Beeney waa
run ! Qaybtii 2aad.(Been baa Dowladnimada lagu soo xero
geshaa—runtanawaa lagu dhaqaa)
Gudidada Doorshooyinka:-
Waxaa laga yaabaa in
ay jiraan dad badan oo rumaysan in Doorashooyinkii ka
dhacay Somaliland 26kii Juun 2010 ee aan goob jooga ka
ahaa ,in ay ahaayeen Doorashooyin XOR iyo XALAAL ah ba
lse anigu waxaa aaminsanahay in ay ahaayeen
Doorashooyin XOOG iyo XALAAL ah
.
Doorashooyinkii Madaxtooyada Somaliland 26 Juun
2010,waxay ahayd Doorashadii ugu musuqma asuqa
badnaa,doorashooyinkii ugu xatooyada badnaa ee soo mara
Somaliland,balse cidii dan lah ayd way ku gaadhay
danteedii ay lahayd.Qaladaadkii dhacay Doorashadii
Madaxtooyada ee Som aliland 26 Juun 2010,inkastoo
ay aad u badnaayeen,masuuliyadana ay lahaayeen
shaqsiyaad iyo hayado kala duwani ,haddana kuwii ugu
waaweynaa waxaa ka mid ahaa:-
1. Ma jirin qalab wax
hubinaya,gaar ahaan qalabkii been abuurka ahaa ee la
magac baxay “SERVE R”ilaa hadda ma jirto cid
sheegi karta ,wixii lagu kala saaray ee aynu ka kala
nabad galnay,wuxuun buu ahaa barmaamush iyo tabo casri
ah oo loo adeegsanayey Doorashooyinka Somaliland.Waxaa
haboon in aan loo adeegsan Doorashooyinka dambe haddii
ALLE yidhaahdo.
2. Waxaa dhowr jeer dib u
dhacday Doorashada,waxaa Xukuumadii markaa jirtay lagu
baqa geli yey in ay tahay tan Doorashada lugta
haysa,iyadoo la wada ogaa sababaha dib u dhaca
keenay ey. Waxaa Xukuumadii xilligaa lagu baqa geliyey
hanjebaado ay ka mid yihiin “Somaliland gacantii
na ha ku burburto”,laakiin waxaa socday tabo qarsoon oo
ay wadeen Xisbiga Kulmiye.
3. Waxaa la xaday,oo la soo
been abuuray ,oo wadamo dibada ah lagu soo daabacay
Caadhadhkii diiwaan gelinta “Registration Cards”.Way
ogaayeen G.Doorashooyinka Somaliland ,balse awood ay ku
kala saaraan kaadhka runta ah iyo Card-ka beenta ah may
lahayn.Kaadhadhka been abuurka ah, waxaa isticmaalay,oo
loo soo daabacay Xisbiga talada haya ee Kulmiye,waa la
yaqaan cidii soo daabacday,cidii lacagta bixisay, iyo
weliba shaqsiyaadkii ka soo dejiyey garoonka Diyaaradaha
ee Hargeysa.
4. Shaqsiyaadka ka socda
G.Doorashooyinka,Muraaqibiinta Xisbiyada,Ciidamada
amaanka ee goo bta intuba waxaa lagu soo xulay oo
goobta lagu keenay hab QABIIL,Guddigga Doorashooyin kuna
awood uma lahayn ay ku kala bedeli karaan ,waxaana la
odhan karaa G.Doorashooyinku way ka gaabiyeen
shaqadoodii .
5. Gobolada,goobaha uu ku
xoog badnaa Xisbiga Kulmiye waxaa iyana laga
isticmaalayey tabaha ay ka mid yihiin, in mar qudha la
jaro(gooyo) ilaa 5 waraaqaha codbinta ah(Ballot
papers),oo hal shaqsi loo wada dhiibo,marna la wada
caamadiyo,ka dibna si toos ah sanduuqa loogu wada
rido.G. Doorashooyinku may lahayn awood ay ku
hubiyaan,mana jirin wax hubin ah oo haba yaraatee ay
sameeyeen G.Doorashooyinku.Laysuma eegin-hubin tirade
waraaqaha ee hal sanduuq ku jira iyo buugga diiwaanka
goobta in ay is leeg yihiin iyo in kale.
6. Waxaa jiray dad badan oo
ka tirsanaa taageerayaasha Xisbiga Kulmiye oo aan lahayn
Card-ka diiwaan gelinta oo si xoog ah ku codeeyey amase
la siiyey Card-kii been abuurka ahaa,ma jirin hu
bin magaca buugga ku qoran iyo magaca Cardka ku qoran.
7.Waxaa jiray oo cadaan
ahayd in taageerayaasha Xisbiga Kulmiye ay codkooda ku
celceliyeen dhowr jeer,iyagoo isticmaalaya Card-kii been
abuurka ahaa ee dibada laga keenay,iyo qaar hore loogu
sii dhiibay shaqsiyaad madax dhaqameed ah.
Hadal iyo dhamaan arimahaa aan kor ku soo sheegay iyo
qaar kale oo badan oo ka fool xun ayaa ka dhacay
Doorashooyinkii Madaxtooyada Somaliland ee 26 Juun
2010.Waxaa haboon in si wada jir ah Mucaaridku uga wada
tashadaan sidii aanay mar labaad u dhici lahayn
khaladaadkaasi.
Waxaa aaminsanahay in Xisbiga talada haya ee Kulmiye iyo
Xukuumadiisuba ay xilligan ku howlan yihiin qaar ka fool
xun tabihii ay hore u isticmaaleen,waase haddii laga
yeelaa.
Waxaa qabaa in labada Xisbi ee Mucaaridka ah UDUB iyo
UCID in ay samaysan karaan Guddi wada jir ah oo soo
baadha KHALADAADKII ka dhacay Doorashooyinkii
Madaxtooyada Somaliland ee 26 Juun 2010, haddii kale mar
labaad ayaa loo adeegsan doonaa tabihii markii hore loo
adeegsaday.
Mahadsanidin
— la soco waxqabadkii 100kii maalmood ee Xukuumadu Xilka
haysay——
Abdi M.Saleiman
(Mingiste)
abdi_saleiman@hotmail.com |
|