52 Somali ah oo ku
dhintay xeebaha Yemen
Sida ay sheegtay laanta qaxootiga u qaabilsan qaramada midoobay ee
UNHCR 52 qof oo Somali ah ayaa ku dhintay badda gacanka Caden markii
ay badda kula jabtay doontii ay ka soo raaceen Somalia ee ay
doonayeen in ay ku galaan dalka Yemen.
Qaramada Midoobay waxay sheegtay in ilaalada xeebaha Yemen ay
badbaadiyeen 71 qof oo nool oo dul saarnaa doontii ay kaga soo
dhoofeen somalia horaantii bishan september,oo matoorku ka
jabay.dadkaas oo lab iyo dhedig isugu jiray waxay badda dul
sabeynayeen oo doon jaban ay saarnaayen 18 maalmood oo aysan wax
biyo iyo cunno toona aan helin.
UNCHR waxay sheegtay in bishii hore ee August oo kali ah ay qaxooti
ka badan laba kun qof ay doonyo ku galeen yemen,xilligaas oo ahaa
xilliga inta badan ay baddu furanto oo safarka xeebaha somalia iyo
yemen uu ugu nabadoon yahay.
Tan iyo markii ay dhacday dawladii Somalia 1991 waxaa Yemen iska
dhiibay boqolaal kun oo Somali ah oo uga sii gudba dalalka hodanka
ah ee khaliijka,kuwaas oo ka carara amni darida & dhaqale xumada ka
jirta dalka somalia.
Sanadkihii 2006-2007 oo kali ah sida UNHCR sheegtay Yemen waxaa
galay dad ka badan 45 kun qof oo Somali u badan, waxaa kaalinta 2aad
ku jira dadka u dhashay Ethiopia iyo dad aan badneyn oo Afrikada
kale ka taga oo dhammaantood si sharci daro ah ugu tala galay in ay
u Yemen si ay ugu sii gudban dalalka hodanka ah ee khaliijka.
Source:BBC
|