Madaxweynuhu Ma Aha Xaakim Caadil Ah
Ilaahay (SWT) wuxuu yidhi: Haddii aad wax xukumaysaan si caddaalad
ah wax ku xukuma. Madaxweynuhu waa xaakimka ugu sarreeyey ee loo
igmaday inuu xukumo waddanka. Waxa kitaabka jaamaca ah loogu
dhaariyey maalintii uu xukunka waddanka qabtay oo waajibkiisa
koowaadna uu yahay inuu beelaha Somaliland ku nool oo dhan ee uu
xaakimka u yahay uu si caddaalad ah ku xukumo. Madaxweynuhu
dhaartaas muu oofin markaad eegto sida eexda, takooridda iyo kala
qaybintu ku jirto? ee ay xukuumadiisu u qaybisay deeqaha waddanka
lagu deeqo gaar ahaana deeqda ceelasha biyaha ee dhwaan loogu deeqay
ummadda Somaliland. Marka uu wasiir ama masuul kale oo xukuumadda ka
tirsani ku kaco fal caddaalad darro ah, m asuuliyadeed madaxweynaha
ayaa leh oo ku eedaysan illaa inta uu saxayo caddaalad darrad aas.
Bishii August 2012, 14 xildhibaan oo ka mid ah Mudanayaasha Golaha
Wakiilada iyo Guurtida oo ka soo jeeda beesha galbeedka Burco, ayaa
Madaxwayne Axmed Maxamed Maxamuud (Si ilaanyo) ugu baaqay inuu si
deg-deg ah xilka uga qaado wasiirkiisa Wasaarada Macdanta, Biy aha
iyo Tamarta, Eng Xuseen Cabdi Ducaale, oo ay ku eedeeyeen inuu dastuurka
iyo shuruu cda dalka ku tuntay?.
Mudanayaashan waxay wasiirka Macdanta ku eedeeyeen inuu tan iyo
markii xilka wasaarada asi loo dhiibay uu ku shaqeynayey eex iyo
takoorid, isla-markaana uu bulshada gobolada dal ka u kala eexanayey,
taasi oo ay ku tilmaameen mid ka soo horjeeda sharciga iyo nidaamka
maamul ee dalka ka jira.?
Wasiirka oo weerarkan 14ka xildhibaan ku soo qaadeen u arkayey mid
beelaysan waxa ka mu uqatay markuu ka jawaab bixiniyey inuu ka
damqaday oo ay gilgilashay eedayntaas loo soo jeediyey. Shir
saxaafadeed uu wasiirku iskaga difaacayo eedayntaas oo uu ku qabtay
xarunta wasaaradiisa bishii August 15dii, 2012, isagoo ay weheliyaan
masuuliyiinta kale oo ka tirsan Wasaaradda Macdanta Biyuha, wuxuu
kaga jawaabay inuu soo bandhigo qoraal warbixin ah oo uu ku
caddeynayo deegaamada dalka oo dhan ee ay ka qodeen ceelal biyoodka
kharashka ku baxayana ay bixinayaan dalalka Kuwait iyo Imaaraadka
Carabtu.
Wasiirku wuxuu warbixintiisa ku sheegay in 18ka Ceel ee Imaaraadku
bixiyeen loo kala qaybiy ey 10 ceel oo Hargeysa ah iyo 8 ceel oo
Burco ah. Magaalada Burco wuxuu wasiirku deeqda ceelasha uu u kala
qaybiyey 4 goobood oo bariga ah (Siibakhti, Timaweynta, Oktober,
Buqleeya) iyo 4 goobood oo galbeedka ah (Saylda, Dr Muuse, Maxamed
Cali, Qandahaar ). Waxay u muuqataa oo run ahaantii wasiirkuna
rumeysnaa markuu shir saxaafadeedka qaban ayey inuu ceelasha si
caddaalad ah Burco ugu qaybiyey laakiinse 14ka xildhibaan ee ka soo
jeeda galbeedka Burco kamay iibsan wasiirka sheekadaas oo waxyaalo
kale oo intaas dhaafsi isan ayey gocanayeen ama ha noqoto hayadda
AL-Nafuura ama wax kale ha noqotee.
