“Muu Ahayn Maxamed Xaaji Ibraahin Cigaal Nin Qof Dumar Ahi
G o’aanadiisa Ay Go’aamiso Ama Ay Hagto, Go’aankiisa Waa La Yaqaanay”
“Marxuum Cigaal meelna lacaq muu dhigan, Aqal
uu galo isagoon ku lahayn Hargeysa, ayuu ka Hhoyday, maantana guri kiro
ah ayaan anigu aaga jiraa” Marwo
Kaltuun X. Daahir
Hargeysa, May 3, 2010 (TNN) –
Kaltuun X.Daahir, oo ah marwadii
Madaxweynihii hore ee geeriyo oday, M arxuum
Maxamed X.Ibraahim
Cigaal , ayaa sheegtay in marxuumku ahaa shakhsi go’aan qaadasho leh
isla markaana dadka la tashan jiray marka uu goynayo arrimaha
waaweyn, waxaanay intaa ku dartay inuu ah aa nin aan lacag jeclayn
balse umadda wax ugu qabta, iyadoo taas tusaale uga dhigtay
in aanu
magaalada Hargeysa kaga tegin guri keli ah xitaa mid ay qoyskiisu
galaan.
Munaasibado lagu xusayey (AHN) madaxwaynihii hore ee Somaliland
Marxuum Maxamed Xaaji Ibraahin Ci gaal oo ku geeriyooday 3 May
2002-dii cusbitaal ku yaal magaalada Peritoria ee dalka South
Africa, hase ahaatee 6 May ee isla sanadkaasi lagu aasay magaalada
Berbera ee xarunta gobolka Saaxil ayaa munaas abado lagu xusayo
shalay lagu qabtay magaalada Hargeysa iyo guud ahaanba Somaliland.
Munaasibadahaasi lagu xusayey madaxweynihii hore ee Somaliland
Marxuum Maxamed X. Ibraa hin Cigaal (AHN) oo mid ka mid ah oo shalay
lagu qabtay magaalada Hargeysa oo ay ka qayb gas hay marwadiisii
Kal tuun Xaaji Daahir, oo wariyaha BBC-da
ee Axmed Siciid Cige ka waraystay
xu ska sanadkan, waxayna she egtay in waxyaabaha lagu xasuusan karo
marxuum Cigaal ay ka mid ahaayeen wakhtigii uu qalinka ku duu gay
Xoriyadii Somaliland ka qaadatay gumaysigii
Ingiriiska.
“maanta (shalay) oo ku beegan tahay 3 May oo uu geeriyooday (AHN)
Maxamed Xaaji Ibraahin Cigaal, wa xa xuska lagu qabtaa wadanka
gudihiisa iyo dibadiisaba xaflado faro badan oo xoolo ayaa lagu
qalaa, dhali nyarana way samaynaysaa xus kale, wadamada Yurubna way
jiraan xusas kale oo laga samaynayaa oo d ad badani iskugu tagayaan”
S:Maxaa lagu xasuustaa Maxamed Xaaji
Ibraahin Cigaal hadaad tahay qofkii ugu dhawaa oo xaa skiisii
aad ahayd, 3 May 2002-dii ayuu ku geeriyooday dalka South Africa
isagoo markaa cusbita al loo geeyey, adi una markaa waad la
socotay?
J:-Kaltuun : Ma soo koobi karo Maxamed
Xaaji Ibraahin Cigaal waxa lagu xasuusto, caruurta yar yar baa
m aanta ku sheekaysata iska daa dadka waawayn oo, ilaa maalintuu hano
qaaday ee uu 20-jirka ahaa ilaa maalintuu godka ka galay dalkiisa
Hooyo ayuu naftiisa iyo maalkiisa iyo wax walba u huray oo uu
naftiisa ilaaway, Maxamed Xaaji Ibraahin Cigaal waxa lagu xasuustaa
oo ug u waynaa xornimadii Somaliland uu qalinka ku duugay,
markii danbe ee Somaliland lala soo noqd ay uu mayalka u
qabtay 1993-kii Somaliland waxay cid waliba hubtaa oo la qirayaa
inaanay Som aliland halkaa soo gaadheen, waa ninkii
badbaadiyey Ilaahay ka sokow, inkasta oo lala garab qa btay oo
wax garadkii, guurtidii iyo odayaashii wadanka joogay ay la garab
qabteen markaa wax faro badan oo aan la soo koobi Karin ayaa lagu
xasuustaa.
S: Intii aad adigu la joogtay
noloshiisa intii danbe oo dhan adigaa marwadiisa ahaa maxaa lagu
xasuusta hadii aad kow iyo laba soo koobto?
