|
Hagardaamadii
hinbiririirsigii
laysku howli jiray
*****
La haloosiyoo
habartii gumeed
hore loga guur
hoodooy la yidhi
*****
Hibo aan tabaay
maantaan ku helay
naftan hawalanee
hir u laacayaay
hawo doorsigaa
hubsimaa ku ladhan
*****
Hoobayda luuq
heesaha qabow
sida hoobal jiib
ku halaanhaloo
hirwadiyo ciyaar
hoobay idhee
hanka now imaqal
*****
Hadal gaaxdayoo
hindiwaasiyaan
ku halaanhalee
hor alliyo nasiib
*****
Dhago hawsha gabay
hore ugu shiboo
intaa hooy idhee
hor alliyo nasiib
*****
Qabo haawataan
intaa hoosta iyo
hareeraha tolee
hor alliyo nasiib
*****
Halq dhuuntay baan
hadba meeshu galo
hudiyaay idhaa
*****
Nin hurdaan hadeer
ka roga hilaab
waxa heelka jira
ku hor saafayaa
*****
Hooyo baahan baan
hareeraha gacmaha
hinjiyaa itaal
samir baan hadhuub
hodan ugu shubaa
*****
Ubad heermayoo
tahriib haybsadoo
hir u muuqdabaan
inta hoobadkiyo
halistaba tusa
hedda iyo wadkiyo
dhimashada hal furan
hablo iyo ragood
ka hor joogsadaa
*****
Afartaa dhe hilin
hamrashada naftiyo
huqda ciilka dadan
mid kaleeto hoo
*****
Bari hore hedeed
habarti aroor
adhi hawdka iyo
hir caleenle subax
ku hagaajisee
markuu dooga helay
*****
Hal cabaara geed
iska hoos gashee
laama dood horliyo
hurdo qabatayee
hoodaanka luqun
hayn waydayee
*****
Wanku heel shisheed
fikir u ku helay
ma la hooy bil iyo
mayska kay hirtaa
ayay hodan wada
*****
Lugta gali habaas
ku hayl-hayl dhulkii
hanjabaada xeel
hawshuu lahaa
hangalaysayoo
how soo yidhoo
hirdi aanya filan
hebla ugu ridyoo
hareerta u tuur
wadna ugu horseed
*****
Habka aanu nahay
sida haybadaa
hala kama duwana
*****
Horwayn oomanoo
howd iyo dhul sare
ku haraadayoo
hogol iyo daruur
hir u laacayaan
hinqashada intaa
hakiyaay idhaa
*****
Afar loo hayaan
afar laga hayaan
afar lala hayaan
afar lagu hayaan
*****
Nin aqoon hantiyay
hoga aan ka dagay
hilinkeeda garay
habsadda ka durug
heli waa murtidda
hoga aan ka dayay
*****
Afartaa dhe hilin
hamrashada naftiyo
huqda ciilka dadan
midka eeto hoo
*****
Taariikh horliyo
hilin loo banee
waxaan haabka jirin
lagu hawlan yoo
heballana u go,e
*****
Dad is haystaoo
haybtana midoo
kala heermay baan
habsimada wanaag
hebelow ka daa
adna hooy ka joog
garta hogo tusaa
*****
Halgamaa jiriyo
halyaay aasanoo
kuu hilaay
inta hooy xusoo
hiifkiyo xumaha
ha la hiigsanoo
haku hawlin godob
ku halaan halaa
|
