Wasiirka Khaarajiga Somaliland oo si Weyn u Naqdiyey Siyaa dsadii
Aqoonsi-raadinta Xukuumadihii Ka horreeyey
Hargeysa (TNN)- Wasiirka Arrimaha Dibadda Somaliland
Dr. Maxamed Cabdillaahi Cu mar, ayaa naqdiyey siyaasadda arrimaha
dibadda ee xukuumadihii ka horreeyey, isaga oo xusay in
siyaasadoodii arrimaha dibadda ee la xidhiidhay aqoonsi raadintu
ahayd mid aad u liidatay.
Dr. Maxamed Cabdillaahi Cumar oo shalay su’aalo lagu weydiiyey
barnaamijka la yidhaahdo ‘Dadka aga la hadal’ ee ka baxa
teelfishanka qaranka, waxa uu sheegay in xukuumadoodu guulo waaweyn
soo hoysay muddaadii koobnayd ee ay xilka hayeen, isla markaana ay
himiladoodu ka duwan tahay labadii xukuumadood ee ka horreeyey ee uu
dhaliilay siyaasadooda arrimaha dibadda.
Waxa uu ugu horreyn wasiirku ka warramay waxyaabaha uu ku dhaliilayo
xukuumadii uu madaxwe ynaha ka ahaa Alle ha u naxariistee marxuum
Maxamed Xaaji Ibraahim oo uu sheegay in mudadii ay talladda haysay
hal-ku-dhig ka dhigatay ‘Maanta dunidii dhabarka ayey noo jeedisay.’
“Waxaan doonayaa in aan halkan ka qiro xukuumadihii hore ee ka
horreeyey xukuumaddan aan ka tirsanahay, xukuumad waliba kaallin
hoggaamineed oo masuuliyadeed bay ka soo qaatay, maamul walbana
waxbuu ku soo biiriyey maamulida iyo horumarinta siyaasadda dibadda
Somaliland, hase yeeshee way kala duwanaayeen waxtarka ay yeesheen
iyo waxa u suurogalay. Waxa kale oo lagu kala duwan yahay iyadoo ay
himilada guud ee qaranku ay mid tahay, sida loo dhigaayo dooda
siya asiga ah ee dalka iyo sida loo dhigaayo garnaqsiga siyaasadeed
ictiraaf doonka, ayaa aad loogu kala duwanaa.
Waxa kale oo lagu kala duwanaa qaabka istiraajitiyeed iyo hawlgalada
ay xukuumaduhu fulinayeen si ay uga midho-dhaliyaan himilada qaran
ee ictiraafka siyaasadeed oo aynu helno, ummaddana a ynu ka
mid noqono. Haddaan tusaale idinka siiyo xukuumaddii madaxweyne
Cigaal ee ka horreysay xukuumaddii waqtigeedu dhammaaday ee Daahir
Riyaale arrimo badan iyo hawlgalo badan ayey ka qabatay siyaasadda
arrimaha dibadda, haseyeeshee waxa hal-ku-dheg siyaasadeed u noqday xa gga arrimaha dibadda,
dunidii dhabarka ayey noo jeedisay, kaasina
waa mid muujinaaya qalbi-jab iyo niyad-jab, waa mid muujinaya in ay
yaraadeen siyaasadihii iyo hindisayaashii kale ee wax laga ga
qaban laha dhabar jeedintaa ay dawladdaasi muujisay ee ahaa dunidii
dhabarka ayey noo jeed isay,” ayuu yidhi Dr. Maxamed Cabdillaahi
Cumar.
