Dr. Macaw ma bukaanka ayuu baqa maalaya, ma cashuur bixiyaa, mise
cid gaar ah ayuu laaluushayaa
Booqashada Doktar Macaw ee Somaliland, axsaan fal ma ah, waa baad
iyo baqa maalka bukaan socodka. shaqo abuur ma ah, cashuurna diyaar
uma ah in uu bixiyo, hadduu cid gaar ah laaluushay, anigu ma ogi, oo
ruqsad u siisay in dadweynaha xaaladooda alluun og yahay ka
ganacsado.
Nin buka boqol baa u talisa, sidaa daraadeed dhakhtar, jinni bixiye,
Aw bustaale, quraan saare, diin ku baqa maala, oo ma naxaan ah la
waayi maayo, mar haddaan jirin maamul danaynaya, ilaalinta xuquuqda
baahanaha caafimaadkiisa, dhaqaalihiisa iyo aqoontiisa.
Waxaa igu maqaala ah, dawladda Jarmalka ayaaba u doodeysa dhakhtar
Macawgan, ku maamay baadhashada baahanaha. Hadduu daacad yahay, si
samafalnimo ah ayuu dadka ku soo daaweyn lahaa.
Hadduuse ganacsi u tagayo oo baahanaha ku tacdiyayo, waa in dawladu
isaga qiimaha go'aamisaa, dadku awoodi karayaan oo on behave of the
poeple la baayactantaa. Culimada, sixiroolayaasha, jinni
bixiyayaasha, Aw bustaalayaasha, masaajidada, malcaamadaha, waa in
cashuur lagu soo rogaa. Waa in la diiwaangeliyaa oo dakhligooda la
ogaado, boqolkiiba 50% laga qaado. Horta yaa go'aamiyey in
maxaysatada oo keliya la cashuuro. Taana ma nidaamka qabliga ah ayaa
suurtogeliyey.
Wadhatada suuqa joogta ee beesteenka wax ku iibisa, waagii baryaba
waa la dul joogaa, oo cashuura laga qaadaa. Kan boqolaalka kun
xantoobsanaya, cashuuri kuma waajibto. Lama raad raaco. Dawladuu ma
haad ka adag baa, mise cid gaar ah, ayaa laaluusha ka qaadatad, oo
loo igmadey, si cashuurta looga dhaafo, oo u dooda, kuwaa iyo
qayrkoodba Ninba Xeeladii ku xoogsayey, dawladaa ha kala eexan.
Dhakhtarkan gudniinka carruurta, ee ka fiigey YURUB, markay
xirfadiisii denbi noqotay ee la ansaxiyey, in la xidho ciddii falkaa
ku kacda, wuxuu ishaaqsaday Somaliland oo uu hore uga hirgalay
mashruuca fadhi ku dhereg, mashuuraca sixirlooyaasha, mashruuca
quraan, rakhiis lagu baayaco.
Haddaba, diidey lama yidhaaye, dawladu waa in ay cashuur ka qaadaa.
Siyaasiga qurba joogta ah, ma ah in ay wadhatadu masruufto. Isaga
laftiisa waa in cashuur dheeraad ah lagu soo rogaa, mar hadduu garan
waayey dadka iyo dalkaaga samafal ugu shaqee, waa tan carruurtaadii
Yurub masruuftee.
Hamud Duale
|