“Dr Gaboose Mudadii Uu Qaranka U Shaqaynayey Waxaan Odhan Karaa Waxa Uu Somaliland U Qabtay Arimo Badan Oo Waxtar Leh Oo Amnigu Ka Mid Yahay, Waxaanu Ahaa Nin Aad Macquul U ah”Wasiirka Khaarajiga,Dr. Maxamed C/laahi Cumar

Hargeysa, August 22, 2011 (TNN) – Wasiirka arimaha dibadda Dr. Maxamed C/laahi Cumar ay aa sheegay in wasiirkii hore ee arimaha gudaha Dr. Maxamed Cabdi Gaboose ay is casilaadiisu ay ahayd mid shaqsiya oo u gaar ah, isla markaana uu xaq u leeyahay inuu damaciisa siyaasadeed meel-marsado.

Dr. Maxamed C/laahi waxa uu intaas ku daray in ururka uu Dr. Gaboose uu iclaamiyey inuu fu ranayo aanay xukuumadda haatan jirta ku keenayn wax mushkilad ah ama culays ah, kaas oo tilmaamay in wada shaqayn wayni ka dhaxaysay oo uu qarankana waxbadan u soo qabtay m udadii sanadka ahayd ee hayey xilka daakhiliga.

Wasiirka khaarajiga Dr. Maxamed C/laahi Cumar waxa kale oo uu sheegay in qadiyada furash ada ururada siyaasadu ay tahay talaabo wayn oo ay xukuumadda madaxwayne Siilaanyo ku oofisay balantii ay wakhtigii ololaha qaaday ee ku wajahnayd inay furi doonaan ururada.

Wasiirka ayaa waxa uu sidaas ku sheegay xogwaraysi khaas ah oo uu xalay wargeyska Haat uf khadka tilifoonka ku siiyey, isaga oo ku sugan magaaladda Hargeysa, ayaa sidoo kale waxa uu kaga hadlay arimo door ah oo dhinacyo badan taabana. Ugu horayna isaga oo arimahaas ka hadlaya, waxa uu yidhi “Wasiirkii hore ee arimaha guduhu Dr. Maxamed Cabdi Gaboose wa xa uu ahaa wasiirada aanu iskugu dhawnahay ee wada shaqaynta wayni naga dhaxaysay m udadii aanu xukuumadda ku wada jirnay. Mudadii uu qaranka u shaqaynayey waxaan odhan karaa waxa uu Somaliland u qabtay arimo badan oo waxtar leh oo Amnigu ka mid yahay oo m aamulka goboladda iyo degmooyinku ay ka mid yihiin. Markaa waxaan odhankaraa Dr. Gaboose waxa uu ahaa nin aanu aad iskugu dhawayn wakhtigii aanu wada shaqaynaynay oo run ahaan tii aad u macquul ah.

Shaqo ka tagistiisana waxaan u arkaa go’aan shaqsi oo isaga u gaar ah, waana mid aan ku ix tiraamayo arimihii uu ka hadlay ee damaciisa ku saabsanaa. Markaa waxaan kaga baxayaa int ii uu qaranka u shaqaynayey wada shaqayn fiican ayaa naga dhaxaysay hawlo waawayna wuu u qabtay qaranka”.

Wasiirka mar wax laga waydiiyey waxa uu kala socdo heshiiska la sheegay inay hore u wada galeen Dr. Gaboose iyo madaxwayne Siilaanyo, waxa uu yidhi “Arintaas wax xog ah oo gaar ah oo aan ka ogaa ma jirto, waxa aan ogahay oo kaliyaa waa in ka qayb galka arinta siyaasadu inay tahay go’aan shaqsiyadeed oo gaar ah oo qofka u furan. Waxaanan u arkaa arin aan la isku wadi karayn xilkii uu Dr. Gaboose hayey damaciisa gaarka ah, markaa waxa cad in Maxamed Cabdi Gaboose uu doortay inuu u madaxbanaanado furashada urur siyaasadeed. Laakiin waxan idiin cadaynayaa inaan haynin wax balamo ah oo uu madaxwaynaha kaga baxay oo aan xogtooda hayaa ma jirto”.

Wasiirka khaarajiga mar wax laga waydiiyey sida uu u arko khatarta xukuumadda ay yeelan karaan siyaasiyiinta uu ka mid yahay Dr. Gaboose iyo inuu kasban karo shacbiga Somaliland waxa uu yidhi “Qofku sida aan hore u sheegay xor ayuu yahay inuu iska casilo xilka uu qaran ka u hayo, sababaha uu doono ha ku doortee, laakiin sababihii uu wasiirku sheegay waxa ugu waawaynaa inuu wasiirku doonayo inuu urur siyaasadeed gaara furto, isla markaana taasi ay u baahan tahay wakhti iyo dadaal oo aanay u suurta galayn inta uu xilkaa qaranka u hayo. Iima muuqato wakhtigan xaadirka ah mushkilad ururka uu Dr. Gaboose furanayaa ay dawladda ku keenayso. Tan shacbiyadana waxaan jeclahay inaan arintiisaas isaga u daayo”.

Mar uu ka hadlayay Dr. Maxamed C/laahi aragtidiisa ku wajahan furashada ururada, waxa uu yidhi “Arintaas qaranka Somaliland wuu isku raacay, isla markaana xisbul xaakimka Kulmiye wa xa uu wakhtiyadii ololaha u sheegay shacbiga inuu furi doono ururada siyaasada, isla markaa na arintaas shacbiga la waydiiyey oo ay isku raaceen shacbiga Somaliland in la furo ururada oo golayaashii qarankuna way ka talo bixiyeen oo way ansixiyeen, isla markaana imika madax waynaha ayey hortaalaa. Anigu qadiyadaas waxa aan u arkayaa xoriyad uu distuurkeenu qor ay, waanan ku faraxsanahay in ummadda rabitaankeeda la tixgaliyo. Hase yeeshee anigu wax aan hada ka mid ahay xukuumadda uu hogaaminayo madaxwayne Axmed Maxamed Maxamuud (Siilaanyo) oo aan ka hayo xil aad u culus, dadaalkayga iyo fikirkaygubana waxa uu hada ku kooban yahay inaan dadaalkaygaa ka midho dhaliyo oo ummadda ugu adeego sidaas”.

Dr. Maxamed C/laahi mar wax laga waydiiyey waxa uu kala socdo xidhiidhka la sheegay inuu wasiirkii hore ee daakhiligu la sameeyey Sh. Shariif,waxa uu yidhi “Mudadii aanu anagu waxa shaqaynayeynay wasiirkii hore ee daakhiliga Gaboose marnaba iigamay muuqan wax dhabar jabin ku ah qaranimada Somaliland. Waxa uu iigu muuqday wasiir xilkiisa u gudanaya sidii loogu dhiibay, kamana warhayo xidhiidh gaar ah oo uu la leeyahay cid kale.
 

Source:Haatuf