Wasiirka arrimaha dibaddu waxa kale oo uu dhaleecayn u jeediyey
xukuumaddii hore ee xilka laga guulaystay ee uu hoggaaminaayey
Daahir Riyaale kaahin oo uu ku sheegay in ay aad ugu liiteen xagga
maamul wanaaga iyo doodaha ka socday Geeska Afrika oo ay aad ugu
hoobteen, wasiirka oo arrintaa ka hadlayaana waxa uu yidhi;
“Xukuumaddii kale ee ku xigtay ee uu hoggaaminaayey madaxweyne
Daahir Riyaale Kaahin, waxay iyaduna halkaa ka sii qaaday
siyaasaddii arrimaha dib adda oo wax wanaagsan ayey ku soo kordhisay,
haseyeeshee waxa ka horyimi laba dhibaato oo ay ka mid yihiin laba
arrimood oo waaweyn mid waxay ahayd tayada dawliga ah ee markaa
jirtay oo runtii adduunyadii aynu ictiraafka ka doonaynay u arkaysay
in aanay ahayn mid ay dawlad wa naagu ku badnayn oo aan lagu aamini
karin qadiyada siyaasadeed ee dalkeenu markaa doonaaye y, matalan
waxa ka mid ahaa in xisaabtanka iyo daah-furka maamulku in uu aad u
yaraa, waxa ku badnaa maamulkaa xagga musuqmaasuqa, waxa kale oo hir
geliwaayey doorashooyinkii qaranka ee adduunyada deeqaha bixisa ee
aynu saaxiibka la nahay ee aynu ictiraafka ka doonaynaa ay maalg
ashiga iyo taageerada ay siinaysay ay dhawr jeer dib u dhac badani
ku yimi.
Waxa kale oo ka mid ahayd dhibaatada labaad ee ka hor timi meqaamka
iyo karaamda ay ku laha yd waddamada jaarka ah oo aan
waqtigaasi badnayn iyo doodihii siyaasiga ee dunida iyo mandaq
ada Geeskaba ka socotay oo ay ku hafteen.
Halkudhigii xukuumadda madaxweyne Riyaalena waxa uu ahaa dunidu way
noo soo jeesatay, halka ay qoladii horena ka ahayd dunidi way naga
sii jeesatay.”
Wasiir Maxamed Cabdillaahi Cumar waxa uu ka warramay guulihii iyo
waxyaabaha ay kaga duwan yihiin xagga siyaasadda arrimaha gudaha,
isaga oo intaa ku daray in waxyaabihii u qabsoomay ay ka mid
ahaayeen, safaradii uu madaxweynuhu ku tagay waddamada Jabuuti iyo
Itoobiya iyo soo dhawaynihii uu kala kulmay wadamadaasi, isaga oo
arrimahaa ka hadlayeyna waxa uu yidhi “Anna gu waxa aannu
aaminsanahay dawladayada cusubi halkudhiga, marka la eego
waayo-aragnimadii iyo guulihii soo hoyday 6 bilood in uu hayay
kaayagu dunidii way noo timi waanay nala joogtaa, waanay nala
shaqaynaysaa.”
Wasiirka arrimaha dibadda oo sharaxaad ka bixiyey waxyaabaha
Somaliland doonayso inay beesha caalamka ka iibiso si ay aqoonsi u
hesho, waxa uu yidhi;
“Waxay Somaliland la shirtagaysaa bulshada caalamka markay la
hadlayso, waxa ka mid ah ee aan nu ka iibinayno Somaliland waa
dal nabad ah oo nabadgelyo leh oo arrimaheeda siyaasadeedna ku
maamulaayey muddo badan.
Somaliland waxay leedahay oo ay kaga duwan tahay waddamo badan, waa
qaran madaxbannaan oo ku dhisan habka dumuqraadiyada, habka
isdoorashada xorta ah iyo xisbiyada badan ee tartam aaya,
Somaliland waxay leedahay khayraad badan oo dabiici ah, hadday tahay
macdan dhulka ku jirta, saliid tahay, xoolaha nool iyo kalluunka oo
intuba adduunka qani ka dhiga,” ayuu yidhi wasiir ka arrimaha
dibadda Somaliland Dr. Maxamed Cabdillaahi Cumar.
Source: Jamhuuriya Online
|