Deeqda Kuwait bixisay oo ahayd 12 ceel wuxuuu wasiirku u kala
qaybiyey sidan sida ku qeex an warbxinitiisa: Awdal /Salal 2 ceel
(Gargooray, Camuud), Maroodijeex 2ceel (Dameera- boob, Salaxley),
Saaxil 2ceel (Faradeero, Goobaare), Sanaag 3ceel (Laanqiciye,
Badhan, Ceel afweyn), Togdheer 2ceel (Qabri huluul, Dhoqoshay ),
Sool 1ceel (Widh widh). Dabcan deegaa nadani beelo ayey u taagan
yihiin. Wasiirku markuu soo bandhigayey warbixintan wuxuu isku dayey
inuu u muujiyo shacabka iyo kuwa deeqda bixiyaba sida caddaaladu ku
dheehantahay ee uu ceelasha deegaamada waddanka oo dhan ugu kala
qaybiyey.
Wasiirku war saxaafadeedkiisii wuxuu ku yidhi Sidaad la socotaan
waxay wasaaradu ka mid tahay hay?adaha dawlada ee ku dhaqma
distoorka iyo shuruucda u dagan dalka mana jirto shuruuc ay jabisay
ama wasiirku dhinac maray ,sidoo kale ma jirto meel uu wasiirka
wasaara du ku sameeyay eex, kala qaybin, sed-bursimo iyo kala
takoorid bulsho, mana jirto lamana soo helayo meel uu wasiirku
iskaga horkeenay ama colaad ka dhex abuuray xukuumada iyo beelaha
Somaliland qarkood sida ku cad eedaynta xildhibaanada.? Fariid
faraha subag ku leh.
Bal hadda u fiirso cibaaradda uu wasiirku hoosta ka xarriiqay ee
odhanaysa ma jirto meel uu wasiirka wasaaradu ku sameeyay eex?.
Laakiin war bixintaasa kor ku xusan waxa ka muuqata oo caddeynteedii
uu wasiirka laf ahaantiisu soo bandhigay in Balligubadle uu si cad
oo badh eedh ah uga eexday. Malaa wasiirka iyo wasaaraddiisu uma
arkaan in Balligubadleh ka mid ta hay Somaliland! Markaad dib ugu
noqoto eedayntii ay 14ka xildhibaan u soo jeediyeen wasiir ka ee
ahayd ?eex iyo takoorid, isla-markaana uu bulshada gobolada dalka u
kala eexday? miy aanay halkaas ku caddeyn.
Wasiirku wuxuu kale oo uu shir saxaafadeedkiisa ku yidhi, ?Haddaba
haddii aan si kooban idiinku iftiimiyo qaabka wasaaradu u qaybiso
ceelasha deeqda ah ee soo gaadha dalka looma eego gobolaysi,
qabyaalad iyo nin jeclaysi midnaba, waxaase loo eegaa qaabka joolaji
ee dhulka baahida degaanka iyo awooda riigaga dalka yaala.? Wasiirku
been cad ayuu halkaana ka sheegay, waxaana daliil u ah, Bariga iyo
Galbeedka Burco dhinacna umuu kala eegin in biyuhu dhaw yihiin iyo
inaanay dhaweyn (presence of groundwater at shallow depth), umanuu
kala eegin inay biyo ku jiraan iyo inaanay ku jirin, umanuu kala
eegin in biyaha la cabbi karo iyo inaan la cabbi karin ee hab
qabyaaladeed ayuu u qaybiyey waayo haddii uu u eegi lahaa habka
haydrojooloji (hydrogeology) waxa iman lahayd in ama Bariga ceelasha
laga wada qodi lahaa ama Galbeedka, amaba labada jiho dhinac ahaan
ay ceelashu u yara badan lahaayeen, laakiin taasi may dhicin ee
siddeedii ceel ee loo qoondeeyey Burco laba meelood oo is-leeg ayuu
wasiirku ugu kala qaybiyey Bariga iyo Galbeedka Burco.
