Hambalyo Hambalyo taageerayaasha Xisbiga Kulmiye ee magaalada Tog-wajaale

Marka hore waxaan salaan u dirayaa dhammaan shacabka karaamada,sharfta iyo qadarinta mud an ee Somaliland,meel walbba oo ay joogaanbba.waxaanan Allaha weyn innoga baryayaa inuu  in naga yeelo kuwo xaqa u hiiliya, dulmigana ka fogaada.

Bal aan u soo noqdo,si koobanna aan qalinka ugu duugo dulucda qoraalkaygan.War dhagaha iyo qalbigaba culay ayaa ka yimid goobtii ilaahay igu dhaliyey ee magaalada Tog-wajaale.

Bulshada degaanku waxay ku tashadeen inay taariikhda qormaysaa kaalin dahab ah ka  galaan, d hallaan iyo waayeel,caruur iyo ciroole ,gabdho iyo wiilal, haween iyo ruug caddaaba,waxay  taage ero hagar la'aan ah u muujiyeen xisbiga KULMIYE,isla markaana ka tashadeen maamulka Riyaale ee masuuliyadii ummaddu u igmatay la anbaday,dhaartiina baal maray.


Ma aha marki ugu horreysay ee ay bulshadani xaqeeda u istaagto, dulmigana gaashaanka u daru urto.Sida taariikhda Somaliland ee ma guuraanka ahi iftiiminayso,waxay bulshadani hormood ka ahaayeen Jabhaddii Afraad ee SNM horteed dulmigii Siyaad Barre tidhi ,"Geeri baan ka xignaa Gun nimo," qorigana kala hor timid.


Akhristaw, xaaladda ay UDUB ku sugan tahay maanta, waxaa dibadda soo dhigaysa heestii khadra Daahir ee ahayd:Qalbi gudhan miyaa qosol lagu godlaa,ee bal qadar igula naso.

Waxaan ku soo gunaanadayaa qormadan, Hambalyo Hambalyo, dhammaan taageerayaasha Xisb iga Kulmiye ee magaalada Tog-Wajaale , halkaad iga xigtaanna waan ku diirsadaye, Allaha weyni guusha ha innagu simo,Aamiin Aamiin.