Degmadda Tog-Wajaale Magaalo Qadiimi ah oo Muraayadii Ganacsiga ee Bariga afrika ah

Haddaba Maadaama ay Sidaasi Tahay Magaaladda Tog-Wajaale waa Magaalo Amaankeedu Fiicanyahay oo

Magaaladda Wajaale waa Magaalo Ganacsiga ka Socda Xawligiisu aanu ka Soconin Dalal Farabadan oo ku Yaala Bariga Afrika waa Magaalo Ku taala Goob istiraatiji ah oo ay Ku Ganacsadaan Dadweyne Tiro badan oo ka kala Yimiday Gobolada Somaliland , Dalka Soomaaliya iyo weliba dadweyne ka soo Jeeda kiiniya ama Soomaalida Kenya .

Haddaba Maadaama ay Sidaasi Tahay Magaaladda Tog-Wajaale waa Magaalo Amaankeedu Fiicanyahay oo Maamulka JSL waxay si weyn xil iskaga saareen sidii ay Amaankeeda u sugi lahaayeen taasoo Ciidamada amaanka ee JSL ay si Xawli ah uga hawlgalaan Bugcadaasi oo ku taala meel Xuduuda aynu la wadaagno Dalka aynu deriska nahay ee Itoobiya .

Magaaladda Tog-Wajaale waa Magaalo Qadiimi ah oo Soo Jirtay Qarni iyo ka badan Magaaladdu waxay Caan Ku tahay ama ay Caan Ku ahaan Jirtay Wakhtiyadii Hore Ninka Wajaale Ku soo Barbaaraa Wuxuu Dhinaca Waaya aragnimo qof ay ku dheehan tahay ayaa lagu tilmaami Jiray Somaliland inteeda kale ay Ku Tilmaami jirtay waxaana Taasi u sabab ahayd Magaaladda Togwajaale waxaa wakhtiyadii Hore Deganaan Jiray Qawmiyado Afaf kala gedisan Ku hadla oo Reer Itoobiya iyo Soomaaliba leh .

Magaaladda Wajaale sidoo kale Qofka Qariibka ku ihi Calaamado lagaga soo dhex Garan Karo dadka kale waa qofka Socotada ahe taasoo ah Siigadda waddada qofka soo maraa isagooon hore u marin is odhan maayo Siigo ayaa Ku Fuushay Timaha ilaa goor Qof usheego mooyeee .

Waxaana Taasi ugu wacan Waddada xidhiidhisa kalabaydh iyo wajaale oo ah wakhtiyada aan Roobka ahayn Mid Siigadeedu kacdo .

Maamulka Dawladda Hoose ee Degmadda wajaale ayaa Maamulkan hadda Joogaa uu si weyn uga shaqeeyeen adeegyadii aasaasiga ahaa ee Magaaladda iyadoo Dad badani ugu mahadnaqeen sida ay ugu Hamiyayaan inay Degmadda wajaale wax ugu Qabtaan .

Waxaan haddaba maadaama ay sidaasi tahay aan Kula Talinaynaa Jaaliyaddaha Gobolka Gabiley kasoo jeeda iyo jaaliyaddaha Somaliland inay Gacan ka Gaystaan Waddadaasi iyo Waddada Magaaladda Gudaheeda oo dhib badan ku haysa Ganacsatada wakhtiyada Roobka .

Sidoo kale Jaaliyadahaasi waxaan ku boorinaynaa inay Dhinaca Adeega Caafimaadka ay isku dayaan inay wax weyn ka qabtaan waxaanad ogaatan Gacmo wada Jir ayay wax ku qabtaan haddii aynu ku halayno oo nidhaahno Dawladdu Wax Kasta ha qabato Taasi Gef ayay Noqonaysaa
 

Qalinkii Mohamed Mussa inji
Hargeysa Somaliland