Wasiirku wuxuu ku doodayaa in wasaaraddiisu aanay gobolaysi iyo
qabyaalad midna wax ku qaybin laakiinse madaweynuhu wuxuu hore u
yidhi: qabiilbaa wax lagu qaybshaa.
?Mujtamaceenu sida uu u samaysanyahay ayaa ku salaysan deegaano.
Deegaankii iyo qabiilkii ayaa isgalay. Markaa waxba yeynaan been isu
sheegeen. Qabiil cidi afka ku dhufan meyso, cid aan ka hadlayna ma
jirto. Maalin walba way noo yimaadaan..? Madaxweyne Axmed Siilaanyo
ayaa hadalkaa yidhi. [Haddii aad doonayso inaad hubiso inuu
madaxweynuhu yidhi hadalkan, waxaad ka baadhaa internet-ka qaybta
Youtube-ka adigoo barta baadhista [search machine] ku qoraya: qabiil
qiil ha u raadin. Dhegayso iyadoo maqal iyo muuqaal ah]
Waxa xusid mudan in eexda iyo takooridda lagula kacay Balligubadle
aanay wasiirka iyo masuu liyiinta wasaaradda iyo macdanta iyo biyaha
oo keliya aanay ku koobnayn.
1dii October, 2011, madaxweyne Siilaanyo ayaa safar shaqo ku tagay
magaalada Balligubadle halkaas oo ururkii dhaqdhaqaaqa ee SNM xarun
u ahayd. Madaxweynuhu markuu ammaan far a badan u soo jeediyey dadka
reer Balligubadleh wuxuu yidhi, sida laga soo daayay TVga Qar anka, Waxaan qirayaa dhowrkii jeer ee aanu halkan nimi markii olalaha
lagu jiray inaanu xaru ntan [taallada SNM] aanu samayno. Waxa kale oo
aanu ballan qaadnay in baahiyaha kale ee gobolku tirsanayo ee
waddooyin leh ee ceelal leh ee hawlo badan leh inaanu wax ka
qabano.?
Madaxweynaha waxa markiiba ku qab-qabtay suaalo Suldaan Cumar
Suldaan Maxamed, Maay arka Balligubadleh, Ibraahim Colaad, iyo
odayaal kale. Waxa odayaashaas iyo masuuliyiinta B alligubadle ka
codsadeen madaxweynaha in deeqda ceelasha biyaha uu wax ka siiyo,
dhisidda waddada Balligubadlena ee uu ballan qaadayna uu wax kala
qabto. Halkii jawaab laga filayey, intuu hoos u foorarsaday ayuu ka
aamusay inuu jawaab haa iyo maytoona uu ka bixiyo codsig aas ceelasha
biyaha ee loo soo jeediyey.
Lama fahmin markaas sababta uu madaxweynuhu uga aamusay in
Balligubadle wuxuu xaq ugu leeyahay uu ka siiyo deeqda ceelasha ee
Somaliland oo dhan lagu deeqay. Waxase immika soo if baxday oo
caddaatay markuu warbixinta soo saaray wasiirkiisa macdanta iyo
biyuhu inuu m adaxweynuhu yahay xaakim aan caadil ahayn oo uu ceel
biyo ah kala bakhaylay Balligubadle, hadalkiisii uu daqiiqado ka hor
ka yidhi isla-goobtaas Balligubadle ee ahaa ?Waxa kale oo aanu
ballan qaadnay in baahiyaha kale ee gobolku tirsanayo ee waddooyin
leh ee ceelal leh ee haw lo badan leh inaanu wax ka qabano.? uu iska
ahaa qawda maqashii waxna ha u qaban.
