariyaan walalnimadooda iyo
sooyaalka taariikheed ee ka dhexeeya.
S : mawqifkiina Kulmiye ee ku aadan xidhiidhka Somaliland iyo
Djibouti, muxuu yahay?
J : Kulmiye, Djibouti iyo Somaliland, mar kasta xidhiidhkoodu wuu
wanaagsan yahay, Djibouti waa dal Somali, madaxweynaheeduna yahay
Somali, dalkaana ay wada degan yihiin Canfar iyo Somali, waa meesha
Somali ku badbaaday, waa meesha haysa iyadoo hareeraheedii oo dhami
gubanayaan, hogaankeeda iyo shacbigeeduba waxay muujiyeen horumar
laxaad leh, wax lagu hambalyeeyana ay tahay, ku dayashana mudan,
adeegyo bulsho, caafimaad, waxbarasho, jidad iyo deked, waxan ku soo
arkay horumar ay ka sameeyeen, Ilaahayna ha u sii siyaadiyo wax
qabsigoodaa.
S : Xisbigiina Kulmiye waxad moodaa in mawqifkiinii hore ee
xidhiidhka Djibouti aad wax ka bedesheen, muxuu yahay,
istaraatijiyadiina siyaasadeed ee xidhiidh Somaliland iyo
Djibo uti dhex mara?
J : mar walba waa waajib in xidhiidh lala sameeyo Djibouti, Kulmiye
waxa ka go’an in xidh iidh lala sameeyo dalalka deriska oo
dhan, Djibouti waa dal Somaliyeed oo aynu isku fahmi karno, hadaynu
is fahmi weyno ma Shiinaha, Guinea oo Afrikada Galbeed ah ayaynu is
fahmi karnaa.
S : maadaama aad ka mid ahayd hogaamiyayaashii milatari ee ururkii
SNM, waxa lagu eedeeyaa in laba garab ay u qaybsanayd, garab siyaasi
ah iyo mid milatari, laguna eedeeyo garabkii siyaasigu inuu
halgankii ku fashilmay, arrimahaa maxaad ka leedahay?
J : arrimahaa imika waxa yidhaahda dad aan wanaag u jeedin ama
taariikhda qaldaya, SNM madax siyaasadeed bay lahayd, hogaan
siyaasadeed baa hogaaminayay, taladiisii dalka lagu soo galay, raga
imika waxaa ku hadlayaa taariikhdana way qaldayaan dadkana way jaho
wareerinayaan, berigii aanu halganka ku jiray raga leh milatarigii
baa guuleystay milatarina may ahayn waxna kumay tarayn, berigaana
waxay odhan jireen waa halgan shacbi, askartu yay hadlin, oo waxay
odhan jireen askartu waa inay shacbiga dhageystaan oo siyaasad baa
hogaaminaysa, kuwii baa maantana leh milatarigii baa guuleystay oo
siyaasigii baa xumaaday, markaa waxan u arkaa dad maalinba wax ku
hadlay, SNM xisbi siyaasi ah ayay ahayd oo siyaasiyiin baa hormuud u
ahayd, taladoodiina ay ciidamadu fulinayeen oo lagu guuleystay,
xisbi midaysan oo madax kala dambaysa leh buu ahaa markaa maxaa loo
kala dhex kala qaybinayaa xabadu keligeed may guuleysateene talo
wada jir ah ayaa lagu guuleystay.
S : Wakhtiyadii halganka aad ku jirteen iyo xilliyadan danbe ee
Somaliland waxa lagugu xantaa in si weyn ha bdhaqankaagii saaxada
siyaasada wax iskaga bedeleen iyo weedhi hii kululaa ee
dhinaca siyaasada, taa maxaa ka jira?
J:Kolba dadku si bay wax u qiimeeyaan waxaan filayaa inaad ka
hadlayso xilligii halganka dalka lagu jiray ee Siyaad barre lala
dagaalamayay marka halgan iyo xeelad dagaal lagu jiro hadal adag,
go’aan calool adayg baa loo baahan yahay, marna waa la nagi yahay oo
arrin la rogrogo oo raga laga talo galiyo ayaa loo baahan yahay
markaa xaaladu dagaal iyo ta nabadeed kolba ta lagu jiro ayaa
go’aankeeda la qaataa. Ragii berigii hore la dagaalamayey Afweyne ee
halganka xoraynta dalku socday ee isku lahaa wuu gacan adag yahay oo
waa digtaytar, maantana waa kuwa leh milatarigii baa guulaystay
kolba saacadii la joogaa la tukadaa oo arrin kasta si baa loo galaa.