J: Waxa lagu xasuustaa qaramayntii
ciidanka qaranka Somaliland, saddexda ciidan qaran ay ka hirgaleen,
waxa kale oo lagu xasuustaa lacagta Somaliland ee uu soo sameeyey,
Basaborka Somaliland, distuurka qaranka ee ina-kala hagaya ee nin
waliba maanta ku faanayo oo aan waliba dadka ku dardaarayo in la
ilaaliyo distuurka qaranka oo la dhawro.
S: Markaad eegto waayo aragnimadaada
dhibaatooyin way jireen oo mar walba mucaarid wuu jiray oo iska hor
imaadyaa jiray intii uu hogaanka hayey sidee buu ku dhamayn jiray
markay arrintu kululaato ilayn waad la joogtee?
J: Iska hor-yimaadyo way jireen laakiin
iska hor yimaadyadaasi isagu umuu arkayn wax adag oo maanta sida loo
kala fog yahay ama aad aragto cadaawad baad maanta ka arkaysaa sida
dadku u kala fogyahay ama loo xifaaltamayo, isagu marwalba waxa uu
qiimaynayey dadkani waa dad walaalo ah oo aan meelna kala tagayn,
carrab iyo labadiisa daan-baa is qaniina waxa weeyaan sideebay
xeegona xeego ku noqotaa ilkona ku nabad galaan, wada tashi, isu
tanaasul, kala danbayn iyo is ixtiraam, inanka yar ayuu ixtiraamayey,
odayguu ixtiraamayey, askariguu ixtiraamayey, dhalinyaraduu
ixtiraamayey oo la tashanayey markay keentana wuu ku tasarufayey oo
lacag buu ku kala furanayey ummada uu ku kala qaboojinayey.
S: Xaga lacagta hadaynu eegno waxa la
odhan jiray Ina Cigaal gacan waynaa, xoolaha uu bixina yaana
waa xoolihii ummada ayaa la odhan jiray, taa maxaad ka leedahay?
J: Gacan weynaanta wuu u dhashay oo
maalkii Aabihii iyo kiisiiba waxay raaceen Somaliland, me elna waxba
kamuu dhigan aqal uu galo isagoon lahayn ayuu ka hoyday magaalada
Hargeysa, maanta guri kiro ah ayaan anigu kaga jiraa, wuu gacan
waynaa, gacan waynida wuu u dhashay, balse meelna waxba kamuu dhigan
anagaa nalaga arki lahaa, caruurtiisiiba laga arki lahaa waxa weeyi
waxa uu u dhashay Haybad iyo Hibo Ilaahay siiyey ayey ahayd, waxba
kumuu fali jirin lac agta wuu ku xaragoon jiray oo ku tasarufi
jiray, taa marka aan leeyahay lacagta wuu ku xarago on jiray
meelna muu dhigan jirin ee ummaduu ku kala furan jiray oo
Somaliland-ba maanta halkaa may soo gaadheen, lacagtu qiimo ma laha
haddii aanad ummada ku kala furan.
S: Maxaa kale oo aad ka sheegi kartaa
Maxamed Xaaji Ibraahin Cigaal shaqsiyadiisa marka aad eegto ma
waxbuu akhriyi jiray, ma Tv-yada ayuu daawan jiray bal ka waran?
J: Way adag tahay inaan sifeeyaa waayo
waxa uu ahaa qof dhawrkii boqol ee kun ee qof noocaa ku jiray, waxa
uu ahaa qof xaga diinta u faro badan, xaafidul quraan buu ahaa,
salaada waxa aan is odhan jiray ma salaado dheeraad ah ayuu tukadaa,
habeenkii intuu tooso ayuu waraaqo akhriyi jiray oo wax akhriskiisu
wuu badnaa waraaqana waxa uu u qori jiray UN-ka iyo qol yaha
Maraykanka ee ay kulmaan oo ku saabsan Ixtiraafka Somaliland ayuu
had iyo jeer qoraal ku samayn jiray.
S: Dad badani waxay yidhaahdaan marka
la eego marwada koowaad oo kale waxa la odhan jiray waxay ku
leedahay Kaltuun go’aamada iyo tasarufka qasriga gacan wayn bay ku
lahayd oo xant aasi way jirtay, wax saamayn ah ma ku lahaan
jirtay ama tasarufka madaxtooyada?
J: Muu ahayn Maxamed Xaaji Ibraahin
Cigaal nin ay qof dumar ahi go’aanadiisa ay go’aamiso ama ay hagto,
go’aankiisa waa la yaqaanay, waxay yidhaahdaan gaaladu “Nin kasta oo
rag ah gaba dh baa ka danbaysa” horta xoghayn baan u ahaa
waanu wada tashan jirnay, waanu wada shaq ayn jirnay laakiin
waxa weeyaan Maxamed Xaaji Ibraahin Cigaal go’aamadiisa isagaa lahaa,
waxa uu ahaa nin adag oo go’aamadiisa ku adag cidna aan ka qayb
galin markay timaado.
Source: Haatuf
|