Waxa madaxweynaha socdaalkaas ku wehelinayey masuuliiyiin sare oo
xisbiga KULMIYE iyo do wladaba ka soo kala jeeda. Waxa ka mid ahaa
masuuliyiintaas Mujaahid Maxamed Kaahin oo markaas xilka Guddoomiye
ku xigeenka ee xisbiga KULMIYE aan loo dooran.
Mujaahid Maxamed Kaahin, oo isna hadal badan meesha ka yidhi, waxa
hadaladiisii ka mid ah aa, ?Reer Balligubadle waxaad nasiib u hesheen
oo aad qayb weyn ka soo qaadateen SNM iyo xorayntii waddanka?.
Wuxuu kale oo uu sheegay in ?reer Balligubadle ay ku tabceen oo maal
geliyeen oo la shaqeeyeen oo biyo siiyeen oo raashin siiyeen
halgankii? waa sida uu hadalkiisa u dhigaye.
Markay halkaa marayso wuxuu Mujaahidku weydiiyey dadweynihii
dhageysanayey ee reer Balligubadleh su?aal ah: Balligubadle miyuu ku
khasaaray? Waxa loogu jawaabay MAYA. Mujaahid Maxamed Kaahin isagoo
aad moodo inuu ka jawaab bixinayo codsigii ceelasha iyo waddada ee
madaxweynuhu ka aamusay wuxuu reer Balligubadleh ku yidhi, ?Waxba
yaanay baahidu idiin muuqanine haddii meelo kale idinka horreeyaan
waa inaad aamustaan.?
Saddex sano ka hor, Axmed Siilaanyo wuxuu ku ololaynayey oo hal
ku-dhig u ahayd markuu kurisga madexynenimada raadinayey, ?Yaad u
codaneysaan? Kulmiyaad u codanaysaan! Yaad u codanaysaan? caddaalad
baad u codanaysaan.? Balligubadle KULMIYE wuu u codeeyey laakiin
caddaaladii ma hayo.
Markaad eegto aamusnaantii madaxweynaha, jawaabta uu bixiyey
Mujaahid Maxamed Kaahin iyo warbixinta uu soo saaray wasiirka
macdanta iyo biyuhu waxay muujinayaan in hore hesh iis loogu ahaa in
la duudsiyo xaqa Balligubadle u leeyahay in ceelasha biyaha wax laga
siiyo. Arrintaas looma aanayn karo xisbiga KULMIYE oo madaxdiisu
dibad-yaal ahayd basle waxa masuuliyadeeda leh oo ay dusha ka
saarantahay xaakimka waddanka, Axmed Siilaanyo.
Toddobaad ka dib socdaalkiisii Balligubadleh, 9kii October,
2011,Madaxweynuhu wuxuu dadwa ynaha gobolka Togdheer u sheegay in
xukuumaadiisu wax badan ka qaban doonto horumari nta arimaha
bulshada, sida caafimaadka gobolka, waxbarashada iyo biyaha. Waxa uu
tilmaam ay madaxweynuhu ?in deegaano ka mid ah gobolka Togdheer laga
hirgalin doono ceelal biyoo d? kuwaas oo lacagta ku baxaysa ay
bixinayaan dawladaha Kuwayt iyo Imaaraadka Carab ta oo uu hore safar
shaqo ugu tagay. Halka uu madaxweynuhu ka aamusay reer Balligubadle,
reer Togdheer wuu u soo bishaareeyey. Maxaa u diiday madaxweynaha
inuu qolo walba xaqeeda siiyo? Hay?ad yar oo maxalli ah ayaa
dhaantay wax qabadka xukuumadda oo Balli yar ka qodday
Balligubadleh.
Markaa mar ka horreysay waxa isaguna booqasho ku tegay Burco
wasiirka madaxtooyada Xirsi Xaaji Cali oo ugu soo bishaareeyey reer
Burco in sideed ceel laga qodi doono magaalada iyadoo madaxweynaha
iyo wasiirka macdanta iyo biyaha toona aan hadal laga maqal lagana
war qabin sida ceelasha loo kala qaybin doono. Waxay u muuqataa in
markaas uu Xirsi Burco ka hadlayey la qabiyey ceelasha.
