ILA QOSOL
Salaan kaddib, ku soo
dhawaada akhristayaal sheeko kale oo ka mid ah
sheekooyinkeennii la magacbaxay;
Ila Qosol.
Salaad jamac ahayd oo ka
mid ahayd saddexda salaadood ee kor loo akhriyo, ayuu
wadaad imaam ahaa dadkii tukiyey. Akhriskii (qiraa'adii)
ayuu meel ku margadey, waxana u saxay nin jamaacada ka
mid ahaa. Haddana mar labaad ayuu wadaadkii qiraa'adii
khalday. Markii labaadna waxa u saxay nin kale oo
ma'muumiinta ka mid ahaa.
Markii xaaladdu halkaasi
maraysey, ayuu nin jamaca ka mid ahaa oo ay wadaadka
isku reer ahaayeen gartay; in labada nin ee wadaadka
Qur'aanka ka saxayba reer kale yihiin. Dabadeedna, intuu
is-hayn kari waayey; ayuu isaga salaadii ku jira yidhi,
" Waar wadaadka u kala hadha!"
Mar haddii salaadana la
isugu hiilinayo, miyayna bahashii meel xun innala marayn?
|