S: waxa lagu tilmaamaa habdhaqankaaga siyaasadeed in jaamacadii
xalinta khilaafaadka maamulka ee aad dhawaan kaga qalin jabisay
jaamacada Hargeysa, aad arrimo badan oo dhinaca siyaasada iyo
hogaaminta ah aad ka korodhsatay, bal ka waran arrinkaa?
J: Wax badan bay ii tartay aqoon badana waan ka korodhsaday waanay
ku mahadsan yihiin macalimiintii jaamacada duruusta nagu siinaysay,
waa dhab maalinkasta oo aad waxbarasho gashaa waxbay kuu
kordhinaysaa
S: Xisbigiina Kulmiye waxa lagu tilmaamaa in taageero weyn oo
balaadhan aad ka heshe en beryahan danbe bulshada ku dhaqan
caasimada Hargeysa, lana sheego inaad saama yn weyn ku
leedahay, maxaase rajo aad ka qabtaa in xisbigiinu doorashada
madaxtooy ada guul ka gaadho?
J; Horta bulshada Somaliland guud ahaanba gobollada dalka oo dhan si
weyn baanu ugu kalsoonahay codadkooda oo doorashooyinkii horeba
codad tiro badan bay na siiyeen natiijadii doorashada madaxtooyada
ee horena waad ogayd aqlabiyada codadkii aanu ka helay, inkastoo
Ilaahay (SWT)ogyahay natiijada kaso bixi doonta doorashada hadana
insha allaah rajo weyn baanu ka qabnaa taageerada codadka ummada iyo
doorashada madaxtooyada-ba.
S: Xisbigiina
Kulmiye iyo Udub waxa lagu eedeeyaa inaad taageerada bulshada idin
ku soo biiraysa aad u adeegsataan kasbasho beeleed sida beel
heblaayo ayaa xisbi hebel ku bii rtay, iadoo hanaanka
dimuqraadiyada loo gudbayna miyaanay habdhaqankaa qabiilku ka hor
imanayn mabaadii’dii axsaabta?
J: Horta Afriki qabiil way dhaafi weyday Soomaalina jimciyada
quruumaha ka dhaxaysa ayaa qabaa’il u qaybisay, hadana intaasiba
waxa la leeyahay oo maalinkasta aad maqla ysaa qabyaalada hala
daayo hadana hoosta ayaa laga wad-wadaa waan aaminsanahay in
qabiilka laga gudbo oo qabiilka loo adeegsado dhismaha iyo horumarka
dalka qabiilna qaran ma noqdee waxa loo baahan yahay in ummada
qaranimo loo tababaro, hase yeeshee waxaan u arkaa inay tahay kacaa
kufka aynu u marayno barashada siyaasada, waase qalad in qabaa’ilka
la xoogeeyo oo la bunbuuniyo.
S: Xisbigiina Kulmiye waxa lagu sheegaa xisbi ay siyaasiyiin badan
oo baar-qab ahi isugu tageen oo baryahan danbena la idinku eedeeyo
in hogaankiina sare aydin khilaaf iyo is qabad talada hogaanka
xisbiga isku haysaan, arrimahasi maxaa ka jira?
J: Alxamdulilaahi dadka mudakarkiisii-ba xaganay ku soo urureen oo
Ilaahay baan ugu m ahad naqaynaa, dadkii reer Somaliland
aqoonyahankoodii iyo waxgaradkoodiiba ayaa Ku lmiye iskugu
yimid waananu ku faanaynaa si weyn baanu ugu kalsoonahay miisaanka
na gu soo biiray, xisbigayaga Kulmiyena waa xisbi himilo fog leh oo
dimuqraadiya oo dhex diisana doodo wadatashi oo xor ah ka
yeesha, laakiin dad maangaab ah oo aan dimuqra adiyda aqoon oo
aan iyaga dhexdooda aan doodo wadatashi yeelan ayaa doodahaygaasi ku
tilmaama khilaaf, waan arkayay maalmahan danbe Media dawladu xukunto
oo waxyaa lahaa dacaayadaha raqiiska ah fidinaya laakiin
waxaad ka soo qaada uun nin daad qaad ay xumbo cuskay imika
xisbiyada qaarkood waxaad moodaa in rajadoodii-ba ay ku xidhan tahay
oo kaliya Kulmiye ayaa is khilaafay laakiin Kulmiye wax is khilaafa
iyo wax kala taga wuu ka balaadhan yahay waanu ka qaro weyn yahay.
Source:Haatuf
|