Biyuhu waa nolosha aadamaha. Qofka biyo kuu diiday waa qof nolosha
kaa xisdiyey. Diinta Islaamka marka laga hadlayo, haddaad malaayiin
lacag ah bixiso meel fog ma gaadho ajarkeedu laakiin markaad ceel
biyood qoddo waa Sadaqah Jaariya oo marka ay shimbiri ka cabto ama
neef ka cabbo iyo marka qof harraadani koombo darsadaba ajar ayaa
kaaga socda xataa markaad dhimato ee camalkaaga xidhmo. Madaxweynaha
iyo wasiirkiisu way diideen inay Balligubadle ceel ka qodaan oo
ajarkaas wax ka gurtaan.
Waxay ka door bideen inay siyaasad beelaysan ku ciyaaraan xaqa dadka
reer Balligubadle ay u leeyihiin in ay helaan ceel biyo ah oo
madaxweynaha iyo wasiirkiisu aanay jeebkooda ka bixinanayn balse ah
wax ummadda Somaliland loogu deeqay.
Bishii July, 28dii, 2010, Golaha Loo Dhan Yahay ee Qaramada Midoobay
(UN General Assemby) waxay gaadheen Qaraarka Tirsigiisu yahay 64/292
kaasoo si cad u aqoonsaday in qof kasta oo bani aadam ahi uu xaq u
leeyahay inuu helo biyo uu cabbo. Waxa uu qaraarkaasi ugu baaqayaa
waddamada in cid kasta la gaadhsiiyo biyo la cabo. Qodobka 1aad,
farqadiisa 1aad wuxuu qeexayaa: ?In qofka banii aadamka ahi uu xaq u
leeyahay inuu biyo helo taasina ay lagama maarmaan u tahay karaamada
qofka banii aadamka ah (human dignity)? Madaxweynuha iyo wasiirkiisu
karaamadaas ku qeexan qaraarka QM way ka duudsiyeen Balligubadle.
Aniga haddii maanta Hargeysa la i dhex dhigo ma garanayo dhinac aan
uga kaco. Balligubadle-na waa igu maqal ee weligay indho ma saarin,
waddanka intiisa kalena hadalkeedaba daa. Laakiin waxaan toddobo kun
iyo boqol mayl aan ka arkay caddaalad darrada ay xukuumadaadu kula
kacday deegaanka Balligubadle. Haddiise ay jiraan deegaano kale ama
beelo kale oo aan xaqoodii ka helin deeqda ceelal biyoodka ee lagu
deeqay Somaliland waxaan jeclahay inaan taageeradayda ku biiriyo.
Ilaahaybaa (SWT) yidhi: Annagaa idinka dhignay quruumo iyo qabaa?il
si aad isugu garataan. Qabiilka ma aha waxa qaldani ee waa qaabka
qallooca ee loo adeegsado. Markaa haddii anigu aan garanwaayey qaar
kale oo la dulmay, xaakimka waddanka xukuma ama madaxweynaha ayey
waajibkiisa tahay inuu yaqaano beelaha uu xukumo oo haddii xabbad
buskud ah lagu deeqo uu hubiyo in beel kastaa xabbadaa buskudka ah
qaybteeda ka hesho. Xataa haddii goobta lagu qaybinayo ay beeli ka
maqan tahay madaxweynaha ayey waajibkiisa tahay inuu qaybtooda u
hayo oo uu siiyo markay soo xaadiraan. Waajibkaas ah in dadka si
caddaalad ah wax loogu qaybiyo Ilaahayba ina faray. Siyaasad fiican
maaha in xodxodasho iyo xagxagasho wax lagu bixiyo sida dhaqanka u
noqotay xukuumaddan.
