Xubno Ka Tirsan Xukuumadda Oo Wajaale U Tagay Dhaqaajinta Balamo Uu Hore Madaxweyne Siilaanyo U Soo Qaaday

 Xubno Ka tirsan Xukuumadda Oo Wajaale u tagay dhaqaajinta balamo uu hore Madaxweyne Siilaanyo u soo qaaday

Tog-Wajaale ,04 August,2011(TNN)- Maareeyaha Hayadda wadooyinka, agaasimaha Guud ee Wasaaradda Arrimaha Gu daha, Cabdilaahi Xuseen Cige iyo waliba la taliyaha madaxweynaha ee Arrimaha Siyaasadda, Abiib Diiriye Nuur ,ayaa maa nta magaaladda Wajaale u tagay sidii loo dhaqaajin lahaa wadooyin uu hore madaxweynaha Somaliland ugu balan qaad ay in laga dhiso Wajaale ilaa kalabaydh.

Masuuliyiintan ayaa intii ay ku gudo jireen kormeerkoodan waxa ay kulamo kala duwan la yeesheen qaybaha kala duwan ee buslhadda iyaga oo u soo jeediyay in ay ka qayb galaan sidii loo dhisi lahaa wadada isku xidha Magaaladda Wajaale iyo kala baydh.

Dhinaca kale xubnahan socdaalka ku tagay magaaladda Wajaale ayaa kulan la yeeshay ganacsatada, kuwaas oo ay kala hadleen sidii la isaga kaashan lahaa dhisitaanka wadada.

Madaxweynaha jamhuuriyadda Somaliland ayaa dhawaan mar uu booqasho ku tagay Magaaladda Wajaale ,balan qaaday in uu dhisi doono wadada isku xidha Wajaale iyo Kalabaydh.

Waxaana hadaladii madaxweynuhu uu wakhtigaas ka jeediyay Magaaladda Wajaale ka mid ahaa," Waxa aan idiin sheega yaa in aan aydaan naga quusan waayo balan qaadyadadii waanu fulinaynaa ,haddii alle yidhaahdona waxa aanu jecel nahay in wax badan ka qabano waxa aad tirsanaysaan.

Wadada isku xidha Wajaale iyo Kalabaydhna ,waxa aan balan qaadayaa in sida ugu dhakhsaha badan loo dhamaystiro, waxaanan maantaba idiin sheegayaa in la dhisi doono.

Walaalayaal waxa aad ogeydeen in ay na soo mareen abaaro, kuwaas oo hakad geliyay waxqabadkii ay xukuumaddu ho re idiinku balan qaaday ayuu yidhi madaxweynaha Jamhuuriyadda Somaliland ayuu yidhi madaxweynaha Somaliland wakhtigaas."

Inta badan xukuumadda madaxweyne axmed Maxamed Maxamuud (Siilaanyo) ,ayaa wakhtigii ay ku jirtay ololaha dooras hada madaxtooyadda balan qaaday in ay wax badan ka qaban doonto baahiyaha kala duwan ee ay tirsanayaan shacab ku iyada oo waxa ugu badan ee looga fadhiyayna ahayd sidii ay u dhisi lahayd wadooyin.



Source: Hadhwanaagnews