|
waxa faraska
nadigiyo
usha loogu fiiqa
inu sii fogaadoo
nasigana ka fiigee
******
maantana fagaaraha
fuulmadeeda geenyada
firfircooni dheer iyo
faaliyo war guunnaan
fal-kinteeda maansada
farasaarayaayoon
fahamkeeda sheekada
ficillaan ku daraya
inaan feedha saaroon
ku tilmaamo farihiyo
halka falaga lagu waddo
******
fiirsiga dushaydiyo
foolkiyo garashada
galool laamo fidiyoo
ubax food ku yeeshiyo
waxaan ahay filow goba
ingineer farshaxanimo
farsamada yaqaanoo
la faduulin baan ahay
******
gaallada fartoodiyo
dabcigooda fara badan
cidla kama fadhiistee
yurub foognideediyo
finland waan ahay
******
faasiqnimo umaan dhalan
furqaantii illaahiyo
salaadiyo faralkana
kama faranfardaynine
inta waan u faydnahay
faraqaaan ku haystaa
******
fulaynimo umaan dhalan
daacadaan ku foofaa
dulmigaan figeeyaa
kuma foogni noolaha
kama tago facaygiyo
filka kii ileeg iyo
fikirkiyo aragtida
******
kuma faaqo noolaha
kuma caayo foolxumo
afarta falaadhiyo
furihiiyo guushiyo
faataxo ku magacow
fada kale waxay tay
******
feejignaantu waa daw
inaan fiiro yeeshoon
marba foodhi dheeriyo
qaylada fogeeyoon
fagaaraha ka sheegaa
necbiyaa faraaryaha
iyo kala faquuqiyo
qollo food la saariyo
tolka faaladiisoo
jecliyaa filaanshaha
******
marna waa faruur
xidhan
ciidagalle ka faankiyo
guuleed fac joogsigu
komeshanka anna fura
jilibkay u foodalla
inay ii fadhiistaan
kuwa kale fogayntuna
ficil weeye igu jira
******
fooriyo marbaan ahay
sida roob faraaciya
marna waqal fogaadiyo
fadadkoo is dhaafiyo
mahiigaan furmaan ahay
******
marban faraska dirirtana
duulaanka fuulaa.........
fulaynimo marbay kali
farax ii ahaataa.....
******
faqash iyo gugeedii
taariikh filaataa
fayl laygu haystaa
falaadhina gilgilashada
kaagama fuqaysee
ficilkaa dhankaygii
ku firee halkiisaa .....
******
maantana falkaan gabbay
inaan guddo faciisaan
farxaanow tuhmaayee
fajac yaanay kula noqon
fooraraa nasiibkii
fuclo orodka waa wali
******
faahfaahin qodobada
fadhi kuma idhaahdee
marbaan gole ka fuulaa
feedhahayga hoosiyo
waxaan uurka kula faqo
faruuryaha ka sheegaa
******
koonfur waan fogeeya
ina geele uma furo
cabdulaahi taan faray
ku fatahay ayaan hore
feedhahay ku taala
ku fogeeyay nabarada
xaajigan ma fiirsade
faralaawe waa wali
faalkiisi muu iman
******
xagayaga faduul hore
fariid uu na yeela
lal fooganyahayoo
xisbiyada furba galay
kurtin fiiqan ba jira
fin baxaaya baa jira
foocfoca so kaca
qolaftaan ka fiiqna
fadhi baanu talina
******
xagna farsamo kale
udub fooladayntiyo
faadhumaysigaygiyo
furahaan ruxruxaya
fijaanaan u dhigaya
inu faran ku soo dhaco
******
kulmiyaan filaanshaha
fooradiisa leeyahay
yay kula fogaanine
goobaley faraha gali
ku filow halkaagoo
firfircooni laba raac
******
farajkana alla qray
fodkana sidaan qabo
rajo waan ka filaya
ii furan halkaasin
dhamaad naxlina kam jiro waa uun kaftan iyo xifaaale
|