Eeddu kuma koobna xukuumadda oo qudha balse waxa la wadaaga
masuuliyiinta beesha Balli gubadle dowladda kaga jirta. Wasiirka
Caddaaladda, Xuseen Axmed Caydiid, oo socdaalkii Ball igubadle
dheegga-dheegga ugu hayey madaxweynaha umuu sheegin madaxweynaha in
cadd aaladii uu ku ololaynayey markuu kursiga doonayey uu immikana ku
dhaqmo oo uu deegaa nada ama beelaha Somaliland oo dhan si isku mid
ah ula dhaqmo. Wasiirka Diinta iyo Awqa afta, Sheekh Khaliil
Cabdillaahi Axmed, isna uma muuqato inuu madaxweynaha xasuusiyey
inuu diinta ku soo dhawaado oo uu noqdo xaakim caadil ah.
Xildhibaanada Balligubadle ka soo jeedaana waxay noqdeen
Danaystayaal oo waqti umaa hayaan xaqa dadka ay wakiilka ka yihiin
ugu soo dhiciyaan.
Sulaadiinta iyo cuqaasha beeshuna hore ayey niibta u soo taabtaan oo
xukuumaddan ka soo quusteen.
Madaxweynuhu markuu Balligubadleh fadhiyey halgankii SNM, reer
Balligubadleh biyaha way siinayeen sida uu qudbadiisa ku sheegay
Mujaahid Maxamed Kaahin laakiinse markuu mindada daabkeeda qabtay
isagu inuu harraad tiro wuu kala bakhaylay. Markuu olalaha
doorashada ku jiray ee uu cod raadiska ahaa reer Balligubadleh
codkoodii si mug leh ayey u siiyeen, immi ka oo uu kursiga ku
fadhiistayna inay ceel biyood xaq u leeyihiin iyo inkale wuu
garanwaayay.
Markuu madaxweynuhu duudsiyey xaqa ay reer Balligubadle u leeyihiin
inay helaan ceel biy ood oo aanu weliba isagu jeebkiisa ka bixinayn
ee ay dowlado carbeed oo kale ummadda Somaliland ku sadaqeysteen,
wuxuu ku gefay inuu ku dhaqmo dhaqankeenii fiicnaa ee ahaa qaybiye
wuu qadaa oo isaga ayaa beeshiisa ka soo jari lahaa mid oo reer
Balligubadle siin lahaa, wuxuu ku gefay inuu raaco Qaraarka Qaramada
Midoobay ee sharciyenayay in karaamada bani aadamka ay ku jirto in
qof kastaa uu helo biyo uu cabbo; wuxuu ku gefay amarkii Ilaahay ina
amray ee ahaa: Haddii aad wax xukumaysaan si caddaalad ah wax ku
xukuma.
Haddaba, haddii uu madaxweynuhu tii dhaqanka inoo ahayd uu raaciyey,
oo Qaraarka Qara mada Midoobay ee Carriga Faranjiga ee uu wax ku soo
bartay uu raaci waayey; oo tii Ilaahay (SWT) ina faray uu raaci
waayey, muxuu markaa xeerinayaa?
Miyaanay markaas ku caddeyn madaxweynaha inuu yahay xaakim caddaalad
darro ku sifoo bay. Nin biyo kaa xisdiyey, waa nin nolosha kaa
xisdiyey. Haddii uu madaxweynuhu Balligubad leh deeq biyo ah ka
qadiyey, waxa kale ee lagu sugayaa waa maxay?
Ma rajaynayo inuu madaxweynuhu indhaha saaro maqaalkan, mana filayo
in kuwa labada dhe good kaga marani ay gaadhsiinayaan nuxurka
qoraalkan laakiin waxaan rajaynayaa in mid xa q-u-dirir ahi uu mar
uun runta u sheego madaxweynuhu inuu ummadiisa oo dhan si caddaalad
ah ku xukumo.
Jamal Madar London, United Kingdom
adammadar@yahoo.com
|